Íþróttablaðið - 01.04.1994, Qupperneq 42

ouiziyy
Hugsanleg leið til að bæta árangurinn í golfi
Til þess að ná langt í íþróttum er
nauðsynlegt að íþróttamaðurinn
kunni ýmis ráð til að vinna bug á
tilfinningum sínum, s.s. kvíða, ótta,
taugaspennu og skorti á einbeitingu,
sem hrjáir marga í og fyrir keppni.
Þetta er t.d. mjög mikilvægt í golfi
sem er mikil einbeitingaríþrótt. Ef þú
nærð valdi á tilfinningum þínum og
líkamaer mjög líklegtað þú náir góð-
um árangri. Hugræn þjálfun getur því
beinlínis aukið getu, færni og árang-
ur í íþróttum. íþróttamenn hér á landi
hafa ávallt einbeitt sér að líkamlegri
þjálfun (þrekþáttunum þol/þrek/
snerpa) en gleyma hvað það er mikil-
vægt að vera í andlegu jafnvægi og
geta þar af leiðandi gert sitt besta á
réttum tíma.
Því verða íþróttamenn að vera í
andlegu jafnvægi, bæði við æfingar
og í keppni. Margir rugla þessu sam-
an við jákvæða hugsun; það sé nóg
að vera jákvæður og þá sé allt í lagi
en þetta er aðeins meira en það. ]á-
kvæð hugsun getur verið ómarktæk
því hún getur verið óraunsæ en ekki
það sem þú segir sjálfum þér. Þegar
kylfingur segir við sjálfan sig að núna
leiki hann á 70 höggum er það ekki
raunsætt ef hann er með 12 í forgjöf
því undirmeðvitundin veit betur. Að
Ijúga að sjálfum sér gerir engum
gagn. Það mun ekki minnka „streit-
una". Þess vegna verður þú að trúa
þér. Þú verður að þekkja þín tak-
mörk, hverju þú getur búist við af
þér; hvað þú gerir vel og hvað þú
gerir illa. Ef þú átt erfitt með að nota
ásinn á teignum þýðir ekkert að segja
við sjálfan sig að núna hljóti þér að
takast að leika kúlunni á brautina.
Jákvæð hugsun. Líklega mun það
ekki takast því undir niðri trúir þú því
ekki. Þú blekkir ekki tilfinningar þín-
ar svo auðveldlega. Þú verður að
vera raunsær. Það setur engin
spennu á þig. Þú býrð hana til sjálfur.
42