Bændablaðið - 05.11.2020, Blaðsíða 8

Bændablaðið | Fimmtudagur 5. nóvember 20208
FRÉTTIR
Eimverk sækir um vernd
fyrir „Íslenskt viský“
Brugghúsið Eimverk
hefur sótt um að afurðar ­
heitið „Íslenskt viský“
verði skráð sem verndað
afurðarheiti á Íslandi
á grundvelli uppruna.
Umsóknin barst Matvæla­
stofnun 16. september
síðastliðinn og er þar í
vinnslu.
Þetta er þriðja umsóknin
sem Matvælastofnun hefur
borist um vernd á afurða­
heiti, en áður hefur stofn­
unin samþykkt um sóknir
um vernd fyrir „Íslenskt
lambakjöt“ og „Íslensk
lopapeysa“.
Eimverk framleiðir
viskýið Flóki í nokkrum
útgáfum. Það er bruggað að
öllu leyti úr íslensku byggi
og íslensku lindarvatni.
Umsóknin í matsferli
Einars Thorlacius, lögfræðingur
Matvæla stofnunar, segir að sam­
kvæmt lögum um vernd afurða heita
hefst ferlið með því að stofnunin fer
yfir umsóknina og skal gæta þess að
með umsókn fylgi öll gögn, umsókn
sé nægilega rökstudd og uppfylli skil­
yrði laganna.
„Þessi athugun stendur enn yfir,
en ef Matvælastofnun telur skilyrðin
uppfyllt er lögbundið að leita
umsagnar Hugverkastofu og Samtaka
atvinnulífsins um um sóknina.
Ef skilyrði skráningar teljast
uppfyllt mun Matvælastofnun birta
síðan opinberlega afurðarheiti
og afurðarlýsingu sem óskað er
skráningar á. Þetta gerist með
auglýsingu á vefsíðu stofnunarinnar.
Jafnframt er gefinn kostur á
andmælum.
Þegar andmælafrestur er liðinn er
farið yfir andmælin ef einhver hafa
borist. Síðan mun Matvælastofnun
annaðhvort hafna umsókninni
eða samþykkja hana. Verði hún
samþykkt er ákvörðun um skráningu
afurðarheitis birt í Stjórnartíðindum,“
segir Einar um feril málsins.
Hugmyndin er að slík vernduð
afurðaheiti fái einnig vernd innan
Evrópusambandsins, en dráttur hefur
verið á því að innleiða það ákvæði í
íslenska löggjöf. /smh
Íslenska viskýið heitir Flóki sem Eimverk
framleiðir. Mynd / Eimverk
Hamrahlíð 17
Hús Blindrafélagsins
Sími • 552-2002
ÓDÝR
Margskipt gleraugu
Verð 39.900 kr
Margskipt gler frá Essilor (afgreiðslutími +/- tvær vikur)
Gleraugu með glampa og rispuvörn
Sérsmíðum samdægurs í
styrk +/- 6,0 með cyl. til 2,0
19.900 kr.
Margskipt gleraugu
Margskipt gler frá Essilor
(afgreiðslutími +/- tv r vikur)
39.900 kr.
gleraugu
umgjörð og gler
Lely Center Ísland
Reykjavík: Krókháls 5f – Sími 414 0000 – www.vbl.is
Akureyri: Óðinsnes 2 – Sími 464 8600
STÝRISENDAR í flestar
gerðir dráttarvéla
Frostþurrkað skyr væntanlegt á markað:
Sama bragð en 80 prósent léttari vara
– Miklu magni af fersku skyri hent sem hægt væri að frostþurrka
Frosti Skyr er heiti á
frostþurrkuðu skyri, vöru sem
tvær stöllur úr matvælafræðinámi
í Háskóla Íslands hafa verið með
í þróun frá því í janúar á þessu
ári. Á undanförnum vikum hafa
þær fengið tvenn bronsverðlaun
í frumkvöðlakeppnum, fyrst
Gullegginu og síðan Ecotrophelia
fyrir skemmstu sem er eins konar
Evrópukeppni háskólanema í
matvælanýsköpun.
Stofnendur Frosta Skyr heita Aníta
Þórunn Þráinsdóttir og Guðrún Alfa
Einarsdóttir og fengu þær hugmyndina
að vörunni í byrjun þessa árs.
„Við kynntumst frostþurrk­
unaraðferðinni í náminu okkar. En
með frostþurrkun er hægt að lengja
geymslu þol og þægindi margra
mismunandi matvæla. Frostþurrkun
hefur ekki áhrif á helstu skynmats
eiginleika skyrsins eins og bragð,
áferð og lykt,“ segir Aníta Þórunn
Umbúðalaust skyr í fyrsta
skipti með Frosta Skyr
Með frostþurrkuðu skyri að leiðar­
ljósi hafa þær Aníta Þórunn og
Guðrún Alfa hannað og markaðssett
frostþurrkað skyr sem vöru og með
áður óþekktum áherslum.
„Við ætlum að kynna bláu spíru­
línuna fyrir landanum og að selja
íslenskt skyr í fyrsta skiptið umbúða­
laust. En síðast en ekki síst að sporna
gegn matarsóun á því,“ segja þær
„Matarsóun á hinum ýmsu
matvælum er gríðarlegt vandamál
og er íslenska skyrið þar engin
undantekning. Um 10.000
skömmtum af skyri er hent
árlega, einungis hjá einni íslenskri
verslunarkeðju. Með Frosta Skyr
gefst kostur á því að frostþurrka skyr
sem komið er á síðasta söludag og
lengja endingartíma þess úr einum
mánuði upp í mörg ár,“ segir Aníta,
en vill ekki að svo komnu máli gefa
upp hvaðan þær muni fá hráefni sitt.
Það sé hins vegar ljóst, hvort sem þær
muni kaupa skyr frá framleiðanda
eða framleiða það sjálfar, að stefnan
sé að hafa Frosta Skyr laktósafrían
og framleiða hágæða vöru sem
neytendur þekkja og treysta.
Með nánast söluhæfa vöru
„Við höfum unnið dag og nótt að
vöruþróuninni frá því í janúar og
erum nánast komnar með söluhæfa
vöru í hendurnar. Framhaldið hjá
okkur eru samningaviðræður við
íslensk fyrirtæki. En nú í fyrsta
skipti með Frosta Skyr gefst
kostur á því að selja mikið magn
af íslensku skyri erlendis,“ segir
Guðrún Alfa.
Þær segja að frostþurrkunin geri
það að verkum að allur flutningur
verður hagkvæmari.
„Hár flutningskostnaður hefur
hingað til verið mjög íþyngjandi
í útflutningi á rúmfrekri ferskvöru
sem íslenska skyrið er. En með því
að frostþurrka skyrið gefst kostur á
því að flytja út fimm sinnum meira
magn fyrir sama verð þar sem að
skyrið er orðið 80 prósent léttara.
Stefnan er sett bæði á innlendan
og erlendan markað. Frosti Skyr er
tilvalinn sem íslenskt próteinduft
og getur verið staðgengill innflutts
próteindufts að einhverju leyti.
Einnig er Frosti tilvalinn í þessu
ástandi sem ríkir í samfélaginu
þegar að fólk er að fækka búðar­
ferðum en vill kaupa holl matvæli
með langan geymslutíma. Frosti
Skyr stuðlar jafnframt að sjálfbærni
og nýtingu innlendra afurða.“
Næringarríkur þörungur
gefur fallegan lit
„Spírulína er þörungur og er ein
næringarríkasta fæða sem völ
er á í heiminum, eða svokölluð
ofurfæða. Bláa spírulínan sem
við notum í Frosta Skyr er alveg
laus við fiskibragðið sem margir
tengja við þörunga. Þar af leiðandi
er blá spírulína tilvalin sem viðbót
í matvæli. Spírulínan eykur
næringargildið í Frosta Skyr ásamt
því að gefa þennan fallega bláa lit,“
segja þær.
Aníta Þórunn bætir við að
viðurkenningarinnar sem þær hafa
fengið að undanförnu hafi gefið
þeim mikla reynslu. „Þær eru frá­
bær stökkpallur inn í framtíðina.
Að fá þessar viðurkenningar segir
okkur jafnframt að við séum á réttri
braut og að Frosti Skyr eigi góða
möguleika á markaðnum.“ /smh
Guðrún Alfa og Aníta Þórunn með bronsverðlaunin í frumkvöðlakeppninni Gullegginu.
Þörungurinn spírulína gefur Frosta
Skyri fallegan bláan lit og aukið
næringargildi.
Frosti Skyr sem búið er að hræra
upp með vatni.
Dagur íslenskrar tungu 16. nóvember
Dagur íslenskrar tungu verður
að venju haldinn hátíðlegur 16.
nóvember en það er fæðingardagur
Jónasar Hallgrímssonar.
Degi íslenskrar tungu verður nú
fagnað í tuttugasta og fimmta sinn, sem
er á mánudegi í ár. Dagurinn er opinber
fánadagur og því er mælst til þess að
opinberar stofnanir flaggi íslenska
fánanum í tilefni dagsins. Stofnun
Árna Magnússonar hefur umsjón
með deginum og skipulagningu
hans í samvinnu við mennta­ og
menningarmálaráðuneytið. /MHH