Bændablaðið - 05.11.2020, Blaðsíða 48

Bændablaðið | Fimmtudagur 5. nóvember 202048
MATARKRÓKURINN
LÍF&LYST – BÆRINN OKKAR
Dagur er fæddur og uppalinn á
Reykjum og tók við búinu af móður
sinni árið 2018. Í kringum 2015 var
gamla fjósinu breytt úr hesthúsi í
nautahús og keyptar voru holda-
kýr og íslenskir smákálfar til kjöt-
framleiðslu.
Með búskapnum er Dagur í
sánings- og rúlluverktöku. Elín,
móðir Dags, var byrjuð í skógrækt
árið 2009 og er áætlað um 80 ha
í skógrækt. Rebekka er uppalin í
Hrísey. Hún flutti í Reyki til Dags
í mars á þessu ári en bjó síðast í
Svarfaðardal.
Býli: Reykir.
Staðsett í sveit: Lýtingsstaðahreppi
hinum forna, Skagafirði.
Ábúendur: Dagur Torfason og
Rebekka Rún Helgadóttir.
Fjölskyldustærð (og gæludýra):
Dagur, Rebekka, Ingigerður, systir
Dags, kötturinn Óskar og tíkin Aría.
Stærð jarðar? Jörðin er um 450 ha
auk upprekstrarlands á Mælifellsdal.
Gerð bús? Nautakjötsframleiðsla,
skógrækt og verktaka.
Fjöldi búfjár og tegundir? Um
100 nautgripir, 10 hestar, 11 hænur,
70.000 býflugur og nýlega 6 kindur.
Hvernig gengur hefðbundinn
vinnudagur fyrir sig á bænum?
Gjafir bæði inni í fjósi og úti hjá
kúnum. Svo er unnið í tilfallandi
verkefnum yfir miðjan daginn sem
stjórnast eftir árstíma.

Skemmtilegustu/leiðinlegustu
bústörfin? Leiðinlegast þykir
okkur þegar kýrnar eru ekki á
sínum stað innan girðingar, þær
rekast illa eða ekki neitt.
Að slá þegar er góð uppskera
og gefa vel heppnað fóður er
skemmtilegast.
Hvernig sjáið þið búskapinn
fyrir ykkur á jörðinni eftir
fimm ár? Með svipuðu sniði,
vonandi verða holdakýrnar orðnar
eitthvað fleiri og betra nauthús
komið í notkun. Möguleikar á
ferðaþjónustu eru einnig til staðar.
Hvar teljið þið að helstu tækifærin
séu í framleiðslu á íslenskum
búvörum? Helstu tækifærin eru
kornrækt til manneldis, vinnsla
og sala beint frá býli og skógrækt.
Annars eru tækifærin endalaus.
Að fá tæki til að kyngreina sæði
ætti að vera eitt stærsta hagsmunamál
íslenskra kúabænda. Það gæti hraðað
kynbótum í mjólkurframleiðslu og
hver einasti íslenski nautkálfur
í kjötframleiðslu gæti verið af
holdakyni.
Hvað er alltaf til í ísskápnum?
Ab-mjólk, mjólk, ostur, smjör, skyr,
lifrarpylsa.
Hver er vinsælasti maturinn á
heimilinu? Nautasteik með bernes.
Eftirminnilegasta atvikið við
bústörfin? Þegar ein kvígan festi
söltunartunnu á hausnum á sér og
endaði úti í á. Þar stóð hún þar til
henni var komið til bjargar stuttu
síðar.
Quesadillas og eggjabrauð
Þessi gullbrúna stökka tortilla er
með safaríkri kryddaðri fyllingu.
Bræddur ostur sem lekur út er
það sem gerir Quesadillas að einum
frægasta rétti frá Suður-Ameríku.
Grænmetisætur og kjötunnendur eru
því sammála. Og í anda þess ætla ég
að hafa í dag ekki einn heldur þrjá
fyllingarmöguleika til að velja úr.
• Kjúklinga quesadilla
- kryddað, með grænmeti
• Nautakjöt quesadilla
- nautahakk soðið með
Quesadilla kryddi og papriku
• Grænmetis quesadilla
- grænmeti soðið með
Quesadilla kryddi
Quesadilla (nautakjöt, grænmeti
eða kjúklingur)
Hráefni
› 6 - 8 hveititortillur (20 sentimetrar)
› 2 bollar (200 g) rifinn ostur
› 3/4 búnt gróft saxað kóríander
› 1 bolli maískorn (frosinn og þíddur
eða úr dós)
› Fylling (nautakjöt, kjúklingur eða
grænmeti)
Quesadillas kryddblanda:
› 1 tsk. laukduft, þurrkað oregano, salt
› 2 tsk. cumin duft, paprika
› 1/4 tsk. svartur pipar, cayennepipar
(valfrjálst)
Nautafylling
› 1/2 msk. ólífuolía
› 2 hvítlauksgeirar, hakkaðir
› 1/2 laukur, smátt saxaður
› 500 g nautahakk
› 1 lítill rauð paprika, teningar
› 2 msk. tómatmauk
› 1/4 bolli (65 ml) vatn
Kjúklingafylling
› 2 1/2 msk. ólífuolía
› 500 g / kjúklingalæri, beinlaus
› 2 hvítlauksgeirar, hakkaðir
› 1 lítill laukur, fjórðungur og skorinn
í sneiðar
› 1 lítil rauð paprika, teningar
Grænmetisfylling
› 2 msk. jurtaolía
› 1 laukur, teningur
› 2 hvítlauksgeirar, hakkaðir
› 1 dós af svörtum baunum, 400 g
› 1 paprika, teningar (hvaða lit sem er)
› 1 bolli maís (niðursoðið eða frosin)
› 1/4 bolli tómatmauk
› 1/4 bolli (65 ml) vatn
Aðferð
Setjið tortillu á bretti. Stráið osti á eina
hlið, toppið með fyllingu að eigin vali.
Stráið maískorni yfir, ásamt kóríander
og svo annað lag af osti. Brjótið í
tvennt.
Hitið eldfasta pönnu við meðallágan
hita (engin olía, ef pannan er ekki
non-stick, notið 2 tsk. olíu).
Setjið quesadilla á pönnu, þrýstið létt
niður og setjið lok yfir. Hitið í þrjár
mínútur þar til undirhliðin er orðin
gullinbrún og stökk.
Snúið varlega quesadilla við – yfir á
hina hliðina. Þrýstið létt niður. Hitið
í þrjár mínútur þar til það er orðið
stökkt (ekkert lok).
Flytjið yfir á skurðarbretti og skerðu
í tvennt. Berið fram strax!
Valmöguleikar: Sýrður rjómi, salsa
og avókadó.
Kryddblöndur
Blandið hráefnum saman í litla skál.
Notið einn af möguleikunum hér fyrir
neðan fyrir fyllingu.

Fylling – aðferð
Hitið olíu á pönnu við háan hita.
Bætið lauk og hvítlauk út í, eldið í
2 mínútur.
Bæta við nautakjöti (eða kjúkling/
baunir) og steikið, brjótið það upp
(hakkið). Þegar það hefur breyst
úr bleiku í brúnt skaltu bæta við
papriku. Steikið í eina mínútu. Bætið
tómatmauki, vatni og kryddblöndu
saman við. Sjóðið í tvær mínútur.
Færið í skálina, kælið.
Steikið grænmetið og eða kjötið á
sama hátt.
Bætið baunum, maís, tómatmauki,
vatni og kryddblöndu saman við.
Steikið í tvær mínútur eða þar til
kjötið er eldað. Færið í skál, kælið.

French Toast
Vertu morgunhetjan! Með því að
bera fram þykkar sneiðar af volgu
frönsku ristuðu brauði þakið flórsykri
eða syndandi í hlynsírópi færðu
sjálfkrafa bros frá heimilisfólki.
Það er snjöll leið til að breyta
leiðinlegum brauðsneiðum í töfrandi
sælkeramorgunverð, fullkomið fyrir
þá sem eru afslappaðir um helgina
eða til að gera eftir frístundir með
fjölskyldunni.
Tæknin til að búa til franskt ristað
brauð er einföld. Allt sem þú
þarft eru algengar búrvörur eins
og egg, mjólk, flórsykur, krydd
og vanillu. Látið brauðið liggja í
blöndunni og steikið þar til það er
stökkt og uppblásið. Þið getið gert
heimalagaðan bistro-rétt án þess að
fara úr náttfötunum.
Hráefni
› 8 sneiðar hvítt brauð, þykkar sneiðar
er betra
› 1 bolli mjólk
› 2 stór egg
› 2 eggjarauður
› 1 msk. púðursykur eða hrásykur
› 1 tsk. vanilluþykkni eða dropar
› 3/4 teskeið kanill
› 1/8 tsk. múskat
› ¼ teskeið salt
› 2 msk. ósaltað smjör
› ¼ bolli flórsykur, til að dusta yfir með
sigti
› 1 bolli hreint hlynsíróp
Aðferð
Stilltu ofngrindina í miðjuna. Hitið í
140 gráður. Setjið brauðið á vírgrind
inni á bökunarplötu.
Ristið brauðið í 14 mínútur og snúið
við eftir hálfan eldunartímann. Það
ætti að vera þurrt viðkomu en ekki
brúnt. Eftir að brauðið hefur verið
tekið úr ofninum verður það þurrara
þegar það kólnar við stofuhita.
Í stórri grunnri skál er mjólk þeytt
vandlega með eggjum, eggjarauðu,
púðursykri, vanillu, kanil, múskati
og salti.
Leggið hverja brauðsneið í bleyti í 15
til 20 sekúndur á hvorri hlið. Notið
spaða til að flytja á bökunarplötu.
Stráið meira af kanil yfir ef vill.
Hitið eldfast mót eða
steypujárnspönnu á meðal lágum
hita. Bræðið ½ msk. af smjöri á
pönnunni þar til það freyðir.
Bætið við tveimur brauðbitum í
einu. Eldið þar til fyrsta hliðin er
orðin gullinbrún, þurr viðkomu og
léttstökk, í um það bil 3 til 5 mínútur.
Snúið brauðinu við og eldið á hinni
hliðinni þar til það er orðið gyllt, í
um það bil 3 til 4 mínútur.
Þurrkið af pönnunni og bætið fersku
smjöri við, endurtakið eldunarferlið
með því sem eftir var í brauðinu.
Stráið flórsykri ofan á heita franska
ristaða brauðið rétt áður en það er
borið fram.
Með þessum auðvelda rétti af
frönsku brauði sláið þið í gegn, svo
skemmir ekki að hella hlynsírópi
yfir brauðið og skreyta með berjum.
Bjarni Gunnar Kristinsson
matreiðslumeistari
Reykir