Bændablaðið - 05.11.2020, Blaðsíða 23

Bændablaðið | Fimmtudagur 5. nóvember 2020 23
Heyrnarmælingar, ráðgjöf og heyrnartækjaþjónusta
Bókaðu tíma í síma 568 6880 eða á www.heyrnartaekni.is
Vantar þig
heyrnartæki?
Opn S eru ný tegund heyrnartækja frá Oticon sem hjálpa þér að heyra margfalt betur í fjölmenni og klið.
Þú getur fengið Opn S með endurhlaðanlegum rafhlöðum. Heyrnartækni hefur um árabil veitt þjónustu
víðs vegar á landsbyggðinni. Í nóvember bjóðum við upp á heyrnarmælingar, ráðgjöf og þjónustu á eftirfarandi stöðum:
Heyrnartækni | Glæsibæ | Álfheimum 74 | 104 Reykjavík | Landsbyggðaþjónusta | Sími 568 6880
Akureyri | Borgarnes | Egilsstaðir | Húsavík | Reykjanesbær | Vestmannaeyjar

Hafðu
samband
568 0100
www.stolpigamar.is
Gámur er
góð geymsla
Stólpi Gámar bjóða gáma-
lausnir fyrir atvinnulífið
– til leigu eða sölu Einnig gámahús og salernishús frá Containex, færanlega starfsmannaaðstöðu frá EuroWagon.dk,
gámar og vöruskemmur frá BOS, vörulyftur frá Maber og skemmur frá Hallgruppen.
Rakaskiljur og blásara
frá Heylo, rykvarnarkerfi
frá ZIPWALL,
og parket-og vinilklippur
frá BULLET TOOLS.
 þurrgáma
 hitastýrða gáma
 geymslugáma
 einangraða gáma
 fleti og tankgáma
 gáma með hliðaropnun
Óseyrarbraut 12 | 220 Hafnarfirði | Klettagörðum 5 | 104 Reykjavík
Bænda
19. nóvember
Landsvirkjun og MýSköpun:
Samstarf um rannsóknir, ræktun,
þróun og framleiðslu á þörungum
Landsvirkjun og MýSköpun
ehf. hafa undirritað samning
um rannsóknir, ræktun, þróun
og framleiðslu á þörungum á
starfssvæði Landsvirkjunar á
Norðurlandi. Starfsemin verður
fyrst um sinn í skrifstofuhúsnæði
sem áður tilheyrði Kísiliðjunni
við Mývatn.
Verkefnið snýst um að meta
fýsileika þess að MýSköpun
ehf. rannsaki og rækti þörunga
sem m.a. er að finna í Mývatni
og þrói, framleiði og markaðs­
setji í framhaldinu verðmætar
neytenda vörur. t.d. úr spírulínu.
Horft verður til fjölnýtingar jarð­
hita þar sem straumar frá jarðhita­
virkjunum, t.d. raforka, heitt vatn,
kalt vatn og jarðgös, eru nýttir við
ræktunina.
Markmið samningsins er
að auka verðmætasköpun úr
þeim efnum sem verða til við
orkuvinnslu Landsvirkjunar.
Verkefnið bætir þannig nýtingu
auðlinda og skapar tækifæri til
uppbyggingar og nýsköpunar
fyrir nærsamfélagið.
Nýsköpun í Mývatnssveit
MýSköpun ehf. er nýsköpunar­
fyrirtæki í Mývatnssveit sem
er ætlað að auka nýsköpun og
atvinnuþróun á svæðinu. Markmið
MýSköpunar er að vera leiðandi
í framleiðslu á lífefnum úr
þörungum, með fjölnýtingu jarðhita
í fyrirrúmi og nýtingu auka afurða
sem verða til í framleiðsluferlinu.
Ræktun og hagnýting þörunga
hefur í auknum mæli vakið áhuga
vegna fjölbreyttra lífefna sem þeir
framleiða og hagnýtingu þeirra í
ýmsar söluvörur. Þegar talað er
um lífefni er átt við efni á borð
við fitusýrur, prótein, fjölsykrur,
steinefni, karóten og önnur
litarefni, auk fjölfenóla.
Mikilvægur samningur
„Samningurinn er mjög
mikilvægur fyrir MýSköpun
og gerir okkur kleift að auka
framleiðslugetu fyrirtækisins og
færa okkur af rannsóknastofunni
yfir í tilraunaframleiðslu,“
segir Hjörleifur Einarsson,
stjórnarformaður MýSköpunar
í frétt á vef Landsvirkjunar.
Verkefnið hefur verið í þróun
í nokkur ár en nú verður látið á
það reyna hvort sá árangur sem
þegar hefur náðst standi undir
þeim væntingum sem menn
hafa haft frá upphafi, þ.e. að
náttúruauðlindirnar geti verið
grunnur að sjálfbærri ræktun
örþörunga af Mývatnssvæðinu.
„Samstarf okkar við Landsvirkjun
hefur á undanförnum árum verið
ómetanlegt og við væntum þess að
samningurinn sé enn ein varðan á
sameiginlegri vegferð.“
Kraftur og elja
Kristín Linda Árnadóttir, aðstoðar­
forstjóri Landsvirkjunar, segir á
sama vettvangi að fyrirtækinu
þyki ánægjulegt að geta lagt
sitt af mörkum til nýsköpunar
og atvinnuuppbyggingar á
starfssvæðum þess. „Það er mikill
hugur í fólki í Mývatnssveit og ég
er sannfærð um að sá hugur ber
heimafólk hálfa leið. Krafturinn
og eljan ber það án efa leiðina á
enda. Ég hlakka til að fylgjast með
þeirri vegferð.“ /MÞÞ
Undirritunarfundurinn var haldinn með aðstoð fjarfundaforrits. Í efri röð eru,
frá vinstri: Hjörleifur Einarsson, stjórnarformaður MýSköpunar, Guðrún Ólafía
Brynleifsdóttir viðskiptaþróunarstjóri og Kristín Linda aðstoðarforstjóri.
Í neðri röð: Geir Arnar Marelsson, lögfræðingur, Haraldur Hallgrímsson,
forstöðumaður viðskiptaþróunar og sölu og Júlía K. Björke, framkvæmdastjóri
MýSköpunar. Mynd / Landsvirkjun
LÍF&STARF