Tímarit hjúkrunarfræðinga - 2020, Side 32

magnús hlynur hreiðarsson
32 tímarit hjúkrunarfræðinga • 3. tbl. 96. árg. 2020
Hjúkrunarfræðingar í brennidepli
Þegar Margrét er spurð um kórónufaraldurinn segir hún að
það hafi lengi verið búið að vera í umræðunni að við mynd -
um einhvern tímann standa frammi fyrir heimsfaraldri á borð
við covid-19. Árið 2020 hafði verið tilnefnt ár hjúkrunar af
alþjóðaheilbrigðismálastofnuninni (WhO) og Mar gréti fannst
það táknrænt að heimsfaraldur hafi einmitt skollið á á þeirri
stundu. Í þessu samhengi segir hún að hjúkrunarfræðingar
hafi heldur betur verið í brennidepli. „Þeir hafa staðið vaktina
og sýnt fram á mikilvægi sitt. Þetta hefur verið gríðarlega stórt
og mikið verkefni sem ekki sér fyrir endann á. Þegar fram í
sækir verður athyglisvert að horfa um öxl og hugsa til þess sem
maður lagði af mörkum í baráttunni. núna erum við í miðri
orrustu og hugsum bara um einn dag í einu.“
Þolinmæði fólks minnkar
að lokum er Margrét spurð hvernig hennar fólki líði í vinn-
unni í þessu mikla álagi? „Það er engin spurning að mikið álag
til lengdar tekur vissulega á. frá því í upphafi faraldursins
höfum við staðið keik og haldið ótrauð áfram, horft á lausnir
en ekki vandamál og allir hafa lagt sig 100% fram. Vorið var
erfitt og það reyndi á að hitta ekki suma vinnufélagana í tæpa
þrjá mánuði. Það voru því fagnaðarfundir þegar við sam-
einuðumst aftur í sumar eftir langan aðskilnað. Þegar sumarið
kom var fólk orðið þreytt og þá var kærkomið að komast í
sumarfrí. nú er haustið komið og covid-19-verkefnið heldur
áfram. Á mínum vinnustað höfum við lagt áherslu að vera með
daglega stöðufundi til að halda öllum upplýstum um gang
mála. Við pössum vel hvert upp á annað og tölum saman. Það
er mikilvægt að taka einn dag í einu og gera sér stundum
glaðan dag.“
Viðtal: Magnús Hlynur Hreiðarsson
Heilbrigðisstarfsfólk frá heilsugæslunni í Garðabæ sem stillti sér upp í myndatöku einn daginn nýlega eftir sýnatöku í bílastæðakjallara Hörpu.