Náttúrufræðingurinn - 2021, Side 73

Tímarit Hins íslenska náttúrufræðifélags
73
Guðmundur Guðmundsson (f. 1957) lauk B.Sc. prófi
í Líffræði frá Háskóla Íslands 1981 og Ph.D. prófi í
flokkunarfræði 1990 frá City University of New York &
American Museum of Natural History. Guðmundur
starfaði við Háskóla Íslands 1990–1993 og eftir það hjá
Náttúrufræðistofnun Íslands, þar sem hann er forstöðu-
maður safna- og flokkunarfræðideildar.
UM HÖFUNDINN PÓST- OG NETFANG HÖFUNDAR
/ AUTHOR'S ADDRESS
Guðmundur Guðmundsson
Náttúrufræðistofnun Íslands
Urriðaholtsstræti 6–8
210 Garðabæ
gg@ni.is
gera ætti öllum dýrafylkingum jafn hátt
undir höfði út frá tegundafjölbreytni
einni saman.
Lesendur Náttúrufræðingsins þekkja
vel til Örnólfs, sem reglulega birti þar
fjölda greina meðan hans naut við.
Hann átti einstaklega auðvelt með að
skýra flókin viðfangsefni á léttu og auð-
skildu máli. Textinn í Dýraríkinu gefur
þar ekkert eftir; hann er auðveldur
aflestrar og á stundum launfyndinn. Öll
fræðiheiti eru íslenskuð og erlend töku-
orð eru vel skiljanleg af samhengi máls.
Mig grunar að töluvert sé um nýyrða-
smíð í Dýraríkinu en þau falla það vel að
málinu að nánast ekkert ber á þeim við
lesturinn. Til að mynda er vísað til dýra-
klasa af óvissum uppruna sem „vafa-
gemlinga“, sem í nafngiftafræðum heitir
á ensku incertae cetis og merkir óvissa
staðsetningu í þróunartrénu. Megin-
kostur ritsins er að gefa samfellt yfirlit
um allar fylkingar dýra og lýsa upp hina
myrku refilstigu sem þróun dýra fet-
aði sig eftir fram til núlifandi tegunda.
Það er óhætt að mæla með Dýraríkinu
handa öllum þeim sem vilja kynna sér
nánar fjölbreytni helstu dýrafylkinga,
líka þeirra smágerðu sem dyljast milli
sandkorna á sjávarströnd í „smeygju-
fánunni“ og hafa meiri áhrif á lífsgæði
mannkyns en virðist við fyrstu sýn.