Náttúrufræðingurinn - 2021, Blaðsíða 77

Tímarit Hins íslenska náttúrufræðifélags
77
Ritrýnd grein / Peer reviewed
Þess í stað hófst Helena fræðslustjóri handa við að útbúa
hlaðvarp Hins íslenska náttúrufræðifélags. Helena fékk til
liðs við sig Hafdísi Hönnu Ægisdóttur, fyrrverandi varafor-
mann félagsins. Afraksturinn leit dagsins ljós í byrjun desem-
ber 2020 þegar fyrsti hlaðvarpsþátturinn fór í loftið. Í hlað-
varpinu „Hinir íslensku náttúrufræðingar“ hitta þær stöllur
íslenska náttúrufræðinga og spjalla við þá um rannsóknir
þeirra og störf, heima og erlendis, ástríðu þeirra fyrir nátt-
úru og ævintýri sem þeir hafa ratað í. Þrjár þáttaraðir eru nú
aðgengilegar á öllum helstu hlaðvarpsveitum, fjórir þættir í
hverri seríu. Hafa Helena og Hafdís rætt við Þóru Ellen Þór-
hallsdóttur grasafræðing, Þráin Friðriksson jarðefnafræðing,
Bryndísi Brandsdóttur jarðeðlisfræðing, Snorra Sigurðsson
líffræðing, Ólaf Ingólfsson jarðfræðing, Rannveigu Guichar-
naud jarðvegsfræðing, Kristin Hauk Skarphéðinsson fugla-
fræðing, Ernu Sif Arnardóttur líffræðing, Jón Björnsson
þjóðgarðsvörð og Þórunni Wolfram Pétursdóttur umhverfis-
fræðing. Fleiri þættir eru væntanlegir. Þættina má nálgast á
heimasíðu félagsins (slóð: https://hin.is/2020/12/04/nytt-
hladvarp-hin/) og á Spotify.
Stjórn er ánægð með framtakið hjá þeim stöllum og okkur
sýnist einnig mikil ánægja meðal félagsmanna og annarra
áhugamanna um íslenska náttúrufræðinga. Samtölin eru af
léttara taginu og viðmælendur hafa frá mörgu áhugaverðu
að segja. Enn á eftir að birta nokkra þætti sem eru tilbúnir,
en ljóst er að áhugi er fyrir því að halda þessu áfram. Hlað-
vörp eru ákaflega vinsæll miðill og gefa mikla möguleika.
Félagar sem hafa áhuga á að taka þátt í vinnu við gerð hlað-
varps eru beðnir að hafa samband við fræðslustjóra í net-
fangið kynning@hin.is. Þeir sem starfa að slíkum verkefnum
fyrir félagið fá niðurfelld félagsgjöld en annarrar umb-
unar er ekki að vænta, nema reynslunnar sem hlýtur alltaf
að vera dýrmæt.

VEFUR FÉLAGSINS
Á vordögum fór Gróa Valgerður yfir efni vefsetursins og veitti
því andlitslyftingu. Gróa er mörgum kunn fyrir fallegar ljós-
myndir sínar af gróðri landsins, og nú prýða nokkrar þeirra
vef félagsins. Þótt vefurinn sé tiltölulega einfaldur og skýr
er ljóst að mikill tími fer í að sinna honum auk þess að halda
úti virkni á samfélagsmiðlum svo vel sé. Stjórn hefur rætt að
rétt sé að koma á sérstakri nefnd sem sér um miðlunarmálin.
Fyrsta skrefið í átt að þeirri hugmynd okkar er að fá félags-
mann utan stjórnar til að sinna vefstjórn fyrir félagið. Vefstjóri
myndi sjá um að viðhalda vefsetri HÍN og halda því lifandi.
Allar meiriháttar breytingar þyrfti að bera undir stjórn sem
auk þess útvegar vefstjóra efni til birtingar. Lagt er upp úr að
vefurinn sé aðgengilegur, aðlaðandi og auðveldur í viðhaldi.
Áhugasamir mega hafa samband í netfangið vefstjori@hin.is
og fá frekari upplýsingar.
ÚTGÁFA
Náttúrufræðingurinn er félagsrit Hins íslenska náttúrufræði-
félags. Í febrúar 2014 gerðu félagið og Náttúruminjasafn
Íslands með sér samning um ritstjórn og útgáfu Náttúru-
fræðingsins. Frá og með 1. tölublaði 84. árgangs er Náttúru-
fræðingurinn gefinn út í nafni félagsins og safnsins. Félagið
greiðir helmingshlut í kostnaði við útgáfu og dreifingu
tímaritsins. Álfheiður Ingadóttir ritstjóri tímaritsins er jafn-
framt starfsmaður Náttúruminjasafnsins og hefur aðstöðu á
skrifstofu þess, sem var flutt á Suðurlandsbraut 24 snemma
á síðasta ári.
Tímaritið átti stórafmæli á árinu og var einkar viðeig-
andi að af því tilefni kom út glæsilegt 140 blaðsíðna sérhefti
um Þingvallavatn. Heftið var gefið út til heiðurs dr. Pétri M.
Jónassyni, sem varð hundrað ára gamall hinn 18. júní, en
hann lést 1. október. Pétur var heiðursfélagi Hins íslenska
Afmælisárgangur Náttúrufræðingsins á árinu 2020 taldi 308 síður. Hér má sjá forsíðurnar þrjár, þemahefti um Þingvallavatn prýðir ljósmynd af
Flosagjá sem opnast suður í Þingvallavatn við Leirur, á forsíðu 2.–3. heftis er heiðlóuungi og mosinn melagambri í lófa manns og á forsíðu 4.–5.
heftis er jöklasóley, Ranunculus glacialis, í 650 m hæð í Bræðraskeri í Breiðamerkurjökli.