Þjóðmál - 01.03.2018, Blaðsíða 8

6 ÞJÓÐMÁL Vor 2018
AF VETTVANGI STJÓRNMÁLANNA
Eins og jafnan áður beinist athygli vegna
sveitarstjórnarkosninganna (26. maí) einkum
að því sem gerist í Reykjavík. Þar hefur
undar legur meirihluti farið með stjórn mála
undanfarin átta ár. Fyrri fjögur árin með Jón
Gnarr sem borgarstjóra í baksætinu og Dag
B. Eggertsson sem bílstjóra. Síðari fjögur árin
með Dag B. í borgarstjóra- og bílstjórasætinu
fyrir hönd fjögurra flokka: Samfylkingar,
Vinstri grænna (VG), Bjartrar framtíðar og
Pírata. Sjálfstæðismenn og Framsóknarmenn
og flugvallarvinir hafa setið í minnihluta
undanfarin fjögur ár og mátt sín lítils – raunar
klofnaði Framsóknarflokkurinn á tímabilinu.
Borgarfulltrúum fjölgar nú úr 15 í 23 og þess
vegna sitja 46 manns á framboðslistum í vor í
stað 30 áður. Þegar þetta er ritað er óvíst hve
margir hópar geta mannað slíka lista fyrir lok
framboðsfrestsins. Sveitarfélögin eru alls 74 í
landinu og stjórnmálaflokkarnir standa ekki
alls staðar eins að framboðum eða að vali
fólks á lista sína.
Sjálfstæðismenn í Reykjavík ákváðu að
tvískipta ferlinu, annars vegar að hafa
leiðtoga prófkjör og hins vegar að fela
kjörnefnd að raða í önnur sæti á listann.
Björn Bjarnason
Borgarstjórn, Landsréttur
og umskurður
Því verður ekki trúað að Reykvíkingar telji hag sínum best borgið áfram enn eitt kjörtímabil undir svipaðri stjórn og verið
hefur í borginni undanfarin átta ár.