Rit Landbúnaðardeildar : B-flokkur - 01.05.1957, Side 11

9
tveggja tilraunaliða 100 og meðalmunurinn 10, er þetta skrifað 100 ± 10,
sem þýðir, að um 66% af athugununum séu innan takmarkanna 90—110.
Þetta gefur þó ekki fullt öryggi, og þá kemur T-talan til skjalanna, en
hún fæst á þann hátt, að m/m er deilt í mismun liðanna. Raunhæfni mis-
munarins verður því betri, sem T-talan verður stærri, og er í þessum til-
raunum í flestum tilfellum sæmileg, þegar T-talan er 2—3 eða meira.
Þetta ætti að nægja öllum athugulum mönnum til þess, að stærðir þær,
er gefa til kynna öryggi tilraunanna, verða þeim ekki með öllu óskiljan-
legar, en þeir, sem engan áhuga hafa á því að hnýsast í þessa útreikninga
eða að gera sér grein fyrir gildi þeirra, geta slegið striki yfir alla skekkju-
reikninga og tekið niðurstöður tilraunanna eins og þær koma fyrir, án
þess að velta vöngum yfir -j- og —, F og T. Það vill líka svo vel til, að í
flestum þessum tilraunum er skekkjan lítil og hefur því ekki mikil áhrif
á árangurinn. Þetta ber vott um að tilraunastarfið hefur verið unnið af
vandvirkni og samvizkusemi, en orsakast að nokkru af því, að margar
þessar tilraunir hafa verið gerðar í mörg ár, en það jafnar misfellurnar
og minnkar skekkjuna.
Að lokum má geta þess, að reynt er í riti þessu að gera nokkum sam-
anburð á tilraunumlm á Eiðum og tilraunum gerðum annars staðar á
landinu, eftir því sem efni standa til, og ennfremur undirstrikað hvaða
árangur tilraunirnar hafa gefið og hvað helzt megi af honum læra.
Veðráttan.
Jafnan er æskilegt að veðurathuganir séu framkvæmdar á tilrauna-
stöðvum eða í nágrenni þeirra. Veðurfarið hefur oftast mikil áhrif á til-
raunirnar og árangur þeirra, og við útfærslu árangursins kemur veður-
farslegur samanburður einnig mjög til greina.
Nokkrar veðurathuganir vom gerðar á Eiðum í sambandi við tilrauna-
stöðina, en varla svo nákvæmar og samfelldar, að glögg mynd fáist af
veðurfarinu þar. Veldur þessu einkum tvennt. Engar veðurathuganir eru
gerðar á Eiðum frá árinu 1919 til ársins 1923, og veðurathuganir hætta
þar alveg frá og með árinu 1933. Hinsvegar eru veðurathuganir á Nef-
bjarnarstöðum í Hróarstungu, sem sem 20 km norðar á Héraðinu, frá
1920 og fram yfir 1940. Ætla mætti, að munurinn á þessum tveimur stöð-
um sé ekki mikill, en samanburður þau níu ár, 1924—1932, sem veðurat-
huganir eru á báðum stöðunum, sýnir, að hann er þó nokkur, og er hit-
inn meiri á Eiðum. Nemur þetta að meðaltali 0.7° C fyrir apríl og sept-
ember, 0.5° fyrir maí, júní og ágúst og 0.3° fyrir júlí. Þau árin, sem engar
veðurathuganir voru gerðar á Eiðum, eru því notaðar hitamælingarnar
2