Rit Landbúnaðardeildar : B-flokkur - 01.05.1957, Page 17

15
d. 234 kg Chilesaltpétur 15%.
e. 156 kg kalí, 469 kg superfosfat.
f. 156 kg kalí, 469 kg superfosfat, 117 kg Chilesaltp.
g. 156 kg kalí, 0 kg superfosf., 234 kg Chilesaltp.
h. 156 kg kalí, 234 kg superfosf., 234 kg Chilesaltp.
i. 0 kg kalí, 469 kg superfosf., 234 kg Chilesaltp.
j. 78 kg kalí, 469 kg superfosf., 234 kg Chilesaltp.
k. 156 kg kalí, 469 kg superfosf., 234 kg Chilesaltp.
Þá var einnig gerður þrefaldur samanburður á hrossataði, kúamykju
og sauðataði, 62500 kg af hverri tegund á ha. Höfrum var sáð í tilraun-
ina 5. júlí.
Tilraunin er ekki slegin, og er orsökin óljós, en annars sýndi hún það
sama og tilraunin árið áður. Kalí og köfnunarefni komu að engum not-
um, nema fosfór væri borinn á jafnframt, og kúamykjan gaf bezta raun
af búfjáráburðinum. Þess má geta, að í tilraun þessari voru varðbelti að
eins fetsbreiðar götur, ósánar, á milli reitanna. Um land stöðvarinnar,
þar sem þessi tilraun er gerð, er sagt, að það séu flatir grasmóar, víðast
allveg þurrir og moldarríkir, en þó nokkuð leirblandnir.
Áburðartilraun þessi er endurtekin árið 1908, og er tilraunasvæðið þá
sex reitir á annan veginn og sjö á hinn. Tilraunirnar með tilbúna áburð-
inn og búfjáráburðinn eru þá sameinaðar í eina tilraun, svo að liðirnir
verða fjórtán. Borið er á 4. júní og höfrum sáð í tilraunina 6. júní. Sáð-
magnið er 234 kg á ha. Nú er sáð einnig í göturnar milli reitanna, en þær
svo slegnar sér.
Reitirnir eru skoðaðir nákvæmlega 13. júlí. Þá er sagt, að hafrabrodd-
arnir séu brunnir á liðunum a, b, d og g, og sló bláleitum blæ á þá til-
sýndar, undir sól að sjá. Þetta eru augljós einkenni um fosfórskort, en
þetta eru þeir liðir, er engan fosfór höfðu fengið. Þá eru reitirnir í aust-
ustu röðinni sagðir brunnir af þurrki, en þeir voru á dálítilli bungu, með
grunnum jarðvegi og hvítum leir undir, en langvarandi þurrkar höfðu
gengið. Nokkuð jafnir voru liðirnir c, e, f, j, k, /ó[úamykja], //[rossatað]
og S[auðatað].
Tilraunin er slegin 18. og 19. sept. Grasið bundið í knippi, sem eru
vegin þurr síðast í mánuðinum. Uppskeran sést á töflu III. Nokkurt ósam-
ræmi er í uppskerunni. Fosfórskorturinn er þó augljós og takmarkar
sprettuna að mestu. Kalískortur virðist og nokkur, þótt kalí eitt geri ekki
gagn. Köfnunarefnisskorturinn sýnist enginn. Sérstaklega gefst illa saman
superfosfat og Chilesaltpétur, hvað sem veldur. Af búfjáráburðinum reyn-
ist kúamykjan bezt. Hrossataðið er þó undan eldishestum. Sauðataðið
hefur sjálfsagt ekki nýtzt vegna mikilla vorþurrka.