Fréttablaðið - 19.11.2021, Blaðsíða 2

Hér eru svæði sem er
mjög erfitt að ná til.
Inga Dóra Pétursdóttir, forstöðu-
maður íslenska sendiráðsins í
Lilongwe
Fangabúðir við Hallgrímskirkju
Sendiráð Íslands í Lilongwe
í Malaví gaf á mánudag
heilbrigðisstarfsfólki reið­
hjól til að sinna vitjunum í
dreifbýlinu. Mæðradauði og
niðurgangspestir eru stærstu
heilbrigðisvandamálin sem
landsmenn standa frammi
fyrir.
kristinnhaukur@frettabladid.is
ÞRÓUNARMÁL Á mánudag barst
sending af 570 reiðhjólum til Mang­
ochi­héraðs í Malaví, gjöf frá sendi­
ráði Íslands í Lilongwe. Hjólin eru
aðeins lítill hluti stuðnings Íslands í
héraðinu en munu nýtast heilbrigð­
isstarfsfólki vel til þess að komast á
afskekkta staði til vitjana.
„Hér eru svæði sem er mjög erfitt
að ná til. Vegirnir eru rosalega léleg­
ir og engin þjónusta utan helstu
bæjanna. Fólk á þessum stöðum á
erfitt með að komast til heilsugæslu
og þess vegna er svo mikilvægt að
starfsfólkið komist á staðinn,“ segir
Inga Dóra Pétursdóttir, forstöðu­
maður sendiráðsins. „Nú munu það
eiga auðveldara með að komast yfir
og vera sneggra á staðinn.“
Ísland hefur verið með þróun­
araðstoð á staðnum síðan 1989 og
unnið markvisst með héraðsyfir­
völdum síðan 2012. Meðal annars
hafa verið byggðir 16 heilsubústaðir
og 9 fæðingardeildir í dreifbýlinu.
Í Mangochi búa 1,2 milljónir
manna og héraðið er víðfeðmt. Utan
stærstu bæjanna er ekkert renn­
andi vatn og ekki rafmagn. Hingað
til hafa heilbrigðisstarfsmennirnir
farið gangandi með stóra böggla
með tækjum, bóluefnum og lyfjum.
Hjólin eru því kærkomin.
Hjólin voru pöntuð frá Suður­
Afríku og kostuðu 12 milljónir
íslenskra króna. Héraðsyfirvöld
vildu ekki fjallahjól heldur harð­
gerðari hjól sem hafa litla bilana­
tíðni. Vegirnir eru úr mold og erfitt
að viðhalda hjólum. Allir heilbrigð­
isstarfsmenn sem sinna dreifbýlinu
sóttu hjólin sín á mánudag.
Stærstu vandamálin í Malaví eru
niðurgangspestir og lélegar aðstæð­
ur fyrir barnshafandi konur.
„Við höfum séð miklar framfarir
síðan 2012 en það er enn mikið rými
til úrbóta,“ segir Inga Dóra. „Fæð­
ingardeildin sem við byggðum hér
í bænum Mangochi er sú besta í öllu
landinu. Mæðradauði hefur dregist
saman um 40 prósent.“
Ísland hefur meðal annars tekið
þátt í að grafa vatnsbrunna og koma
fyrir viðunandi salernisaðstöðu.
Það skiptir miklu máli upp á niður­
gangspestirnar sem herja hvað verst
á ung börn. „Kólera hefur ekki sést
síðan við fórum í það átak,“ segir
Inga Dóra og segir einnig að niður­
gangspestir barna undir fimm ára
aldri hafi minnkað.
Bólusetningar, ekki gegn Covid
heldur ýmsum öðrum sjúkdómum,
eru stór hluti af heilsugæslunni í
Mangochi og stuðningi Íslands við
hana. Árið 2012 voru 69 prósent
barna bólusett en 91 prósent í dag.
Sendiráðið stendur að ýmsum
verkefnum og nú eru fulltrúar
Þroskahjálpar í vettvangsferð. „Þau
eru að tala við krakka sem búa við
fötlun og komast að því hvernig
þeirra líf er,“ segir Inga Dóra. Verið
er að athuga hvernig Íslendingar
geta bætt líf fatlaðra barna í Mang­
ochi. n
Gáfu heilbrigðisstarfsfólki í
Malaví hundruð reiðhjóla
Hjólin munu nýtast heilbrigðisstarfsfólki sem sinnir dreifbýlinu. MYND/AÐSEND
VIÐ VESTURLANDSVEG

Renndu við í lúguna
BÍLAAPÓTEK
9-22
OPIÐ ALLA DAGA
kristinnhaukur@frettabladid.is
AUSTURLAND Íslandspóstur ákvað
nýlega að breyta skilgreiningu
Bakkagerðis, þorpsins í Borgarfirði
eystra, úr þéttbýli yfir í dreif býli.
Hefur þetta í för með sér að verð
þjónustu fyrirtækisins hækkar um
meira en 60 prósent.
Bæði heimastjórn Borgarfjarðar
og byggðarráð sveitarfélagsins
Múlaþings hafa mótmælt þessari
breytingu enda sé hún ekki í sam­
ræmi við aðrar skilgreiningar. Til
dæmis skilgreini Byggðastofnun
Bakkagerði sem þéttbýli, sem og
Póst­ og fjarskiptastofnun. Sam­
kvæmt heimastjórn hafi hin síðar­
nefnda stofnun reyndar notað skil­
greininguna til þess að komast hjá
því að ljósleiðaravæða Bakkagerði
en þar búa 80 manns.
„Heimastjórn harmar að ítrekað
sé skilgreining Borgarfjarðar sem
dreifbýlis eða þéttbýlis á þann veg
að veita þurfi sem minnsta þjónustu
eða rukka sem mest fyrir hana.“ n
Illa við að vera
sett í dreifbýli
Heimastjórn Borgarfjarðar harmar
breytinguna. MYND/ÍSLANDSPÓSTUR
kristinnpall@frettabladid.is
FJÖLMIÐLAR Með okkar augum,
sjónvarpsþáttaröðin sem hófst sem
samstarfsverkefni Landssamtaka
Þroskahjálpar og RÚV og hefur verið
sýnd í ellefu ár í ríkissjónvarpinu,
er á leiðinni í útrás á ný en þættir úr
nýjustu þáttaröðinni verða sýndir í
sænska sjónvarpinu. Þetta staðfestir
Elín Sveinsdóttir, framleiðandi þátt­
anna hjá RÚV.
„Það er ákveðinn samstarfs­
samningur á milli norrænu ríkis­
sjónvarpsstöðvanna sem RÚV er
aðili að. Á hverju ári kemur hver og
ein stöð með val um efni sem hinar
stöðvarnar geta valið að sýna og
sænska ríkissjónvarpið sýndi elleftu
þáttaröð Með okkar augum áhuga.
Þetta verður sýnt á stöðinni UR sem
er undir sænska ríkissjónvarpinu en
þar er lögð áhersla á á fræðsluefni
frekar en fréttir eða spennuþætti.“
Þættirnir hafa notið mikilla
vinsælda hér á landi og hlutu árið
2017 bæði Mannréttindaverðlaun
Reykjavíkurborgar og verðlaun sem
menningarþáttur ársins í sjónvarpi
á Eddunni.
„Finnska ríkissjónvarpið sýndi
frá þáttunum fyrir nokkrum árum
þar sem þeir vöktu mikla athygli. Ég
man að við fengum bréf frá aðdá­
endum sem sýndi að þeir vöktu
athygli sem undirstrikaði mikil­
vægi þáttanna fyrir okkur og fyrir
málstað fatlaðs fólks. Mér vitandi er
form þáttanna einsdæmi á Norður­
löndunum og í Evrópu.“ n
Með okkar augum sýnt
í sænsku sjónvarpi
Íslandsdeild Amnesty International kom fyrir fangelsisgámum fyrir utan Hallgrímskirkju í gærkvöldi. Gjörningurinn er hluti af átaki sem einkennist af gulum lit
sem er ætlað að vekja athygli á máli Ciham Ali, bandarísks ríkisborgara sem hefur verið í haldi í Erítreu síðustu níu ár. Frásagnir herma að fangar í gámum neðan-
jarðar í Erítreu hafi margir látið lífið af völdum pyndinga, hungurs eða í kjölfar annarrar hrottalegrar meðferðar í þessum fangelsum. FRÉTTABLAÐIÐ/SIGTRYGGUR ARI
2 Fréttir 19. nóvember 2021 FÖSTUDAGURFRÉTTABLAÐIÐ