Fréttablaðið - 19.11.2021, Blaðsíða 100

Jól og áramót eru
líka tilvalin til að
prófa sig áfram í glimm-
erinu, fyrir þá sem eiga
það eftir.
Anna Þorleifsdóttir
Jóhanna María
Einarsdóttir
johannamaria
@frettabladid.is
Vinkonurnar Anna Dögg
Rúnarsdóttir og Anna
Þorleifsdóttir kynntust í
gegnum sönginn. Báðar
hafa haft áhuga á förðun og
snyrtifræði frá unglingsaldri
og sýna hér fallega og hátíð-
lega jólaförðun á tveimur
fyrirsætum.
Anna Þorleifsdóttir er 37 ára og
útskrifaðist sem förðunarfræðing-
ur frá Reykjavík Makeup School í
apríl. „Ég hef haft áhuga á förðun
frá unglingsaldri og ákvað loksins
að drífa mig í nám og ná mér í
diploma og sé ekki eftir því,“ segir
Anna. Hægt er að skoða farðanir
Önnu á Instagram-síðu hennar,
@ annath_makeup.
Anna Þorleifs segir rauðar
varir og glimmer vera klassískt
um jólin. Þá segir hún að brons
og gylltir tónar séu einnig mjög
vinsælir.
En hvað er heitast í ár?
„Í rauninni er allt í tísku og
allir geta fundið eitthvað við sitt
hæfi. Áherslan hefur þó verið
mikil á fallega húð og þetta „no
makeup makeup“ þar sem andlitið
lítur náttúrulega út þó að það sé
farðað.“
Góður farði segir Anna að sé
afar mikilvægur. „Það er gott að
nota endingarmeiri farða ef hann
á að haldast á í lengri tíma. Primer
getur einnig haft mikið að segja
og þar er hægt að velja farða sem
hentar ákveðnum húðgerðum.
Einnig er hægt að velja primer
sem annað hvort mattar húðina
eða gefur ljóma. Í lokin nota ég
yfirleitt alltaf bæði rakasprey og
setting sprey en gott setting sprey
getur gert gæfumuninn hvað
varðar endingartíma förðunar.“
Hátíðarleg jólaförðun
Anna Þorleifs bjó til fallega jóla-
förðun fyrir þær Birnu Pálsdóttur
og Liv Sunnevu Einarsdóttur. „Ég
legg mikla áherslu á að húðin sé
falleg en í förðun eins og þessum
tveimur þar sem er ýmist notast
við glimmer/pigment eða dekkri
liti á augu er best að byrja á aug-
unum og eiga möguleika á að þrífa
undir augum það sem fellur niður.
Hátíðirnar eru til
að prófa sig áfram
Anna Þorleifsdóttir, til vinstri, og
Anna Dögg Rúnarsdóttir kynntust í
kórastarfi. Þær hafa báðar lengi haft
áhuga á förðun og snyrtifræði.
Liv Sunneva Einarsdóttir er glæsileg með rauðar og hátíðlegar varir og
seiðandi augnförðun. Fréttablaðið/Sigtryggur ari
Gull, glimmer og
rauðar varir eru
alger klassík á
jólunum.
Bronsið er fal-
legt yfir hátíð-
arnar.
Birna Pálsdóttir er glæsileg með hátíðlega augnförðun og náttúrulegar varir.
Þegar húð og augu eru fullkláruð
bæti ég við kinnalit, bronzer og
highlight og enda á vörunum. Að
lokum spreyja ég yfir með setting
spreyi, þá er ég hrifin af All nighter
frá Urban Decay.“
Farðinn sem Anna notar er
Double Wear frá Esté Lauder,
augnskuggar eru frá MAC, kinna-
litur, varalitir og blýantur eru frá
L'Oréal, pigment og highlighter
frá Nyx, bronzer frá Rimmel og
eyeliner frá Kiko. Hún notar sápu
frá Body Shop til að móta auga-
brúnirnar. „Ég nota aðallega bursta
frá Morphe og Real techniques til
að farða. Punkturinn yfir i-ið er
svo beautyblender sem blandar
öllu svo fallega.“
Er jólaförðunin mjög ólík ára-
mótaförðuninni?
„Í rauninni ekki, þannig séð.
Margir ganga þó aðeins lengra
í förðuninni um áramótin með
meiri glamúr og glimmeri.“
Eru einhverjar nýjungar í ár sem
gaman er prófa í förðuninni um
jólin?
„Graphic liner hefur verið mjög
vinsæll upp á síðkastið í hinum
ýmsu litum og útfærslum. Jól og
áramót eru líka tilvalin til að prófa
sig áfram í glimmerinu, fyrir þá
sem eiga það eftir.“
Mótunin fylgir andlitsfallinu
Anna Dögg er 39 ára snyrtifræð-
ingur og hefur starfað í bransanum
í fjölda ára. Í starfi sínu hefur hún
meðal annars mótað hundruð
augnabrúna. „Áhugi minn á snyrti-
fræði hófst um 12 ára aldur og þá
byrjaði ég að snyrta fjölskyldu og
vini.
Ég ákvað að fara á snyrtifræði-
braut í Fjölbrautaskólanum í Breið-
holti og útskrifast þaðan árið 2005.
Tveimur árum síðar kláraði ég svo
sveinsprófið og byrjaði að starfa
við snyrtifræði. Árið 2013 stofnaði
ég Snyrtistofuna Dagmar, sem ég
nefndi í höfuð frænku minni heit-
inni Dagmar, og hef rekið þá stofu
i Bæjarlindinni í Kópavogi allar
götur síðan,“ segir Anna Dögg. Hún
tók sig til og litaði og mótaði auga-
brúnirnar á fyrirsætunum áður en
Anna Þorleifs farðaði.
„Þegar ég móta augnabrúnir hjá
konum eða körlum þá fer ég eftir
andlitsfalli, augnlagi, met lit út frá
háralit og húðlit. Að sjálfsögðu fer
ég líka eftir óskum viðskiptavinar.
Ég nota vax og plokkara til að
móta augabrúnirnar.
Eins og í tilfelli módelanna
tveggja, þá er andlitsfall þeirra og
húðtónn ólíkur. Ég mótaði þær
því ekki eins og notaði ekki sama
lit á augabrúnirnar. Á aðra þeirra
notaði ég svartan lit og á hina
blandaði ég saman dökkbrúnum
og gráum.“
Þrátt fyrir að búið sé að lita og
móta augnabrúnirnar segir Anna
Dögg það mikilvægt að gleyma
ekki augnabrúnunum í förðun-
inni. „Það er gott að nota ýmsar
augnabrúnavörur eins og augna-
brúnablýant og augnabrúnagel.
Í dag er vinsælt að skipta út
gelinu fyrir augnabrúnasápu til að
tryggja að hárin liggi nákvæmlega
eins og maður vill hafa þau.“
Þú hefur verið í bransanum núna
í þó nokkur ár og væntanlega séð
ýmis tískutrend koma og fara í
augnabrúnunum. Hvað vilja konur
í dag?
„Það sem konur vilja í dag eru vel
mótaðar, þykkar og fallegar augna-
brúnir. Það er ýmislegt í tísku í dag
en það sem er ríkjandi er mikið
þykkar og bústnar augnabrúnir.
Því þykkari, því betri eiginlega.“ n
www.galleriskart.is
Skartgripir, Víkingaskart, Orkuskart,
Lyklakippur, Barnavörur, Tarotspil,
Rúnir, Draumfangarar, Reykelsi,
Epsom salt og Saltkristalslampar.
Gallerí Skart
Kríulandi 8
250 Garði
Sími 8652818
Það hefur sýnt sig að íslenska þjóðin stendur
saman, sýnir stuðning og samhug
eftir bestu getu.
Hægt er að leggja framlög inn á reikning
nr. 0101-26-35021, kt. 470269-1119
S. 551 4349, 897 0044, maedur@simnet.is
Mæðrastyrksnefnd Reykjavíkur
JÓLASÖFNUN
19. nóvember 2021 jól 2021 80 fréttablaðið