Fréttablaðið - 19.11.2021, Blaðsíða 140

Okkar helsta sala hefur
einmitt verið á fínni
börum og veitinga-
stöðum.
Áfengisverslunin hóf
framleiðslu á áfengum
drykkjum 1935, en
hætti framleiðslu 1992.
Þá voru framleiðslu-
tækin seld einkafyrir-
tæki. Þekktasta teg-
undin var Brennivín,
sem frá upphafi var
kallað Svarti dauði.
Íslenska Brennivínið í jóla­
búningi þykir mikil lúxus­
vara úti í hinum stóra heimi.
Á meðan aðeins 43 flöskur
eru til í Vínbúðum ÁTVR er
útflutningur að taka við sér ­
enda álitið lúxusmerki.
benediktboas@frettabladid.is
Á síðari hluta síðustu aldar voru
ríkisstarfsmenn að Stuðlahálsi í
svokölluðum þroskunaræfingum
með brennivín og voru meðal ann­
ars að framleiða útgáfu sem hét ein­
faldlega Gamalt Brennivín og hafði
legið á eikartunnum í 12 mánuði.
Þessar æfingar voru svo endur­
vaktar undir aldamót með ágætis
árangri, þá á frönskum eikar­
tunnum. „Við höfum verið í þessum
tunnuþroskunarfasa með hið
íslenska Brennivín síðan 2014 sam­
fleytt þegar fyrsta tunnuþroskaða
Brennivínið kom út sama ár eftir að
hafa þroskast á tunnum í sex mán­
uði. Það hét Brennivín Jólin 2014 sem
er það nafn sem við notum enn í dag
nema bara með nýju ártali, auðvitað.
Það er óhætt að segja að það hafi
strax slegið í gegn og vakti það
umtalsverða athygli bæði hér heima
en einnig á mörkuðum erlendis,“
segir Úlfar Árdal, framleiðslustjóri
Brennivíns.
Úlfar segir að jólaútgáfan af
brennivíni þetta árið hafi fengið að
þroskast í sérrítunnum í 18 mánuði,
sem séu sérvaldar þannig að eigin­
leikar hverrar tunnu fyrir sig fái
að njóta sín. „Eftir þroskunina má
greina milda tóna sérrís og vanillu
sem tunnurnar færa okkur og bland­
ast við létta kúmentónana ásamt því
að gefa Brennivíninu þennan fallega
gyllta blæ.“
Útflutningur á íslensku Brenni­
víni hefur verið í gangi í þó nokkur
ár til markaða á borð við Banda­
ríkin, Kanada og Þýskaland. Þar er
það álitið lúxusvara en aðeins voru
43 flöskur til í Vínbúðum ÁTVR í gær.
„Okkar stærsti markaður er í
Ameríku og stuttu eftir að faraldur­
inn fór á flug fórum við að fá fréttir
af lokunum hjá mörgum af flottustu
börum í helstu fylkjum og eigendur
hreinlega vissu oft ekki hvort þeir
myndu nokkurn tímann opna aftur.
Okkar helsta sala hefur einmitt
verið á fínni börum og veitinga­
stöðum þannig að þetta leit ekki vel
út. Þegar leið á fór salan að færast yfir
í fínni flöskubúðir að einhverju leyti
auk þess sem netsala tók mikinn
kipp. Þá hefur sala aukist í Þýska­
landi undanfarin tvö ár,“ segir Úlfar
svolítið stoltur.
Hann segir að það sé stórkostlega
skemmtilegt að leika sér með jafn
fornfrægt merki og íslenska Brenni­
vínið. Nú sé komin vörulína fyrir
lengra komna enda verður næsta
útgáfa sú fyrsta í svokallaðri „single
barrel“­seríu sem hann er spenntur
fyrir. „Þar blöndum við ekki saman
tunnum eins og við gerum núna
heldur veljum áhugaverðar tunnur
úr tilraunaverkefnum okkar og
leyfum þeim að njóta sín einum og
sér.“ n
Íslenskt jólabrennivín í lúxusbúðir
Bragðlýsingin
samkvæmt
síðu ÁTVR er að
Brennivínið sé
ljósrafgullið,
ósætt, kúmen,
hnetur, þurrk-
aðir ávextir,
vanilla og tunna.
Heitt eftirbragð.
Engu logið þar.
MYND/HARALDUR
JÓNASSON
odduraevar@frettabladid.is
„Þetta verður ekki jólalegra,“ segir
Pétur Ásgeirsson, hönnuður Íslenska
jólasveinaspilsins. Hann segir spilið
einfalt og skemmtilegt og hannað
fyrir krakka á öllum aldri. „Í sumum
spilum þarftu oft helst að vera
kominn með háskólagráðu til að
vita svörin en við fórum aðra leið,“
segir Pétur á léttu nótunum. Spilið
er hugsað fyrir fjóra spilara í senn.
„Hér velurðu þér jólasvein og
markmiðið er að gefa þægum krökk­
um í skóinn. Þetta er mjög einfalt
en samt alveg krefjandi. Það fylgja
spurningaspil og spurningarnar eru
til dæmis Hvað eru jólasveinarnir
margir? Hver er þinn uppáhalds
jólasveinn? Eru jólasmákökur góðar?
Þannig að öll svörin geta verið rétt,“
útskýrir Pétur. Hann segir Grýlu,
Leppalúða og Jólakettinum að sjálf­
sögðu bregða fyrir. n
Þarf enga háskólagráðu til að verða jólasveinn
Pétur segir spilið bæði einfalt en samt krefjandi.
Spilið er hugsað fyrir krakka á öllum aldri. MYNDIR/AÐSENDAR
Spilið inniheldur:
20 Grýluspjöld, 15 jólaböll, 20 spurningaspjöld,
1 trétening, 4 leikmannastanda og 13 jólasveina.
App sem les á spjöldin á íslensku, ensku og
pólsku.
odduraevar@frettabladid.is
AirPods­heyrnartólin þráðlausu frá
Apple eru ekki lengur töff og stór­
stjörnurnar velja snúrur. Þessu er
slegið upp í nýrri umfjöllun The Wall
Street Journal. Þar segir einfaldlega
að snúrur séu inni þessa dagana.
Ástæðan er sú að of margir eiga
AirPods­heyrnartól þessa dagana, að
því er segir í umfjölluninni. Bent er
á að stórstjörnur eins og fyrirsætan
Bella Hadid, leikkonan Lily­Rose
Depp og söngkonan Zoe Kravitz
hafi allar verið myndaðar á víða­
vangi með heyrnartól með snúru í
eyrunum.
Þá ná vinsældirnar einnig til sam­
félagsmiðla þar sem Apple­heyrnar­
tólin með snúru hafa verið vinsæl á
miðlum eins og TikTok. Í umfjöllun
The Wall Street Journal er svo bent á
að það auki vinsældirnar hvað þau
eru ódýr miðað við þráðlausa arf­
taka þeirra. n
Airpods úti,
snúrur inni
Bella Hadid. FRÉTTABLAÐIÐ/GETTY
odduraevar@frettabladid.is
Clayton Echard, næsti piparsveinn
í bandarísku raunveruleikaþátt­
unum Bachelor, er staddur á Íslandi.
Hann er hér við upptökur á loka­
hnykknum í nýjustu seríunni.
Um er að ræða fyrstu seríuna í
hartnær tvö ár þar sem keppendur
ferðast út fyrir Bandaríkin en tökur
hafa verið fyrir luktum dyrum
undanfarið vegna heimsfaraldurs
Covid­19.
Eftir því sem Fréttablaðið kemst
næst eru þrír keppendur staddir
hér á landi með Clayton. Þau gerðu
sér meðal annars dagamun í Sky
Lagoon á Kársnesi og með því að
borða í Hörpu að því er heimildir
blaðsins herma.
Clayton var þátttakandi í Bachel­
orette­seríu Michelle Young sem
enn er í sýningu á Sjónvarpi Símans.
Þrátt fyrir að þeir séu enn í sýningu
bæði hér og erlendis hefur það kvis­
ast út fyrir margt löngu á erlendum
slúðurmiðlum að Clayton sé næsti
piparsveinninn.
Glöggur íslenskur aðdáandi sá
Clayton spóka sig um á Austurvelli
í miðbæ Reykjavíkur í gær. Óhætt
er að fullyrða að Clayton hafi litið
glæsilega út og klætt íslenska veðrið
af sér með leðurhönskum og fal­
legum jakka. n
Bachelor-stjörnur
í Sky Lagoon
Clayton hefur aldrei verið betri.
28 Lífið 19. nóvember 2021 FÖSTUDAGURFRÉTTABLAÐIÐLÍFIÐ FRÉTTABLAÐIÐ 19. nóvember 2021 FÖSTUDAGUR