Fréttablaðið - 19.11.2021, Qupperneq 6

kristinnhaukur@frettabladid.is
MENNTAMÁL Samkvæmt mennta-
og menningarmálaráðuneytinu
var ágalli á háskólalögum ástæðan
fyrir því að gerð var svokölluð
gæðahandbók, sem er núna á loka-
stigi. Hafi þau lög ekki gert ráð fyrir
viðurkenningu nýrra háskólastofn-
ana, en umsókn Kvikmyndaskóla
Íslands árið 2019 hafi verið sú fyrsta
sinnar tegundar.
Eins og Fréttablaðið greindi frá
í gær telja forsvarsmenn skólans
ráðuneytið halda skólanum í gísl-
ingu. Svör hafi verið lítil í tæp tvö ár,
önnur en þau að von væri á gæða-
handbókinni. Sagði Jón Steinar
Gunnlaugsson, lögmaður skólans,
að sú bók væri tilbúningur í ráðu-
neytinu sem ætti enga stoð í lögum.
Ákveðið hefur verið að Listahá-
skólinn verði með kvikmyndanám
á háskólastigi.
Samkvæmt svari ráðuneytisins
til Fréttablaðsins er engin reynsla
komin á málsmeðferðartíma viður-
kenningar á nýjum háskólum.
„Afgreiðslutími á viðbótarviður-
kenningum til starfandi háskóla,
til dæmis vegna nýrra námsbrauta
í doktorsnámi, hefur verið um tvö
ár frá móttöku umsóknar.“
Til að bregðast við ágallanum
í lögunum hafi Gæðaráð háskóla
farið fram á það, árið 2020, að téð
handbók og matsrammi yrðu gerð.
Hafi bæði verið leitað til innlendra
og erlendra sérfræðinga við það.
Þegar þessi matsgögn liggja fyrir
muni ráðherra skipa óháða aðila í
matsnefnd að fenginni tilnefningu
Gæðaráðsins. n
Landsmenn munu svolgra
í sig hátt í 400.000 lítra af
rjóma fyrir jólin. Minnstu
munaði þó að Covid stæli
jólunum.
bth@frettabladid.is
NEYTENDUR Aðf a ng a skor t u r,
tengdur Covid-faraldrinum, mun
ekki hafa áhrif á vöruframboð
mjólkur afurða fyrir jólin á Íslandi
en það stóð nokkuð tæpt. Mjólkur-
fyrirtæki hafa þurft að sýna mikla
framsýni til að ná sér í umbúðir og
íblöndunarefni fyrir jólin.
„Við f innum fyrir að það er
þyngra en áður að kaupa inn pappa-
umbúðir og íblöndunarefni að utan.
En þetta sleppur til og auðvitað er
meirihluti okkar hráefnis innlend-
ur,“ segir Aðalsteinn H. Magnússon,
sölu- og markaðsstjóri hjá MS.
Aðfanga- og hráefnisskortur
mun hafa áhrif á vöruframboð í
ákveðnum geirum viðskiptalífsins
fyrir hátíðirnar, eins og Fréttablaðið
hefur fjallað um, en þeir sem elska
smjör og rjóma þurfa því engu að
kvíða.
Aðalsteinn segir að ráð sé gert
fyrir að smjörsala hjá MS tvö-
faldist fyrir jólin. 200 tonn seljist
af smjöri í desember. Sala á rjóma
nánast þrefaldist miðað við hefð-
bundna mánaðarneyslu. 350.000
lítrar af rjóma frá MS verði seldir í
desember.
MS er ekki eina fyrirtækið sem
selur rjóma hér á landi. Hálfdán
Óskarsson, framkvæmdastjóri hjá
Örnu, segir að Arna sé með um 10
prósenta markaðshlutdeild í rjóma.
Hann býst einnig við þreföldun
á rjómaneyslu fyrir jólin og mun
framleiðsla Örnu taka mið af því.
„Við finnum mikið fyrir vand-
ræðum með aðföng að utan, en
við brugðumst við með því að
birgja okkur mjög vel upp og erum
að minnsta kosti ekki að lenda í
vandræðum næstu mánuði,“ segir
Hálfdán.
Von er á nýrri jólajógúrt frá Örnu
með eplum og kanel. Hún verður
seld í glerkrukku og er hluti jóla-
stemningarinnar að sögn Hálfdáns.
„Það er alltaf gaman í vinnunni
hjá okkur en ekki síst fyrir jólin,“
segir Hálfdán.
Hjá Mjólku fengust þær upp-
lýsingar að starfsmenn byggju sig
undir mikla söluaukingu í þeim
mánuði sem senn fer í hönd. Ekki
síst í ídýfum sem seljast eins og
heitar lummur um jólin. n
Þrautseigju þurfti til að
tryggja jólarjómann í ár
Í sumar kökur þarf bæði smjör og rjóma. FRÉTTABLAÐIÐ/ERNIR
Við brugðumst við
með því að birgja
okkur mjög vel upp.
Hálfdán
Óskarsson,
framkvæmda-
stjóri hjáÖrnu
Frá Afríku til Póllands
Hópur fólks ásamt ímam var viðstaddur greftrun hælisleitanda frá Afríku í gær, sem lést í austurhluta Póllands, skammt frá landamærum Hvíta-Rússlands.
Ekki er vitað hvað hælisleitandinn hét eða nákvæmlega hvaðan hann kom. Pólland hefur átt í erfiðleikum með að þjónusta alla þá hælisleitendur sem koma
til landsins frá Hvíta-Rússlandi og hafa Pólverjar sakað þarlend stjórnvöld um að bjóða þeim til landsins á fölskum forsendum. FRÉTTABLAÐIÐ/EPA
ser@frettabladid.is
VIÐSKIPTI Kortavelta Íslendinga
jókst um 24 prósent milli ára miðað
við fast gengi og fast verðlag, að því
er fram kemur í nýrri samantekt
hagdeildar Landsbanka Íslands. Alls
nam velta tengd verslun og þjónustu
innanlands tæpum 79 milljörðum
króna og jókst um tæp fjórtán pró-
sent á milli ára. Kortavelta Íslend-
inga erlendis nam á sama tíma 18
milljörðum króna og jókst um 106
prósent milli ára.
Sérfræðingar bankans segjast
sjá breytingar í innlendri neyslu
þar sem kaup á þjónustu vegi nú
hlutfallslega meira í aukningunni,
enda ýmis þjónusta, sem hafi verið
ófáanleg þegar faraldurinn stóð sem
hæst, nú orðin aðgengileg að nýju.
Fram kemur í samantekt bankans
að kaup Íslendinga á skipulögðum
ferðum ferðaskrifstofa hafi tífald-
ast frá sama tíma í fyrra og kaup á
þjónustu menningar-, afþreyingar-
og tómstundastarfsemi hafi vaxið
um nærri 150 prósent.
Á sama tíma mælist samdráttur
í kortaveltu Íslendinga í mörgum
verslunum. Mestur er samdráttur-
inn í áfengisverslunum, þar sem
kortavelta dróst saman um 20 pró-
sent að raunvirði milli ára. Í bygg-
ingarvöru-, raf- og heimilistækja-
verslunum mælist einnig samdráttur
en aukningin var mjög mikil í þeim
verslunum þegar faraldurinn skall á
og mælist kortaveltan enn sterk þó
hún dragist nú saman milli ára. n
Fjórðungsaukning
í veltu á milli ára
Gæðahandbók komin
til vegna ágalla í lögum
Lilja Alfreðsdóttir menntamálaráðherra sagði í bréfi til Jóns Steinars í
febrúar að unnið væri að háskólaviðurkenningu skólans. FRÉTTABLAÐIÐ/ANTON
Jón Steinar
Gunnlaugsson,
lögmaður Kvik-
myndaskóla
Íslands
6 Fréttir 19. nóvember 2021 FÖSTUDAGURFRÉTTABLAÐIÐ