Fréttablaðið - 19.11.2021, Síða 18

Allt er kynningarblað sem býður auglýsendum
að kynna vörur og þjónustu í formi viðtala og
umfjallana. Í blaðinu er einnig hefðbundið rit-
stjórnarefni. Blaðið fylgir Fréttablaðinu daglega.
Umsjónarmenn efnis: Elín Albertsdóttir, elin@frettabladid.is, s. 550 5761 | Oddur Freyr
Þorsteinsson, oddurfreyr@frettabladid.is s. 550 5766 | Sandra Guðrún Guðmundsdóttir,
sandragudrun@frettabladid.is, s. 550 5762 | Starri Freyr Jónsson starri@frettabladid.is,
s. 550 5767 | Þórdís Lilja Gunnarsdóttir, thordisg@frettabladid.is, s. 550 5768
Útgefandi:
Torg ehf.
Ábyrgðarmaður:
Björn Víglundsson
Sölumenn: Arnar Magnússon, arnarm@frettabladid.is, s. 550 5652,
Jón Ívar Vilhelmsson, jonivar@frettabladid.is, s. 550 5654, Jóhann
Waage, johannwaage@frettabladid.is, s. 550 5656, Ruth Bergsdóttir,
ruth@frettabladid.is, s. 694 4103.
Nýi miðbærinn á Selfossi hefur
vakið mikla athygli frá opnun
hans í sumar og þykir hafa
heppnast sérlega vel. „Gömlu“
nýju miðbæjarhúsin falla mjög vel
að umhverfinu og mörgum finnst
eins og þau hafi staðið þarna um
langa hríð. Það má sannarlega
segja að miðbærinn hafi breytt
ásýnd Selfoss og mikil aukning
hefur verið á gestakomum í
bænum. „Landsmenn hafa notið
þess að ganga um stræti og torg og
kíkja á veitingastaði og í þær versl-
anir sem þar eru,“ segir Vignir
Guðjónsson, framkvæmdastjóri
Sigtúns þróunarfélags sem stýrir
uppbyggingu nýja miðbæjarins.
Nýi miðbærinn eykur þjónustu-
framboðið sem fyrir var, en Sel-
foss er stærri bær en f lesta grunar,
með um tíu þúsund íbúa og þeim
fer hratt fjölgandi. Auk þess
þjónustar Selfoss nágrannabæi
sína og mjög mikinn fjölda sumar-
húsagesta á Suðurlandi.
Þægileg jólastemning
Á aðventunni sem er fram undan
verður mikið lagt upp úr því að
skapa huggulega og þægilega
jólastemningu í miðbænum, segir
Vignir. „Jólaskreytingar í mið-
bænum eru mjög metnaðarfullar
og við viljum að það sé upplifun
að koma í miðbæinn á aðvent-
unni. Þá er skjólsælt þar og mikið
lagt upp úr fallegum skreytingum,
innan húss og utan. Sjón er sögu
ríkari.“
Selfyssingar eiga ýmsar
skemmtilegar jólahefðir og þar
ber hæst koma jólasveinanna úr
Ingólfsfjalli, yfir Ölfusárbrú og
inn í bæinn, til að heilsa upp á
börn og fullorðna með söng og
tralli. „Á aðventunni í ár verður
einnig boðið upp á ýmsa viðburði
og uppákomur á Brúartorgi allar
aðventuhelgarnar til að auka á
stemninguna og jólablæinn, en
auðvitað með fyrirvara um að
samkomutakmarkanir og sótt-
varnir gefi okkur grænt ljós.“
Losnum við erilinn
Það er tilvalið fyrir íbúa höfuð-
borgarsvæðisins að losna við eril
borgarinnar og gera góð kaup
fyrir austan fjall, bætir Vignir
við. Nokkrar mjög skemmtilegar
verslanir eru í nýja miðbænum,
auk þeirra sem fyrir eru á Sel-
fossi. „Stærst þeirra er verslunin
Motivo, þar sem mæðgurnar Erla
Gísladóttir og Ásta Björg Kristins-
dóttir bjóða upp á fjölbreyttan
tískufatnað fyrir konur, karla og
börn auk fallegra hönnunarvara.
Þessi verslun, sem áður var rekin
á Austurvegi, er orðin eins konar
áfangastaður meðal gesta og
nýtur mikilla vinsælda, enda fara
þær nýjar leiðir til að taka á móti
viðskiptavinum. Þar ber hæst
búbblubarinn svokallaða, sem er
inni í búðinni. Þar er boðið upp
á freyðivín á krana, auk annarra
léttra veitinga, til dæmis kaffi-
bolla eða ölglas.“
Viðburðir, gleði og
góður matur alla aðventuna
Það er svo sannarlega hægt að
njóta lífsins í mat og drykk á
aðventunni á Selfossi. Þar er nú
fjölbreytt f lóra veitingastaða og
þar ber hæst Mjólkurbúið, sem er
sannkallað matarmenningarhús.
„Þar eru átta veitingastaðir, tveir
barir og sýningin Skyrland, í 1.500
fermetra rými með sæti fyrir yfir
300 manns. Húsið er frábærlega
hannað af Hálfdáni Pedersen og
félögum og er innblástur sóttur
víða, meðal annars í verk Guðjóns
Samúelssonar, sem var arkitekt
upprunalega hússins. Í mathöll-
inni í þessu glæsilega endurreista
húsi Mjólkurbús Flóamanna eru
veitingastaðir að matreiða frá-
bæran mat á grillum, ofnum og
pottum og pönnum. Það ættu allir
gestir svo sannarlega að finna eitt-
hvað við sitt hæfi.“
Réttir sem allir þekkja
Rétt við Mathöllina, á horni
Brúarstrætis, er Bæjarís, ísbúðin
skemmtilega sem rekin er af
Kjörís. Úrvalið er mikið og fjöl-
breytt, og á aðventunni verður
nóg af heitu kakói og rjóma.
Nýjasti veitingastaðurinn í mið-
bænum er síðan Joe and the Juice,
við Austurveg og blasir við þeim
sem koma yfir Ölfusárbrúna. Þar
er boðið upp á það sama og þjóðin
þekkir orðið vel: frábæra og holla
safa, gott kaffi og samlokurnar
einstöku.
Mögnuð saga í Skyrlandi
Fjölmargir viðburðir verða í mið-
bænum á Selfossi um aðventuna
að sögn Vignis, auk þess sem það er
kjörið að heimsækja hina frábæru
nýju sýningu um íslenska skyrið,
þar sem þjóðarrétturinn gamli er
sýndur í alveg nýju ljósi. „Skyrland
er lifandi og skemmtileg upplifunar-
sýning um skyr og matarmenningu
Íslands sem reynir á öll skilningar-
vit. Þú horfir, snertir, þefar, hlustar
og síðast en ekki síst: smakkar!
Ólíkt öðrum gömlum þjóðarréttum
okkar Íslendinga þá hefur skyrið
öðlast nýtt líf í nútímanum og er nú í
boði á milljónamörkuðum víða um
heim. Þetta er merkileg saga.“
Í Skyrlandi kynnast gestir
ævintýri skyrsins í stuttu mál og
lifandi myndum. „ Skyr á sér langa
sögu þar til það varð heimsfræg
ofurfæða á 21. öld. Mæður kenndu
dætrum sínum listina sem síðan
kenndu sínum dætrum. Frá land-
námi fram á okkar daga hefur
skyrið nært okkur og styrkt okkur
í gegnum súrt og sætt.“
Nánari upplýsingar má finna á
skyrland.is. Jólin eru komin í jólabúðina Mistiltein. FRÉTTABLAÐIÐ/VALLI
Nýi miðbærinn er glæsileg viðbót við Selfoss. MYND/AÐSEND
Nýi miðbærinn
breytir mjög
miklu fyrir
ásýnd Selfoss.
MYND/AÐSEND
Mjólkurbúið
er sannkallað
matarmenn-
ingarhús.
MYND/AÐSEND
Elísabet Ósk
Guðlaugsdóttir,
rekstrarstjóri
Skyrlands og
Ísey Skyr Bar,
með nýju jóla-
skálina.
FRÉTTABLAÐIÐ/
VALLI
Þessir veitingastaðir bjóða upp á frábæran mat í
Mjólkurbúinu á Selfossi:
n Samúelsson matbar Flottur alhliða veitingastaður í bistro stíl sem
býður meðal annars upp á steikur, fisk, samlokur og spjót.
n Flatey Pizza Fjórði staður Flateyjar Pizzu sem býður upp á frábærar
Napolí-pítsur sem landsmenn þekkja og elska.
n Smiðjan brugghús Gríðarlegt úrval góðra sunnlenskra bjóra og
framúrskarandi hamborgar og kjúklingar. Verður varla betra.
n Menam Austurlenskur staður sem allir Selfyssingar þráðu að sjá í
mathöllinni og hefur ekki valdið vonbrigðum.
n Romano Pasta Street Food Ferskt heimagert pasta og ferskar
heimagerðar sósur. Þetta er pasta eins og það verður best.
n El Gordito Taco Fjölbreytt taco með kjöti, fiski eða grænmeti. Fjöl-
breytt meðlæti, sósur og salöt sem njóta mikillar vinsælda.
n Dragon Dim Sum Spennandi réttir sem eru bornir fram með
óvenjulegum og ótrúlega spennandi hætti.
n Ísey skyrbar Hinir frábæru skyrréttir sem þjóðin þekkir og börn og
fullorðnir elska. Ljúffengt, ferskt og hollt.
Á efstu hæð hússins er síðan Risið vínbar, nýr og notalegur vín- og
kokteilbar. Þar er tilvalið að stoppa og njóta góðra vína og kokteila í
afslöppuðu og þægilegu umhverfi.
Nánar á mjolkurbu.is.
Þessar verslanir eru í nýja miðbænum:
n Penninn/Eymundsson Jólabækurnar eru ómissandi og allt sem
þarf til að pakka inn jólagjöfum auk ritfanga og hönnunarvara.
n Tiger Mikið úrval skemmtilegra jólagjafa og nytjavöru fyrir alla
aldurshópa. Verslun sem kemur á óvart.
n 1905 Blómahús Fjölbreytt úrval blóma, skreytinga og gjafavöru.
Fyrir utan er blómasjálfsali sem vakið hefur mikla lukku.
n Listasel Gallerí Falleg og fjölbreytt íslensk myndlist og handverk
sem hefur algjörlega slegið í gegn. Nýir listamenn kynntir mánaðar-
lega.
n Mistilteinn Jólabúð allt árið sem að sjálfsögðu er stútfull af
skemmtilegum jólavörum á aðventunni. Ómissandi viðkomu-
staður í desember – og allt árið!
n Motivo Fjölbreytt og vönduð tísku- og hönnunarvara sem vakið
hefur mikla athygli. Einnig boðið upp á huggulegan freyðivínsbar.
n Shay Glæsileg snyrtivörubúð sem býður upp á öll vinsælustu vöru-
merkin og mikið úrval jólagjafapakka.
n Hlaðan Barnafatabúðin sem margir þekkja sem öfluga netverslun
á hladan.is er að opna snotra verslun í miðbænum þar sem boðið
er upp á fjölbreytt og falleg umhverfisvottuð barnaföt.
n Norza Living Stórskemmtileg pop-up búð með einstaka hönnunar-
og heimilisvöru sem kemur frá Afríku.
Erla Gísladóttir (t.v.) og Ásta Björg Kristinsdóttir eru eigendur Motivo sem er
staðsett í nýja miðbænum á Selfossi. FRÉTTABLAÐIÐ/VALLI
Vignir Guð-
jónsson,
framkvæmda-
stjóri Sigtúns
þróunarfélags
2 kynningarblað A L LT 19. nóvember 2021 FÖSTUDAGUR