Fréttablaðið - 19.11.2021, Qupperneq 40

Eins og þú getur
kannski ímyndað
þér, þá er ekki nokkur
leið að halda utan um
fleiri en 10.000 gjafir í
einu jólaboði.
Hurðaskellir Grýluson
Hurðaskellir er hér staddur í Guðmundarlundi þar sem jólaleikritið Ævintýri í Jólaskógi fer fram. Umboðsmaður og
besti vinur Hurðaskellis heitir Sigsteinn Sigurbergsson. Fréttablaðið/Valli
Jólasveinarnir þrettán eru
hverju íslensku manns-
barni og ömmu þess kunn-
ugir, enda stórskemmti-
legir kumpánar sem valda
miklum usla ár hvert, hver
á sinn hátt, sá fyrsti þrettán
dögum fyrir jóladag.
johannamaria@torg.is
Blaðamaður ræddi við Hurða­
skelli í hellisskútanum sem hann
heldur til í ásamt bræðrum sínum
og systrum, foreldrum og húsketti.
Hurðaskellir er einn af hressari
jólasveinunum, enda þekktur fyrir
það að fara um með látum, með
hrossabresti og hurðaskellum. Það
er lokkandi matarlykt í loftinu en
undirrituð lét það vera að spyrja
hvaða kjöt væri í pottréttinum,
enda vildi hún síður hafa það á
sinninu hvort skötuhjúin Grýla og
Leppalúði héldu sig við sögufrægt
mataræðið eður ei.
Hvað er svo títt af Hurðaskelli?
„Bara svakalegaobboslegagríðar­
lega gott, en þér?
Bara allt gott. Hlakkar þú til
jólanna?
„Jaaaaaaháááááá! Jólin eru sko
langskemmtilegasti tími ársins.“
Hvað er það sem heillar þig við
jólin?
„Öll fallegu jólaljósin sem lýsa
upp skammdegið, ilmurinn af
piparkökum og mandarínum um
allan bæ og svo á ég líka afmæli
þann 23. desember.“
Ferill á hvíta tjaldinu
Hurðaskellir situr ekki auðum
höndum á milli þess sem hann
mætir á jólaböll og gefur krökkum
í skóinn. „Mér er boðið á fjölda­
mörg jólaböll þetta árið og ég
hlakka mikið til að heilsa upp á
krakkana og dansa í kringum jóla­
tréð. Svo verð ég auðvitað á fullu að
útbúa gjafir í skóinn.“
Hann segist vera sérstaklega
upptekinn í allan desember þetta
árið, þó hann eigi tæknilega séð
að koma til byggða aðfaranótt 18.
desember. Þá skilst blaðamanni
að hann sé meðal annars að hasla
sér völl í sjónvarpi og á leiksviðinu.
Það líður líklega ekki á löngu
uns þessi hæfileikaríki tröllkarl
hreppir alþjóðleg verðlaun fyrir
afrek sín á hvíta tjaldinu.
„Við erum nokkur úr fjöl­
skyldunni, ég og mamma, pabbi og
fleiri, að undirbúa rosalega flotta
leiksýningu sem verður sýnd í
Guðmundarlundi og heitir Ævin­
týri í Jólaskógi. Þetta verður svaka
spennó sko. Gestir mæta með vasa­
ljós og elta vísbendingar í skógin­
um eins og til dæmis jólakúlur eða
luktir. Á leiðinni hittir fólk mig eða
bróður minn og einhverja fleiri úr
fjölskyldunni minni og við segjum
gestum sögur. Svo þegar leikritið
er búið þá fær fólk sér bara kakó og
piparköku eða mandó (sem er sko
gælunafn yfir mandarínu). Þetta
verður sko mjöööög skemmtilegt
og það er hægt að næla sér í miða
á Tix.is. Leikritið er frumsýnt 27.
nóvember og það verða sýningar
á hverjum degi fram að jólum, og
mögulega einhverjar á milli jóla og
nýars.
Svo verðum við Skjóða systir í
fyrsta sinn með þátt í sjónvarpinu,
en við höfum sko verið í mörg ár á
jútúp. Við ætlum að vera með Jóla­
dagatal Hurðaskellis og Skjóðu. Í
ár heitir það reyndar Jóladagatal
Hurðaskellis og Skjóðu – Fjársjóðs­
leit, og er unnið í samstarfi við
Samgöngustofu og Sjónvarp Sím­
ans. Mamma leikur stórt hlutverk
í þáttunum með okkur. Þetta er
nefnilega hálfgert umferðarreglu­
jóladagatal en það var sko hún sem
kenndi okkur þær.“ Það verður
spennandi að sjá hvernig Grýla kýs
að túlka umferðarreglurnar.
Sýna verkin raunsanna mynd af
lífi jólasveina?
„Ég get því miður ekki tjáð mig
um málið að svo stöddu,“ segir
Hurðaskellir. Hann berst augljós­
lega við að halda flissinu í skefjum
og orgar svo: „Mig hefur sko alltaf
langað að prófa að svara spurningu
eins og stjórnmálamaður,“ segir
hann og skellir uppúr.
Hvað verður í matinn á aðfanga-
dagskvöld?
„Pabbi eldar alltaf á aðfanga­
dagskvöld og það er alltaf jóla­
grautur í matinn. Það er líka
uppáhaldsmatur allra. Nýverið
tók hann síðan upp á því að lauma
möndlu í hverja einustu skál og
þá fá allir mandarínu í verðlaun.
Svo borða bara allir það sem þeim
þykir best. Sumir borða skyr,
aðrir bjúgu, enn aðrir hangikjöt …
Listinn er langur.“
En gefið þið systkinin og for-
eldrar hvert öðru jólagjafir?
„Það er gaman að þú skyldir
spyrja að þessu, því þetta tengist
sögunni sem ég segi í Jólaskóg­
inum. Við fjölskyldan erum fleiri
en hundrað talsins, enda hefur
Grýlumamma verið dugleg gegn­
um aldirnar. Ein jólin gáfum við
öll, öllum systkinum og foreldrum
gjafir. Eins og þú getur ímyndað
þér, þá er ekki nokkur leið að halda
utan um fleiri en 10.000 gjafir í
einu jólaboði. Þannig að upp frá
því bjuggum við til lítinn leik. Nú
gefur hvert okkar þrjár gjafir og við
fáum þá líka þrjár jólagjafir, sem
er alveg mátulegt. Á jóladag erum
við svo öll bara heima að livva og
njódda og slagga, eins og söng­
maðurinn sagði í einhverju lagi.“
En hvað er að frétta af systkina-
hópnum?
„Bara allt f lott sko, nema Lang­
leggur er með hælsæri og Nípa og
Láni eru með kvef. Svo eru Skrepp­
ur og Típa au­pair á Grænlandi.
Jólasveinarnir eru allir komnir í
æfingabúðir þar sem við erum að
æfa jólalögin og dansana, en það er
eins gott að rifja þetta upp á hverju
ári. Við erum næstum allir orðnir
500 ára og sumir vel það og minnið
verður æ gloppóttara.“
Nýlega bárust fregnir frá Akur­
eyrarbæ um að bann verði lagt við
lausagöngu katta þar í bæ. Ekki
er úr vegi að spyrja hvað verður
um Jólaköttinn fyrir norðan. „Ég
hlakka til að sjá þann sem ætlar
að banna honum það sem hann
vill gera, Hahahahahah. Við erum
rúmlega 100 tröll sem eigum að
heita eigendur hans og hann hefur
aldrei hlýtt neinu sem við segjum.
Ég held ekki að neinar reglur muni
halda kisa í skefjum.“
Hvernig hurðum er best að
skella?
„Hvítum fulningahurðum úr
furu er langbest að skella.“
Hefurðu sérstaka skoðun á
hurðarhúnum?
„Mér finnst hurðarhúnar með
talnalás erfiðir, en giska samt
merkilega oft á rétta talnarunu.“
En hvað finnst þér um sjálfvirkar
rennihurðir, svona eins og þær sem
eru í matvöruverslunum?
„Það ætti sko miklu frekar að
banna þær frekar en ketti. Það er
engin leið að skella þeim!“
Skellir þú á í símanum?
„Ég gerði það í gamla daga
þegar það voru svona samloku­
símar. En mér finnst núorðið miklu
skemmtilegra að skella uppúr.
Hahahahahah.“ n
Hurðaskellir leysir frá skjóðunni
Bókabúð Forlagsins | Fiskislóð 39 | www.forlagid.is
Opið alla virka daga 10–18 | Laugardaga 11–17
LANDSINS MESTA ÚRVAL BÓKA
í Bókabúð Forlagsins
leysir málið
Pantaðu þau á forlagid.is
Hægt er að velja um
5.000 kr. - 10.000 kr. - 15.000 kr.
Við sendum þér eða viðtakanda
gjafabréfið, allt eftir óskum.
Gjafabréfin eru einnig fáanleg í
bókabúð Forlagsins á Fiskislóð 39.
ER ERFITT
AÐ VELJA?
19. nóvember 2021 jól 2021 20 fréttablaðið