Fréttablaðið - 19.11.2021, Side 52

Sandra Guðrún
Guðmundsdóttir
sandragudrun
@frettabladid.is
Eðalrein Magdalena
Sæmundsdóttir, eða Ella
Magga eins og hún er kölluð,
er alltaf með eitthvað á
prjónunum og þá sérstak-
lega fyrir jólin.
Frá árinu 2018 hefur hún búið til
jólahúfu-uppskrift sem hún gefur
fylgjendum sínum á Instagram-
síðunni Amma Loppa.
Ella Magga f lutti til Noregs árið
2016 og smitaðist þá almennilega
af prjónabakteríunni þó að hún
hafi fram að því alltaf verið með
eitthvað á prjónunum.
„Það fór einhvern veginn þann-
ig að í þessu frábæra prjónasam-
félagi sem er á Norðurlöndunum
þá settist prjónabakterían heldur
betur að. Ég fór að gera eigin upp-
skriftir árið 2018 og selja og það
hefur bara vaxið og dafnað,“ segir
Ella Magga, sem steig stórt skref í
haust, sagði upp starfi sínu til 16
ára og fór að búa til prjónaupp-
skriftir af fullum krafti.
„Það er voða mikið trend að
selja jólauppskriftir hér á Norður-
löndum. Eitthvað sem mér fannst
frekar skrítið því jú, þetta eru
f líkur notaðar í stuttan tíma. Að
selja uppskrift að jólahúfu var
aldrei eitthvað sem ég ætlaði að
gera. Ég vildi gefa þær með því
hugarfari að þakka fyrir við-
skiptin á árinu. Mín jólagjöf til
minna kúnna,“ segir hún.
Jólahúfurnar eru ólíkar á milli
ára og Ella Magga segir að það sé
misjafnt hvernig hugmyndirnar
þróast og hversu langan tíma það
tekur að búa til uppskriftirnar.
„Þetta er auðvitað alltaf vinna,
því ég prjóna sjálf húfu, geri síðan
uppskrift sem tekur mislangan
tíma eftir því hvernig húfan er. Ég
prjóna í f lestum tilfellum sjálf 2 til
3 húfur og læt síðan prufu prjóna
þær áður en ég set uppskrift á
síðuna mína. Ég er svo heppin að
hafa kynnst henni Silju í Maro og
er búin að eiga gott samstarf við
hana í gegnum árin vegna vals á
garni. Ég hef notað Pernilla frá
Filcolana í seinustu þrjár húfur,
garn sem ég nota mjög mikið,“
segir hún.
Það besta frá báðum löndum
Ella Magga segist líka hafa búið til
prjónauppskriftir af jólaspariföt-
um og þar sem það taki svo langan
tíma fyrir hana að prjóna kjólana
á ömmustelpurnar og vesti á
ömmustrákinn sé ekki mikill tími
afgangs í að prjóna jólagjafir eða
eitthvað handa sjálfri sér.
Jólin í Noregi eru ólík íslenskum
jólum á margan hátt, að sögn Ellu
Möggu. Hún segir að þar sé minna
stress og Norðmenn leggi mikla
áherslu á hefðir í mat og samveru.
„Maturinn er ekkert hopp og hí
samt, pinnakjöt, síld og alls konar
gamaldags matur sem við erum
ekki vön. Aðventan snýst ekki
um að versla, það er oft bara búið
í desember eða að fólk pantar á
netinu og klárar þetta frá og er svo
í því að njóta og vera saman,“ segir
hún og bætir við að hún og hennar
fjölskylda úti haldi eins íslensk jól
og þau geta.
„Hér er hægt að kaupa malt
og appelsín um jólin í norskri
verslun, við reynum að fá konfekt
og hangikjöt frá Íslandi og þá eru
jólin fullkomin. Eldum ham-
borgarhrygg eða lambalæri, sem
er bara gott hérna. Það má því
segja að við fjölskyldan tökum
allt það besta frá báðum löndum,
rólegheitin frá Noregi og matinn
frá Íslandi, en leggjum okkur mest
fram um að vera saman og njóta.“
Ef lesendur vilja fylgjast með
Ellu Möggu má fylgja henni á
Instagram og Facebook þar sem
hún er undir nafninu Amma
Loppa eða á vefsíðunni amma-
loppa.is. n
Jólahúfan er gjöf
til fylgjendanna
Ella Magga segir jólin í Noregi að mörgu leyti ólík þeim íslensku. Hún og hennar fjölskylda taka
það besta frá báðum löndum. MYNDIR/AÐSENDAR
Jólahúfa Ömmu Loppu 2021
Húfan er prjónuð í hring, með
fallegu munstri fyrir ofan kant-
inn. Hún er nokkuð löng, það er
langt á milli þess sem er tekið
úr og auðvelt að breyta því, ef
hugurinn stendur þannig.
n Stærð: 6 til 18 mán., 2 til 4 ára,
4 til 6 ára, 6 til 10 ára.
n Ummál í cm: 43, 45, 50, 55.
n Tillögur að garni: Pernilla frá
Filcolana, garnið fæst hjá Maro
á Hverfisgötu eða í netverslun
www.maro.is.
n Magn í g: 100 g af aðallit í allar
stærðir, 50 g af munsturlit.
Húfan er frá 60 til 80 g.
n Prjónafesta: 22/10 á prjóna
nr. 4.
Það þarf að nota hringprjón
númer 3,5 og 4 og einnig
sokka prjóna númer 4, dúsk
eða skúf. Kaffi og konfekt á
kantinum, ásamt jólalögum.
n Skammstafanir: Ella Magga
forðast skammstafanir en ef
þess þarf notar hún : PM fyrir
prjónamerki, KL fyrir kant-
lykkju og CM fyrir sentimetra.
Húfan
1. Fitjaðu upp 90, 100, 110, 120
lykkjur á lítinn hringprjón
númer 3,5. Notaðu laust uppfit
eins og silfurfit eða álíka.
2. Stroffið er prjónað, ein slétt og
ein brugðin þar til það er orðið
9, 9, 10, 10 cm. Eða lengra/
styttra ef þú vilt. Ella Magga
miðar við að það sé brett upp.
3. Þá skaltu skipta á prjón númer
4 og prjóna 2 umferðir sléttar
áður en þú prjónar munstrið.
4. Í fyrstu umferð eftir að
munstri lýkur er aukið út í 96,
104, 112 lykkjur, en þú þarft
ekki að auka út í stærð 6 til
10 ára. Prjónar þar til stykkið
mælist 10, 12, 13 , 16 cm, mælt
frá stroffi.
Úrtaka
1. Prjónaðu 10, 11, 12, 13 lykkjur,
prjónaðu tvær sléttar saman,
endurtekur út umferðina,
prjónar 9 umferðir án úrtöku.
2. Prjónaðu 9, 10, 11,12 lykkjur,
prjónar tvær sléttar saman,
endurtekur út umferð. Prjónar
9 umferðir án úrtöku.
3. Úrtakan er gerð með 9
umferða millibili og fækkar
lykkjunum um eina í hvert
sinn sem þú tekur úr þar
til það eru 2 lykkjur á milli
úrtöku. Þá skaltu prjóna tvær
og tvær saman hringinn og
draga síðan endann í gegn og
herða vel.
Skúfur
Margir vilja hafa loðinn dúsk á
endanum á húfunni. Ellu Möggu
finnst það mjög smart.
„Ég er einhvern veginn samt
alltaf mest skotin í þessum
gamaldags skúf. Á YouTube er
ágætt vídeó sem sýnir hvernig
á að gera skúf. Í leitarskilyrðin
er sett Yarn tassel. Það er líka
mikið af góðum vídeóum á
Pinterest.“
Vandaðir
krossar á leiði
Íslensk framleiðsla fyrir íslenskt veðurfar
Leiðiskrossar 12 volt,
24 volt og 32 volt.
Vönduð íslensk framleiðsla.
Skemmuvegi 34 - 200 Kóp.
Símar: 554 0661 - 699 2502 - 897 4996
19. nóvember 2021 jól 2021 32 fréttablaðið