Fréttablaðið - 19.11.2021, Síða 114

Sandra Guðrún
Guðmundsdóttir
sandragudrun
@frettabladid.is
Jólamarkaðurinn í Heið-
mörk er árlegur viðburður
á vegum Skógræktarfélags
Reykjavíkur. Risastórt
jólatré prýðir torgið við
Elliðavatnsbæinn og árlega
er fenginn hönnuður til að
hanna skraut á tréð.
Védís Jónsdóttir hannar jóla-
skrautið í ár úr ónýtum lopa-
peysum. Védís er þekktur hönn-
uður innan prjónaheimsins, en
hún hannar liti, værðarvoðir og
prjónauppskriftir hjá Ístex. Þegar
haft var samband við hana frá
Skógræktarfélaginu og hún beðin
að hanna skrautið á tréð, var hún
að keppast við að klára nýjustu
prjónabókina sína, sem er gefin
út í tilefni af 30 ára afmæli Ístex.
Þess vegna komu lopapeysur
fyrst upp í hugann þegar hún
fékk símtalið.
„Þar sem ég hef verið að vinna
í ullariðnaðinum í fjöldamörg
ár, þá er það hráefnið sem ég vil
vinna með. Ég sá ekki fram á að ég
hefði tíma til að prjóna neitt nýtt
og svo fannst mér ekki rétt að taka
band sem hægt er að nýta í nýja
flík og nota í þetta. Þá datt mér í
hug að nýta flíkur sem eru búnar
að þjóna sínum tilgangi, eru göt-
óttar eða hafa lent í einhverju slysi
eins og að fá málningu á sig eða
eitthvað slíkt,“ útskýrir Védís.
Lopapeysurnar sem Védís notar
í skrautið hefur hún fengið hjá
fataflokkun Rauða krossins. Þar
starfa sjálfboðaliðar við að flokka
og gera við peysur en þær sem
Védís notar hafa verið dæmdar
ónýtar og óseljanlegar.
„Ég á pínu erfitt með að klippa
peysurnar þó þær séu götóttar og
ónýtar. Maður hugsar bara um
alla vinnuna sem er búin að fara í
hverja lykkju. En engu að síður þá
vona ég að skrautið gleðji og verði
fallegt. Þær hjá Rauða krossinum
reyna að gera við allar peysur sem
þær geta og þessar peysur sem ég
er með hafa alveg réttilega verið
dæmdar ónýtar,“ segir hún.
Hannar jólaskraut úr ónýtum lopapeysum
Védís Jónsdóttir hannar jólaskraut
á jólatréð við jólamarkað Skógrækt-
arfélags Reykjavíkur í Heiðmörk.Védís hefur meðal annars klippt veifur úr peysunum til að hengja á tréð. FRÉTTABLAÐIÐ/SIGTRYGGUR ARI
Jólaskraut úr ull er umhverfisvænt og lítið mál að endurnýta eftir jól.
Frá jólamarkaðnum 2020. Jólamarkaðurinn 2021 opnar 27. nóvember og þá
verður tréð afhjúpað. Markaðurinn verður svo opinn allar aðventuhelgarnar.
Skraut sem má endurnýta
Védís hefur búið til alls konar
skraut úr ullarpeysunum, meðal
annars lopaenglakjóla, veifur,
sokka og kúlur.
„Ég vona svo að það verði hægt að
endurnýta þetta skraut áfram því
það fellur vel að náttúrunni. Ef ekki
þá er hægt að nýta það sem undirlag
á göngustíga. Ullina sem ég næ ekki
að nýta er hægt að tæta og endur-
vinna, því þetta er 100% ull, það er
engu blandað við hana. Ullin er góð
til endurvinnslu,“ segir hún.
„Þegar ég var beðin um þetta
verkefni þá hugsaði ég til skála-
varðar sem ég hafði heyrt af á
hálendinu. Hann var að hugsa um
að hæla slitnu lopapeysuna sína
niður yfir rofabarð. Þannig að ég
hugsaði, kannski á skrautið mitt
eftir að nýtast í landvernd eða
kannski á einhver eftir að planta
birkiplöntu í eina veifuna.“
Védís bætir við að sér finnist
spennandi að sjá hvernig náttúru-
öflin muni fara með skrautið.
„Þetta er auðvitað mjög stórt tré.
En ef skrautið fýkur af því þá mun
það allavega ekki valda neinum
skaða, þetta er mjög náttúruvænt
efni,“ segir hún.
Tréð opinberað í næstu viku
Jólamarkaðurinn í Heiðmörk
verður opnaður 27. nóvember og þá
verður jólatréð opinberað. Védís er
langt komin með að búa til skrautið.
„Ég er búin að vera að sníða
þetta niður og sauma. Það þarf að
sauma jaðrana svo þetta rakni ekki
upp og sauma veifurnar á snúru
svo hægt sé að vefja þær í kringum
tréð,“ segir Védís og upplýsir að
þetta sé í fyrsta sinn sem hún býr
til jólatrésskraut úr ull.
„Mitt jólatré er mjög litríkt og
persónulegt. Það er fullt af minn-
ingum frá því ég bjó í New York
og Róm og frá því börnin mín
voru lítil. Ég er meðal annars með
pínulitlar prjónaðar peysur sem
systir mín gaf mér sem jólaskraut
og mér þykir vænt um þær. Þannig
að ég hef haft prjónað jólaskraut
á jólatré áður, en ég hef ekki búið
það til,“ segir hún.
„Ég hef líka hannað jóladúka úr ull
en þeir eru í nýjustu prjónabókinni
minni. Það er jóladúkur til að hafa
undir jólatré, ég hef líka hannað jóla-
tréspils til að setja utan um fótinn á
jólatrénu og ég hef gert jólapeysu á
hunda og fólk, ég hef hannað ýmis-
legt sem tengist jólunum en ekki
jólatrésskraut. En hver veit nema ég
haldi því áfram. Það rímar allavega
vel við náttúruna að búa til jóla-
skraut úr ull.“
Védís hvetur fólk til að gera
sér ferð í Heiðmörk og berja tréð
augum.
„Það ætti að vera öllum að
meinalausu að labba úti í nátt-
úrunni og skoða tréð í hæfilegri
fjarlægð frá öðrum.“ n
Baðinnréttingar
Fríform ehf.
Askalind 3,
201 Kópavogur.
562–1500
Friform.is.
2
0
0
0
—
2
0
2
0
Tímabundin opnunartími
vegna Covid–19
Mán. – Föst. 10–17
Laugardaga 11–15
19. nóvember 2021 jól 2021 94 fréttablaðið