Fréttablaðið - 19.11.2021, Side 126

Það þarf ekki að bæta á sig
mörgum kílóum um jólin.
Þau gætu allt eins orðið upp-
hafið að heilbrigðara lífi sem
síðan hefst að fullu í janúar.
elin@frettabladid,is
Með því að velja réttan jólamat,
fara í gönguferðir og vera með-
vitaður um hvað maður setur ofan
í sig geta jólin verið tími nýrra og
hollari matarvenja ásamt því að
vera leið til betra lífs.
Að sögn norsks sérfræðings er
vandamálið oft að fólk velur að
borða mikið af mettaðri fitu. Hún
getur valdið lífsstílssjúkdómum
eins og offitu, hjarta- og æðasjúk-
dómum, að því er greint var frá á
forskning.no.
Ef fólk er óklárt á því hvað sé
mettuð fita má finna það út með
því að geyma matvælin í kæli.
Mettuð fita storknar í kulda. Olíur
sem innihalda mikið af ómett-
aðri fitu haldast fljótandi í kæli.
Mjólkurfita, eins og sú sem er í
rjóma, þykir ekki eins hættuleg og
áður var talið og það er óhætt að
leyfa sér hann á stórhátíðum.
Þegar valinn er léttari jólamatur
er kalkúnn eða aðrir fuglar mjög
góður kostur. Fuglar, eins og kal-
kúnn, geyma fituna undir húðinni
og hana er auðvelt að fjarlægja og
forðast. Alifuglakjöt er því mjög
góður kostur. Sömuleiðis er fiskur
hollur og góður.
Rautt kjöt þarf ekki að vera
slæmt. Oft er það meðlætið sem er
Skynsemi í fæðuvali eykur heilbrigði um jólin
Jólasveinninn er skammaður fyrir að borða alltof margar smákökur, enda of þungur. FRÉTTABLAÐIÐ/GETTY
verra. Lömb hafa til dæmis farið um
heiðar og nærst á berjum og jurtum
sem innihalda andoxunarefni og
vítamín. Lambakjötið er því góður
kostur og inniheldur meiri nær-
ingarefni en dýr sem eru fóðruð á
kjarnfóðri. Unnin kjötvara eins og
hakk og pylsur er einfalt að elda en
fitan í þeirri vöru sést ekki vel. Þess
vegna er alltaf best að forðast unnar
kjötvörur vilji maður léttast.
Auk fitu eru hröð kolvetni mikil
áskorun í mataræði. Mikið magn
af f ljótandi kolvetnum fær fólk í
gegnum drykki, eins og safa, gos-
drykki og áfenga drykki. Ef fólk
lifir alla jafna heilbrigðu lífi hefur
það betri samvisku gagnvart því
að brjóta lögmálið yfir jólin, en þá
þarf að halda sig við skynsemina
þess á milli. Til dæmis borða
margir of mikið og of sjaldan.
Betra er að borða minna í einu en
oftar til að viðhalda efnaskipt-
unum betur. Ef maður lætur líða
langan tíma á milli máltíða verður
manni oft á að úða í sig alltof
miklum mat og jafnvel líða illa á
eftir.
Það getur verið hjálplegt fyrir
brennslu líkamans að krydda
matinn með sterku kryddi eins og
chili-pipar. Einnig hjálpar að velja
minni diska, en þeir hafa stækkað
nokkuð í áranna rás. Borða ætti
meira af ávöxtum og grilluð
ávaxtaspjót eru tilvalin til að auka
það og þau eru ljúffeng. Einnig er
gott ráð að nota hreina jógúrt sem
ídýfu fyrir ávexti eða sem dress-
ingu á salat ef fólk vill minnka
fitu- og saltinnihald.
Samkvæmt nýlegri evrópskri
rannsókn þar sem fylgst var með
1.600 manns í 18 mánuði í Dan-
mörku, Bretlandi og Portúgal,
jókst þyngd fólks umtalsvert
í desember. Niðurstaða rann-
sóknarinnar var birt í tímaritinu
Plos One. Þátttakendur léttust
stöðugt í tíu mánuði en þyngdust
í desember. Þeir bættu á sig að
meðaltali einu og hálfu kílói
frá byrjun desember til fyrstu
daganna í janúar.
Sama mynstur var í löndunum
þremur. Þegar fólk fer að þyngjast
getur orðið erfitt að stöðva þá
þróun og hætta er á að þyngdin
aukist enn frekar. Hreyfing með
fram hátíðarmatnum getur dregið
úr þessari þróun. n
Þátttakendur
léttust stöðugt í
tíu mánuði en þyngdust
í desember. Þeir bættu á
sig að meðaltali einu og
hálfu kílói frá byrjun
desember til fyrstu
daganna í janúar.
Verkfærasalan er fjölskyldu-
fyrirtæki, stofnað fyrir
rúmum 24 árum, sem hefur
frá upphafi lagt áherslu á að
sjá iðnaðarmönnum, fyrir-
tækjum og einstaklingum
fyrir góðum verkfærum og
veita fyrirmyndarþjónustu.
Þekktustu vörur Verkfærasölunnar
eru Milwaukee rafmagnsverkfærin
sem fyrirtækið hefur selt um árabil
á Íslandi.
Kristófer Ragnarsson er versl-
unarstjóri stórrar og glæsilegrar
verslunar Verkfærasölunnar í Síðu-
múla 9 í Reykjavík. Auk hennar
rekur fyrirtækið verslanir í Hafnar-
firði og á Akureyri og svo öfluga
vefverslun. Kristófer segir vinsældir
Milwaukee verkfæranna miklar
og skiljanlegar: „Í 18 og 12 volta
rafhlöðulínunum ertu með mikið
framboð af góðum vélum sem fag-
menn og aðrir kunna vel að meta,
enda eru þær þróaðar í samráði við
fagfólk og gerðar fyrir krefjandi
verkefni og aðstæður. Nýlega
kynnti Milwaukee byltingarkennd-
ar rafhlöður, MX Fuel-línuna, sem
gera verktökum kleift að minnka
kolefnissporið vegna þess að þær
knýja stór verkfæri örugglega, bæði
utan- og innandyra, sem áður voru
knúin með jarðefnaeldsneyti.“
Verkfærasalan er einnig með
Ryobi, sem er risastórt merki á
verkfæramarkaðinum. „Það hefur
komið vel út hjá viðskiptavinum
sem vilja geta gert hlutina sjálfir
og jafnvel farið upp á eigin spýtur í
stærri verkefni heima fyrir.“
Kristófer segir Verkfærasöluna
vera með mikið úrval af verkfærum
frá þekktum framleiðendum á borð
við Hultafors, Wera, Knipex, Bacho,
Telwin, Gedore og Yato. „Hjá okkur
er hægt að finna gott úrval bæði
fyrir fagmanninn og dundarann
þegar kemur að raf- og handverk-
færum.“
Verkfærasalan er að sögn Kristó-
fers með rafverkfæri, efnavörur og
festingaefni. „Þú finnur gott úrval
hjá okkur, við erum með bolta og
skrúfur, alls konar festingaefni, en
við erum ekki í smíðaefni eða park-
eti og slíku. Verkfæri eru okkar fag.
Við sérhæfum okkur og reynum
að veita framúrskarandi þjónustu.
Starfsfólk Verkfærasölunnar býr
yfir mikilli reynslu og sérfræði-
þekkingu sem nýtist viðskiptavin-
unum við val á vörum okkar. Hjá
okkur fá bæði fagmenn og aðrir,
vörur, ráðgjöf og þjónustu fyrir
hvort heldur sem er bílaviðgerðir,
stálsmíði, trésmíði, pípulagnir eða
rafvirkjun.“
En eru verkfæri gjafavara fyrir
jólin?
Kristófer segir ýmsar vörur selj-
ast vel yfir vetrartímann, til dæmis
sérstakan Milwaukee fatnað með
hitabúnaði sem knúinn er rafhlöð-
um. „Svo erum við með jóladagatöl
fyrir áhugamenn um verkfæri.
Þá er ekki sælgæti í dagatölunum
heldur verkfæri. Frá Milwaukee
erum við með aðventudagatal þar
sem er eitthvað sniðugt verkfæri á
hverjum sunnudegi á aðventunni.
Frá Wera og Gedore erum við með
hefðbundnari dagatöl sem ná yfir
alla 24 dagana. Þetta er mjög vin-
sælt. Síðan eru Wera vörurnar mjög
vinsælar fyrir jólin. Pakkningarnar
eru þannig að auðvelt er að pakka
þeim fallega inn, en þetta eru líka
hágæða verkfæri sem fólk kann að
meta. Jólavertíðin hefur verið að
stækka ár frá ári og við sjáum mikla
hreyfingu til dæmis á Black Friday.
Þetta geta verið vélar og handverk-
færi eða bara fatnaður og húfur.“
Að sögn Kristófers aukast vin-
sældir gjafakorta frá Verkfæra-
sölunni ár frá ári. „Þau henta vel
fyrir þá sem vilja gefa verkfæri en
vita kannski ekki alveg hvað hentar
best.“
Vefverslun Verkfærasölunnar
hefur vaxið mjög undanfarið og í
henni er hægt að fá næstum allar
vörur fyrirtækisins. Kristófer segir
fólk greinilega kunna vel að meta
það að geta farið á netið til þess að
versla og fá vöruna senda heim eða
valið að sækja pöntunina til fyrir-
tækisins eða í póstbox. n
Gott úrval jólagjafa í Verkfærasölunni
Kristófer Ragnarsson verslunarstjóri Verkfærasölunnar í Reykjavík hjá Milwaukee-verkfæralínunni. FRÉTTABLAÐIÐ/EYÞÓR
Ryobi-verkfærin njóta mikilla vinsælda.
Verkfæri eru
okkar fag. Við
sérhæfum okkur og
reynum að veita fram-
úrskarandi þjónustu.
Starfsfólk Verkfæra-
sölunnar býr yfir mik-
illi reynslu og sérfræði-
þekkingu.
6 kynningarblað A L LT 19. nóvember 2021 FÖSTUDAGUR