Fréttablaðið - 19.11.2021, Síða 127

Kvenfataverslunin Tískan
og tískuverslunin Comma
fluttu fyrir viku í glæsilegt
500 m2 verslunarhúsnæði
við Ármúla 5. Áhersla er á
fallegan vandaðan fatnað
fyrir skvísur á öllum aldri.
Verslunin Tískan var í Skipholti
áður en hún f lutti í Ármúlann í
síðustu viku, en verslunin hefur
verið starfandi frá árinu 1963.
„Áður en við f luttum í Skipholt-
ið hét verslunin Parísartízkan, við
ákváðum að uppfæra nafnið og
ímynd okkar í f lutningunum því
sumir töldu okkur vera eingöngu
franska verslun fyrir eldri kyn-
slóðina en verslunin er frá þeim
tíma þegar öll helsta tískan kom
frá París. Í dag eru tímarnir aðrir
og við bjóðum upp á vörur meðal
annars frá Ítalíu og Þýskalandi þar
sem gæði og gott verð er í fyrir-
rúmi,“ segir eigandi Tískunnar,
Hjördís Sif Bjarnadóttir. Hjördís
hefur verið viðloðandi verslun-
ina frá því hún var lítil stelpa,
en móðir hennar rak hana í
aldarfjórðung. Í dag rekur Hjördís
báðar verslanirnar, Tískuna og
Commu ásamt eiginmanni sínum
Hilmari Þórarni Hilmarssyni.
Hafa afgreitt þrjá ættliði
„Tískan leggur áherslu á fatnað
fyrir konur 20 ára og eldri. Við
seljum mikið fyrir útskriftir úr
háskólum og menntaskólum og
líka fyrir brúðkaupin. Við höfum
alveg verið að afgreiða þrjá ættliði
í einu, sem er ekki eitthvað sem
ég held að margar verslanir geti
sagt,“ segir Hjördís hlæjandi.
Hjá Tískunni fást þýskar og
ítalskar vörur frá merkjum eins
og Max Mara, Marina Rinaldi,
Weekend, Penny Black, Person by
Marina Rinaldi, Brax og Basler,
svo þau helstu séu nefnd.
„Við erum með fjölbreyttan
fatnað. Kjóla, dragtir, kápur, boli
og buxur á breiðu stærðarbili. En
við erum með stærðir frá 34 til
48,“ segir Hjördís.
Fágað og töff
Verslunin Comma var áður í
Smáralind, en hún var opnuð þar
haustið 2014. Comma er alþjóðleg
kvenfataverslun með búðir í yfir
20 löndum. Comma hefur verið
eitt stærsta tískuvörumerki í Evr-
ópu undanfarin ár. Í versluninni
er lögð áhersla á að bjóða upp
á hágæða vörur á viðráðanlegu
verði.
„Við erum með tvær línur í
versluninni. Önnur heitir ein-
faldlega Comma, einkunnarorð
þeirrar línu eru fallegt, fágað og
töff. Svo erum við með Comma
Casual Identity. Í þeirri línu er
boðið upp á þægilegri hversdags-
föt sem eru þó falleg og klæðileg.
Það var til dæmis vinsælt þegar
Covid var að byrja að kaupa
„fancy“ jogging buxur og fína
skyrtu við,“ segir Hjördís.
Bílastæði beint fyrir utan
Tískan og Comma hafa nú f lutt
saman í 500 fermetra verslunar-
húsnæði í Ármúla 5. Þar er hátt
til lofts og vítt til veggja og segir
Hjördís að það fari mjög vel um
þau á nýjum stað.
„Það er gott að vera með verslun
í sérhúsnæði. Í nýja húsnæðinu er
gott loftræstikerfi og nóg pláss til
að skoða. Það eru líka 27 bílastæði
beint fyrir utan verslunina, en
fólki finnst æðislegt að geta lagt
beint fyrir utan,“ segir Hjördís.
Verslanirnar voru opnaðar á
nýjum stað á föstudaginn fyrir
viku og Hjördís segir kúnnana
ánægða með breytinguna.
„Við erum með mikið af fasta-
kúnnum, bæði hjá Tískunni og
Comma. Án þeirra værum við
ekki á þessum stað í dag,“ segir
hún.
Fjölbreytt opnunartilboð eru
í verslununum þessa dagana og
býður Hjördís bæði gamla og nýja
viðskiptavini velkomna að koma
og kíkja á úrvalið. n
Hægt er að fylgja verslununum á
Facebook undir nöfnunum Tískan
og Comma Iceland.
Tískan og Comma flutt í glæsilegt húsnæði
Hilmar Þórarinn og Hjördís Sif eru ánægð með nýja húsnæðið.
FRÉTTABLAÐIÐ/SIGTRYGGUR ARI
Tískan og Comma eru fluttar í stórt og gott húsnæði í Ármúla. FRÉTTABLAÐIÐ/SIGTRYGGUR ARI
Fjölbreytt opnunartilboð eru í verslunum Tískunnar og Comma í Ármúlanum.
Í Tískunni og Comma fást vandaðar flíkur við allra hæfi.Falleg og vönduð taska frá Basler. Nýja húsnæðið er bjart og rúmgott og nóg pláss til að skoða úrvalið.
Fötin í Tískunni henta konum á öllum aldri í ólíkum stærðum frá stærð 34 upp í stærð 48.
ALLT kynningarblað 7FÖSTUDAGUR 19. nóvember 2021