Strandapósturinn - 01.06.1984, Qupperneq 24

Guðmundur Ólason, Krossnesi og Sigríður Pétursdóttir.
stórbrotinni náttúrufegurð. Þó hygg ég að mörg sveimhugans
brú væri byggð en aðeins í hugans leynum því tækifærin voru fá
og getan skorin við neglur.
Trékyllisheiði var vörðuð, frá Bólstað að Kjós, vorið 1912. Þó
ekki væri hún eins fjölfarin og síðar varð bar brýna nauðsyn til
að varða hana. Gunnlaugur Magnússon, bóndi á Ósi, hafði
umsjón með því verki. Eftir að norður á heiðina dró kom Gunn-
laugur norður af og gisti þá í Kjós. Faðir minn og hann þekktust
vel. Ráðfærði Gunnlaugur sig við pabba, því engir voru jafn
kunnugir Trékyllisheiði sem hann, og fékk því föður minn til
ráða hvernig haga skyldi staðsetningu á vörðunum svo að sem
gleggstum notum kæmi. Fleiri norðan heiðar unnu að verkinu
uns því var lokið. Á þeirra tíma mælikvarða var þarna um
miklar samgöngubætur að ræða því eins og vitað er urðu Ár-
neshreppingar, lengst af, að vitja læknis til Hólmavíkur, svo og
símaþjónustu allt til ársins 1923 að landsíminn var lagður yfir
heiði að Kúvíkum og svo smámsaman lengra norður uns sveita-
sími kom 1946.
22