Strandapósturinn - 01.06.1984, Síða 34

Kjósarbœrinn séður aðframan.
og þá þriðju í Lambhagavíkinni sem ekki hefur reynst heppileg
til þessa, þegar til kom, né sú sem utar var. Lóðirnar borgaði
Gunnlaugur út í hönd. Hann var dag um kyrrt á meðan þessu
stóð. Var um margt rætt eins og títt var, ekki síst ef gesturinn var
langt að kominn sem nú var. Meðal annars gat Gunnlaugur
þess að á Hólmavík yrði haldið matreiðslunámskeið í janúar sem
og áður hefði verið gert þar og þótt gefast vel. Sæktu þau jöfnum
höndum húsfreyjur og unglingsstúlkur. Segir hann þá jafnframt
við mömmu: „Það væri tilvalið fyrir dóttur þína að fara á nám-
skeiðið. Við hjónin skulum sækja um fyrir hana, koma henni á
framfæri og greiða götu hennar sjái hún sér fært að komast þessa
leið.“ Hvort sem þetta var rætt lengur eða skemur var afráðið að
ég skyldi taka þessu boði. Leið nú haustið og fram yfir hátíðar.
Þá eins og oft endranær spilltist tíðarfar og setti niður snjó. Leið
að þeim tíma sem námskeiðið skyldi hefjast. Ekki var viðlit fyrir
tvo unglinga að fara heiðina. (Við Óli vorum jafngömul, á 16.
ári). Veturinn áður hafði Óli farið heiðina að næturlagi sem á
öðrum stað segir frá (Gengin spor II, Strandapósti, 9. árgangi).
32