Strandapósturinn - 01.06.1984, Page 102

Jóhannes Jónsson
frá Asparvík
k
Hákarlaveiðar
I eftirfarandi frásögn kemur fram ýmislegt um hákarlaveiðar,
hákarlaskip og fleira varðandi þennan forna atvinnuveg á
Ströndum, sem ekki hefur áður komið fram í skrifum um þetta
efni í Strandapóstinum.
Þegar ég var 15 ára fór ég í fyrsta hákarlaróðurinn með
Guðmundi Guðmundssyni er síðar bjó á Kleifum í
Steingrímsfirði. Við vorum á fjögurra manna fari er hét Björg.
Við vorum allir óvanir hákarlaveiðum þá, en þetta gekk vel og
við fiskuðum vel.
Þvínæst fór ég að stunda hákarlaróðra með Bjarna bróður
mínum, sem nú er bóndi í Bjarnarhöfn á Snæfellsnesi. Við rérum
á 5 manna fari er hét Síldin og heitir enn. Síldin er talin elsta
sjófært skip á íslandi og svo vel við haldið að nýlega var sett í
hana ný og kraftmikil vél. Ég réri fyrir hákarl með Bjarna í 15
vetur samfleytt og nokkrum sinnum eftir það.
Aður voru áttæringar algengustu hákarlaskipin, en þegar þeir
hurfu voru um all-langt árabil notuð dekkskip. Ég hef nú ekki
nákvæmlega stærð þeirra, en sennilega hafa þau verið frá 12 til
20 tonn. Skipstjórar á þessum skipum voru helstir Pétur
Guðmundsson frá Ófeigsfirði á bát sem hét Anna. Finnbogi
Guðmundsson frá Finnbogastöðum á bát sem hét Hekla. Hann
var líka með bát sem hét Vonin en missti hana í ís. Magnús
Hannibalsson frá Gjögri á bát sem hét Andey. Þann bát átti Carl
F. Jensen kaupmaður í Kúvíkum.
Eftir að ég fór að róa fyrir hákarl voru doggaróðrar stundaðir
100