Strandapósturinn - 01.06.1984, Qupperneq 112

hann trúnaðarstörf. Tók hann við hreppstjórn 1941 af Halldóri
Jónssyni á Kjörseyri, oddviti var hann einnig sparisjóðshaldari
og endurskoðandi Kaupfélags Hrútfirðinga og er þá fátt eitt
nefnt af störfum hans.
Sæmundur er nú látinn í hárri elli og Pálmi sonur hans
hreppstjóri í hans stað en hann reisti nýbýli í Borðeyrarlandi er
Laugarholt heitir. Guðjón Ingvi bróðir hans býr nú á Borðeyri.
Lyngholt
Guðlaugur Jónsson hinn kunni hagyrðingur og skáld reisti
ásamt konu sinni Margréti Soffíu Ólafsdóttur nýbýlið Borðeyri í
Borðeyrarlandi og bjó þar frá 1936—42 en þá fluttist hann til
Reykjavíkur. Börn þeirra hjóna, Böðvar skáld og kennari í
Kópavogi, Sigurbjörg Elísabet og Elín Júlíana.
Bjarni Þorsteinsson kennari keypti jörðina af þeim Guðlaugi
og bjó þar ásamt konu sinni Helgu Jónsdóttur frá Hrafnadal
meðan hann lifði. Börn þeirra: Þorbjörn kennari, sem nú býr í
Lyngholti, Þorsteinn og Þóra Kristín.
Guðlaugur Jónsson og Bjarni Þorsteinsson voru báðir menn,
sem settu svip á samtíð sína hvor á sinn hátt. Báðir voru þeir
ritfærir í besta lagi en Bjarni skrifaði og gaf út skáldsögur á síðari
árum sínum. Kvæði Guðlaugs, en sum þeirra orti hann með
Halldóri Ólafssyni mági sínum á Fögrubrekku, lifa enn í hugum
margra Hrútfirðinga og hafa mörg þeirra birst í Strandapóst-
inum.
Leiðrétting á Hrútfirðingaþáttum
Eftirtaldar villur hafa orðið í þáttum mínum um Hrútfirð-
inga.
Jónssel. Kona Matthíasar Arngrímssonar í Jónseli hét Ingiríður
en ekki Sigríður.
Litla Hvalsá: Kona Jóns Tómassonar hét Valgerður en ekki
Helga.
Dóttir þeirra Jóns heitir Jófríður Gróa en ekki Jódís Gróa.
110