Fréttablaðið - 22.01.2022, Qupperneq 30

Hanna Þóra Helgadóttir
matarbloggari er með
ástríðu fyrir ketó mataræði
og heldur úti síðunni
hannathora.is og instagram-
reikningnum @hanna-
thora88 þar sem hún deilir
uppskriftum sem eru fyrir
ketó mataræði.
sjofn@frettabladid.is
Hanna Þóra er flugfreyja hjá
Ice land air, menntuð sem við-
skipta- og markaðsfræðingur og
rekur eigið fyrirtæki. Fyrir rúmum
þremur árum sneri Hanna Þóra
blaðinu við og byrjaði á ketó
mataræði. Ketó mataræðið snýst
um að neyta minna af kolvetnum
og meira af fitu yfir daginn og nýta
sér ketóna sem brennsluefni fyrir
líkamann.
„Fyrir rúmum þremur árum
fann ég að líkamleg heilsa var ekki
lengur upp á sitt besta og alls konar
fylgikvillar ofþyngdar voru farnir
að banka upp á með tilheyrandi
liðverkjum og þreytu. Það var þá
sem ég ákvað að prófa eitthvað
nýtt, sem ég hafði ekki prófað áður.
Ég fann strax mun á líkamlegri og
andlegri heilsu og áttaði mig á því
hvað ég hefði verið að innbyrða
svakalega mikið af kolvetnum og
sykri án þess að spá neitt í það.
Þremur sykurlausum árum síðar sé
ég ekki eftir einni einustu mínútu
og mér tókst að finna mína hillu og
ketó mataræði hefur verið minn
lífsstíll og ástríða allar götur síðan.
Það eru svo mikil forréttindi að
starfa við það sem maður hefur
ástríðu fyrir og ótrúlega gefandi
að hanna og þróa uppskriftir fyrir
þá sem vilja sneiða hjá kolvetnum,
sykri, glúteni eða bara prófa eitt-
hvað nýtt og girnilegt.“
Skipuleggur daginn
Hönnu Þóru finnst skipta miklu
máli að borða rétt til að hafa orku
og úthald út daginn. „Ég reyni eftir
bestu getu að hugsa um allt sem ég
borða sem orku sem endist. Ég er
oft að vinna langa daga í háloft-
unum og þar skiptir öllu máli að
vera tilbúin í hvaða aðstæður sem
er. Með því að skipuleggja daginn
og undirbúa nesti sem hentar mér
finnst mér auðveldara að stjórna
eigin orku og vellíðan. Þegar við
verðum fullorðin þá er engin
mamma sem pakkar niður nesti
fyrir okkur eða ákveður hvað er
í matinn. Við ákveðum hvað við
viljum gera fyrir okkar líkama.“
Aðspurð segist Hanna Þóra
oft þurfta að nýta janúarmánuð
til að núllstilla líkamann. „Eftir
jólahátíðina nýti ég fyrsta mánuð
ársins oft í að fasta til hádegis og
borða því fyrstu máltíð dagsins
í hádeginu. Ég fæ mér svart kaffi
og vatn á morgnana og brýt svo
föstuna með girnilegum ketóvæn-
um hádegismat. Að öðru leyti held
ég mínu striki allan ársins hring.
Ég hef það ávallt sem markmið alla
daga að njóta allra máltíða og mér
hefur tekist það.“
Hvernig lítur hefðbundinn dagur
út hjá þér þegar kemur að því að
raða saman matseðli fyrir daginn?
„Ég horfi á næringu dagsins sem
eina heild og skipulegg daginn. Ég á
alltaf harðsoðin egg í ísskápnum og
gríp þau oft á morgnana og krydda
með chilli og pipar. Í hádeginu
reyni ég að koma fersku grænmeti
inn í mataræðið og geri mér til
dæmis salat með afgangs kjúklingi,
osti, hnetum og góðri ketóvænni
dressingu. Hjá mér eru öll salöt
ávallt vel útilátin og alltaf eitthvað
girnilegt og saðsamt. Í millimál er
ég oft með möndlur eða hnetur í
boxi og gríp í þegar ég finn fyrir
svengd. Góð og holl fita sem veitir
mér góða orku á milli máltíða. Í
kvöldmat baka ég oft ketóvæna
kosti eins og ketó naanbrauð til að
hafa með kjúkling eða ketó pitsu
á föstudögum. Ég reyni oft að elda
stærri skammta í kvöldmat til þess
að geta gripið með í nesti daginn
eftir en allt sem sparar tíma gerir
mataræðið auðveldara.“
Það borðar enginn fyrir þig
Hönnu Þóru finnst mikilvægt
að vera sjálfum sér samkvæmur
og vera fylginn sér. „Það borðar
enginn fyrir okkur og það er undir
okkur sjálfum komið að ákveða
hvað við viljum gera og hvert við
viljum stefna. Það sem mér fannst
erfiðast fyrst var hvað öðrum
fannst og hversu miklar skoðanir
aðrir hafa á þínu mataræði. Loka-
niðurstaðan er alltaf sú sama, það
borðar enginn fyrir þig.“
Hanna Þóra deilir hér með
lesendum grískri chia-skál sem er
einn af hennar uppáhalds morgun-
verðum. „Ég geri þessa skál reglu-
lega um helgar þegar ég hef góðan
tíma og langar að gera vel við mig.
Það er hægt að toppa hana með alls
konar kolvetnaskertu góðgæti sem
passar inn í daginn en einnig gott
að taka með í nesti.“
Grísk chia-skál
Grunnur
1 dl grískt léttmál
1 dl rjómi
1 msk. chia-fræ
5-6 dropar stevía
Toppur
Hampfræ eftir smekk
Ber sem eru lægri í kolvetnum –
t.d. hindber, jarðarber eða bláber
Kókosflögur eftir smekk
Heslihnetukurl eftir smekk
Möndluflögur eftir smekk
Blandið saman grísku léttmáli og
rjóma, bætið chia-fræjum og stevíu
út í og blandið vel saman. Chia-
fræin þurfa nokkrar mínútur til að
draga í sig vökvann úr blöndunni.
Toppið á ykkar hátt en ég geri
reglulega stóra skál og raða fallega
ofan á, svo fá allir í fjölskyldunni
að skammta sér í minni skálar.
Skemmtileg máltíð fyrir alla fjöl-
skylduna. ■
Grísk chia-skál fyrir alla fjölskylduna
Hanna Þóra
Helgadóttir
aðhyllist ketó
mataræði og
finnur mikinn
mun á líkam-
legri og andlegri
heilsu eftir
að hún breyti
mataræðinu.
FRÉTTABLAÐIÐ/
EYÞÓR
Gríska chia-morgunverðarskálin.
Einar Ásgeirsson tekur inn
blöndurnar Kollagen og Liði
frá Protis. Hann er alsæll með
árangurinn og segir vörurnar
gera sér kleift að stunda
hreyfingu án verkja.
Áður en Einar hóf inntöku á Kolla-
geni og Liðum var hann farinn að
finna fyrir verkjum sem voru farnir
að hafa neikvæð áhrif á getu hans
til að hreyfa sig og þar af leiðandi á
lífsgæði hans.
„Ég var með liðverki í öxlum og
hnjám, svona eins og gengur og
gerist en svo var ég líka sárþjáður
af vefja- og vöðvaverkjum. Ég var
farinn að ímynda mér að ég væri
kominn með vefjagigt eða eitthvað
í þeim dúr.“ Einar segir kynni sín af
vörunum hafa verið hálfgerða til-
viljun. „Ég var búinn að prófa ýmis-
legt og prófaði þetta af rælni. Þetta
reyndist síðan virka svona rosalega
vel. Ég er orðinn mjög góður í dag.“
Áþreifanlegur munur
Einar er búinn að nota vörurnar
í tæp tvö ár og hafa komið upp
tímabil þar sem hann hefur ekki
tekið þær inn. „Ég er búinn að prófa
að sleppa þessu og þá fer ekkert á
milli mála hvað þetta virkar vel. Ég
hef svo fundið áþreifanlegan mun
þegar ég byrja aftur.“
Þá hefur hann enn fremur
reynslu af því að taka inn bara aðra
hvora vöruna og þær saman. „Ég
hef líka bara átt Liði eða bara átt
Kollagen en ég finn að þetta virkar
ennþá betur saman. Þetta er frábær
blanda. Ég þarf að taka þetta með
mat til að styðja við upptökuna
þannig að ég tek þetta með sjúss af
ólífuolíu,“ segir Einar og hlær.
Einar hefur einnig prófað aðrar
sambærilegar vörur, bæði erlendar
og innlendar, og segir hann Protis
hafa reynst sér best. „Þetta erlenda
virkaði ekki neitt og þetta inn-
lenda virkaði ágætlega en var bara
alltof dýrt.“
Eins og þegar maður var yngri
Einar stundar ýmsa hreyfingu sér
til ánægju og segir blöndurnar nú
orðnar ómissandi. „Ef ég ætla að
vera góður, njóta lífsins og geta
hreyft mig þá finnst mér algjört
lykilatriði að taka þetta inn. Þetta
styður alla hreyfingu, hvort sem
það er skokk, hlaup eða ganga á fell
og fjöll.“
Einar segir ávinninginn ekki
síst felast í því hversu jákvæð áhrif
þetta hafi á endurheimt vöðva
þegar búið er að taka á því. „Þetta
verður svolítið eins og þegar maður
var yngri og fékk ekki harðsperrur
eða annað vesen. Líðanin batnar og
þá er auðveldara að virkja sig betur
í hreyfingu. Þannig kemur þetta
allt.“
Einar mælir heilshugar með
vörunum. „Ég hugsaði með mér
hvort maður ætti nokkuð að vera
að tjá sig en síðan er ég alltaf að
lesa um fólk sem þjáist til dæmis
af vefjagigt og ef það getur lagað
það með þessu í staðinn fyrir að
þjást, þá væri algjör synd að koma
því ekki á framfæri. Mér er því ljúft
og skylt að deila þessu með fólki ef
þetta skyldi vera eitthvað sem gæti
hjálpað þeim,“ segir Einar.
„Ég hélt að ég væri kominn með
vefjagigt en það lagaðist eftir að ég
fór að taka þetta inn. Það eru svo
mikil lífsgæði sem fylgja því að vera
í formi.“
Verndar liði, bein og brjósk
Protis Liðir er unnið úr kollagen-
ríkum skrápi sæbjúgna með
viðbættu vatnsrofnu þorskprótíni
fyrir viðhald vöðva og túrmeriki
fyrir bólgueyðandi áhrif. Blandan
inniheldur einnig mangan og nauð-
synleg vítamín fyrir heilbrigð bein,
brjósk og liðvökva.
Fyrir húð, hár og neglur
Kollagen frá Protis er einstök
blanda úr hágæða innihaldsefnum
sem styðja við styrkingu á húð, hári
og nöglum. Kollagenið er framleitt
úr íslensku fiskroði og inniheldur
einstakt innihaldsefni – SeaCol,
sem er blanda af vatnsrofnu kolla-
geni úr íslensku fiskroði og vatns-
rofnu þorskprótíni úr íslenskum
þorski. SeaCol tekur þátt í að
styrkja vefi líkamans og viðhalda
teygjanleika. Einnig er sérvalin
blanda af vítamínum og stein-
efnum sem öll styðja við styrkingu
á húð, hári og nöglum. ■
Vörur Protis fást í öllum helstu
matvöruverslunum og apótekum.
Mikil lífsgæði sem fylgja því að vera í formi
Einar Ásgeirs-
son segist mun
fljótari að ná sér
eftir hreyfingu
þegar hann
tekur inn bæði
Kollagen og Liði
frá Protis.
FRÉTTABLAÐIÐ/
VALLI
Ef ég ætla að vera
góður, njóta lífsins
og geta hreyft mig þá
finnst mér algjört möst
að taka þetta inn.
4 kynningarblað A L LT 22. janúar 2022 LAUGARDAGUR