Fréttablaðið - 22.01.2022, Side 74

Lúxusvandamál þegar
maður vinnur við
áhugamál sitt og
ástríðu.
Það var
alltaf
suðað og
kvartað
þegar
fiskur var í
matinn,
þannig að
ég fékk það
í gegn að
mánu-
dagar væru
fiskidagar.
Anna Sigríður Ólafsdóttir,
prófessor í næringarfræði við
Menntavísindasvið Háskóla
Íslands, fer með umsjón og er
aðalhöfundur þáttanna Nær­
umst og njótum, sem nú eru
sýndir á RÚV á mánudags­
kvöldum.
Anna Sigga, eins og hún
er alltaf kölluð, hefur
í nógu að snúast þessa
dagana, er með marga
bolta á lofti en gefur
sér ávallt tíma til að borða, enda
lykillinn að því að geta komist vel
í gegnum daginn. Við fengum hana
til að segja okkur hvernig hefðbund­
inn dagur hjá henni lítur út, þegar
kemur að næringunni.
Anna Sigga segir mataræði sitt
fyrst og fremst fjölbreytt þar sem
ekkert er bannað.
„Það má segja að mataræði mitt sé
í takti við það sem ég legg áherslu á í
þáttunum – fjölbreytt fæði þar sem
ekkert er bannað, en rík áhersla lögð
á jurtafæði sem uppistöðu – græn­
meti, ávexti, gróft korn, belgjurtir,
hnetur og fræ. Mér finnst fiskur
mjög góður og hann fer betur í mig
en kjöt, en ég útiloka það þó alls
ekki úr fæðunni heldur er það meira
sparimatur eða „krydd“.
Á barnmörgu heimili finnst mér
mikilvægt að alls konar matur sé í
boði og fundnar séu leiðir sem falla
að smekk allra, á sama tíma og ég
vil að við borðum í grunninn sams
konar mat.“
Anna Sigga segir að ef hún ætti
að setja einhvern stimpil á fæðu­
valið væri það vistkerafæði, eða
flexitarian.
„Mér finnst það ágætt orð sem
gefur í skyn vissan sveigjanleika.
Þetta fæði hefur þann kost að vera
ekki bara hollt fyrir okkur, heldur
einnig betra fyrir umhverfið. Sam­
hliða því reyni ég að nýta matinn
vel, og janúar er oft sambland af
nýtingarmánuði þar sem ég reyni að
nýta hugmyndaflugið til að útbúa
afgangana og frysti þá girnilega og
sleppi því að kaupa kjöt.“
Morgunnautnastundin mikilvæg
Nautnastund á vel við í upphafi
dags hjá Önnu Siggu. „Mér finnst
ljúft að byrja morguninn á góðum
kaffibolla, helst eftir að morgun­
umferðinni í eldhúsinu lýkur og
börnin eru farin í skólann, f letta í
gegnum blöðin og afgreiða tölvu­
póstinn. Þá gjarnan með eina og
hálfa grófa súrdeigsbrauðsneið, eða
tvær ef ég er komin í endana á brauð­
inu þar sem sneiðarnar eru minni.
Áleggið er oftast ostur, af gömlum
vana, en heimagert hummus með
avókadó og sítrónu eða heimagert
hnetusmjör og eplasneiðar þegar
ég gef mér til tíma þess, og lítið glas
af safa til að hafa með lýsinu. Egg
bætist við um helgar, tómötum er þá
skellt með á pönnuna og kóríander
eða steinselju úr gluggakistunni. En
það kemur alveg fyrir að ég næ ekki
þessari nautnastund sem morgunn­
inn er og þá finn ég hvað hún er mér
mikilvæg inn í daginn, ekki síst
þegar mikið er að gera.“
Hádegisskipulagið flóknara
Þegar kemur að hádegisverðinum
er málið flóknara. „Mér hefur ekki
tekist að hafa skipulag á hádeginu
síðustu tvö árin, þegar maður hefur
ekki vinnufélagana til að fara með
í mat, á ég það til að gleyma mér
í vinnu – lúxusvandamál þegar
maður vinnur við áhugamál sitt og
ástríðu, en vissulega skiptir máli að
hafa góða rútínu. Gott mötuneyti
væri draumurinn og ég er alltaf
sérlega glöð þegar það hittir þann­
ig á að ég er á fundum í SagaFilm í
kringum hádegið, en þau framleiða
þættina mína. Mötuneytið þar er
einstaklega gott, fjölbreyttur matur,
ferskur og nóg af grænmeti. Maður
finnur að alúð er lögð í matinn.“
Börnin bera líka ábyrgð
Krakkarnir hennar Önnu Siggu bera
líka ábyrgð á matseðli heimilisins.
Samtíningur og góð hráefni
oft besta matarupplifunin
Anna Sigríður Ólafsdóttir stjórnar þættinum Nærumst og njótum, sem sýndur er á RÚV, þar sem næring er í forgrunni.
Bleiki liturinn er ómótstæðilegur og lokkar bæði augu og munn.
FRÉTTABLAÐIÐ/GETTY
„Krakkarnir mínir eru 11, 14 og 17
ára og síðasta haust byrjuðum við
að skipta með okkur ábyrgðinni og
á hvert sinn dag, þar sem þau bera
ábyrgð á matseðlinum sem settur er
saman á mánudagskvöldum. Það var
alltaf suðað og kvartað þegar fiskur
var í matinn, þannig að ég fékk það
í gegn að mánudagar væru fiskidag­
ar, óháð því hvort það væri fiskur í
matinn þann daginn í skóla einhvers
þeirra. Það tók smá tíma fyrir þau að
átta sig á að það er alveg jafn sjálfsagt
að fá fiskmáltíð tvisvar á dag eins og
að fá hakk og spaghettí í hádeginu
og lasagna á kvöldin. Smám saman
mjökumst við í átt að sátt.“
Magaóþægindi skemma ánægju
Finnst þér skipta miklu máli hvað þú
borðar, þegar kemur að því að huga
að orku og úthaldi?
„Ég stunda náttúruhlaup og
hvers konar útivist og veit að ég
þarf að borða vel þegar hreyfingin
er mikil og varir lengi. Þar, eins og
með annan mat, finnst mér best
að velja bita sem fara vel í mig, vel
frekar mat en tilbúin stykki og gel.
En þarna þarf maður að læra á sínar
þarfir og prófa sig áfram og finna
vörur sem maður þolir í maga.
Magaóþægindi geta skemmt bæði
ánægju og árangur.“
Önnu Siggu finnst líka skipta máli
að velja mat sem lokkar augað. „Það
skiptir mig máli að velja mat sem er
fallegur, góður og lætur manni líða
vel, án þess að flækja matreiðsluna
um of. Samtíningur og góð hráefni
finnst mér oft hvað besta matarupp­
lifunin. Ótal litlar skálar á borðinu
og dundað við að setja saman góðan
disk, og ekki síðra í góðum félags­
skap.“
Anna Sigga gefur lesendum upp­
skrift að hummus með rauðrófum.
„Mér finnst bleiki liturinn svo
ómótstæðilegur og uppskriftin er
svo einföld. Magnið fer eftir smekk,
slumpið og tilfinningin ræður sam­
setningu og áferð hverju sinni.“
Ómótstæðilegur
rauðrófuhummus
Rauðrófur eftir smekk
Rauðrófur skrældar og skornar í litla
teninga. Teningunum velt upp úr
smá olíu og salti og bakaðir í ofni á
200°C þar til þeir eru orðnir mjúkir.
Rauðrófukubbana er gott að eiga
í kæli og henda út á salöt eða ofan á
brauðsneið eða nota í hummusinn
þegar ykkur langar.
Hummusinn
1 dós kjúklingabaunir (ca 3,5 dl
ef soðnar baunir) – mestu af saf-
anum hellt af, en nota má hluta af
honum til að þynna ef maður vill
2 msk. tahini (sesamfræjamauk)
½ dl ólífuolía
Safi úr ½ sítrónu
Salt, hvítlaukur og chilli eftir
smekk (ferskt eða duft)
Smá rifinn sítrónubörkur getur líka
gefið auka kikk
1 dl rauðrófuteningar, eða eftir
smekk, láta kólna fyrir notkun
Maukið allt í blandara eða með
töfrasprota þar til blandan hefur
náð góðri áferð. Má þynna meira
með baunasafanum, ísköldu vatni
eða meiri ólífuolíu og sítrónusafa
eftir smekk. Bæta má við f leiri
kryddtegundum og það eru til alls
konar góðar hummus uppskriftir. n
Sjöfn
Þórðardóttir
sjofn
@frettabladid.iss
30 Helgin 22. janúar 2022 LAUGARDAGURFRÉTTABLAÐIÐ