Bændablaðið - 16.12.2021, Side 37

Bændablaðið | Fimmtudagur 16. desember 2021 37
Margir kannast eflaust við
tölvuleikinn vinsæla Fantasy
Football eða aðra sambærilega
leiki tengda íþróttum. Nú hefur
frumkvöðull nokkur, Þórður
Vilmundarson forritari, tekið sig
til og hannað sambærilegan leik,
en tengdan stjórnmálamönnum.
Því nefndan Fantasy Althingi.
Leikurinn gengur að mestu leyti
út á hið sama og aðrir slíkir leikir,
þeir sem hann spila stofna flokk sex
þingmanna og stigafjöldinn safnast
saman eftir hve vel þingmönnum
gengur í þingsal. Enn sem komið
er fá leikmenn einungis stig þegar
þingmenn stíga í pontu, þá eitt
stig fyrir hverja mínútu og svo
aukast stigin til jafns við atkvæði í
atkvæðagreiðslum. Mínusstig eiga
við er þingmenn greiða ekki atkvæði.
Eins og er, er ekki hægt að veita
mínusstig þó bjallan glymji við
ræðuhöld þingmanna, en það er
eitthvað sem Þórður sér fyrir sér að
bæta við leikinn. Eins og staðan er
núna er svo hægt að velja sér nýjan
þingmann ef leikmenn eru ekki
sáttir við frammistöðu viðkomandi,
en þá kemur nývalinn þingmaður
inn eftir viku.
Þess má geta að verðmætustu
þingmenn leiksins að svo stöddu
eru Bjarni Benediktsson fjármála-
ráðherra og Björn Leví Gunnarsson,
þingmaður Pírata, þá Þorgerður
Katrín Gunnarsdóttir í Viðreisn á
meðan Inga Sæland í Flokki fólksins
trónaði á toppnum fyrstu vikuna.
Aðspurður segir Þórður að
leikurinn, sem hægt er að finna á
slóðinni Fantasyalthingi.is, sé enn
í svokallaðri betaútgáfu og lokað
sé fyrir skráningar í bili. Eins og
er hafa í kringum þrjátíu leikmenn
prófað leikinn en vonast er til að
hægt verði að auka fjöldann er
hinn raunverulegi þingheimur fer
í jólafrí.
Svo verður bara gaman að sjá
hvaða þingmaður taki sig til og verði
fyrstur til að prófa leikinn!
/SP
BÆNDUR ERU FREMSTIR Í ENDURVINNSLU
Fyrsta skref við endurvinnslu á heyrúlluplasti er að huga að
gæðum þess til endurvinnslu við kaup. Þar skiptir litaval máli.
Eftir notkun þarf að ganga vel um heyrúlluplastið og sundur-
greina það frá öðrum úrgangi. Minnka umfang þess og gæta
að geymslu fyrir hirðu.
Þessi fyrstu skref við meðhöndlun skipta miklu máli við
endurvinnslu á heyrúlluplasti.
Hringrásarhagkerfið byrjar á þínu býli.
Þingmenn í fantasíuheimi almennings
Mynd / Samsett
LÍF&STARF
Ása Hlín Gunnarsdóttir hefur
verið ráðin forstöðumaður
markaðsmála hjá Biobú. Hún
starfaði áður hjá fyrirtækjasviði
Landsbankans.
Matvælafyrirtækið Biobú sér-
hæfir sig í vinnslu á lífrænum
mjólkur- og kjötafurðum en það
var stofnað árið 2003.
Ása Hlín er með BSc-gráðu í
viðskiptafræði frá Háskóla Íslands
en hún útskrifaðist í júní 2021. Ása
Hlín er Selfyssingur í húð og hár.
„Biobú framleiðir lífræna mjólk,
jógúrt og osta.
Mjólkin sem notuð er hjá okkur
kemur frá fjórum búum, Búlandi í
Austur-Landeyjum, Neðra-Hálsi í
Kjós, Skaftholti í Gnúpverjahreppi
og Eyði-Sandvík í Árborg, sem
fékk einmitt nýverið vottun á sína
lífrænu mjólk.
Biobú hóf fyrr á þessu ári fram-
leiðslu á lífrænum kjötvörum;
hakki, hakkabollum og gúllasi úr
nautgripakjöti og auk þess nauta-
lundum, nautafillet og rib eye.
Fyrirtækið hefur gert samning við
Sláturhús Vesturlands, sem fékk í
lok síðasta árs lífræna vottun, um
að þjónusta slátrun gripa frá bæjun-
um sem framleiða lífrænu mjólkina.
/MHH
Biobú:
Nýr forstöðu-
maður ráðinn
Ása Hlín Gunnarsdóttir, sem hefur
verið ráðin forstöðumaður markaðs-
mála hjá Biobú. Mynd / Aðsend
H
eim
ild: Prentm
iðlakönnun G
allup. K
önnunartím
i okt. - des. 2
0
2
0
.
BÆNDABLAÐIÐ ER GEFIÐ ÚT Í 32 ÞÚSUND EINTÖKUM Á TVEGGJA VIKNA FRESTI
Bændablaðið er
mest lesna blaðið
á landsbyggðinni
Hvar auglýsir þú?
Lestur prentmiðla
á landsbyggðinni
Lestur Bændablaðsins
50%
40%
30%
20%
10%
ViðskiptablaðiðDVMorgunblaðiðFréttablaðiðBændablaðið
36,2%
19,7% 17,0%
2,8%
4,7%
36,2%
Lestur Bændablaðsins
á landsbyggðinni
Lestur Bændablaðsins
á höfuðborgarsvæðinu
17,8% 24,3%
Lestur landsmanna á
Bændablaðinu
Bændahöllin við Hagatorg / Sími: 563 0300 / Netfang: bbl@bondi.is / bbl.is