Bændablaðið - 16.12.2021, Síða 47

Bændablaðið | Fimmtudagur 16. desember 2021 47
Garðyrkjustöðin Ártangi
hefur tekið í notkun nýjar
100% niðurbrjótanlegar og
umhverfisvænar pappírsumbúðir
fyrir framleiðslu sína sem er
aðallega ferskt krydd í pottum.
Gunnar Þorgeirsson, sem rekur
garðyrkjustöðina Ártanga ásamt
eiginkonu sinni, Sigurdísi Eddu
Jóhannesdóttur, segir að leitin eftir
umhverfisvænum umbúðum sem
henta fyrir framleiðslu Ártanga hafi
tekið nokkur ár.
Umbúðirnar lofa góðu og þar
sem þær eru gerðar úr 100% pappír
eru þær 100% niðurbrjótanlegar og
umhverfisvænar.
„Við höfum farið á sýningar
erlendis til að finna umbúðir sem
passa fyrir okkar framleiðslu.
Kryddjurtirnar er seldar í pottum og
umbúðirnar því lokaðar að neðan
og þola raka um tíma svo að þær
skemmist ekki. Umbúðasalar sem
við höfum verið í sambandi við hafa
komið með alls konar hugmyndir að
lausn en enga sem við höfum talið
fullnægja okkar þörfum.
Í janúar 2020 hittum við á
sýningu í Essen í Þýskalandi
fulltrúa fyrirtækis sem bauð upp
á mjög ásættanlega lausn. Vinna
við að hefja notkun á umbúðunum
hefur svo staðið yfir frá því í
febrúar á þessu ári og þær loksins
komnar á markað eftir langan og
strangan undirbúning,“ segir Gunnar
Þorgeirsson garðyrkjubóndi. /VH
Mjög einfalt er að koma stautunum
fyrir í ánum með þar til gerðri byssu
sem skýtur stautnum niður í vömbina.
LÍF&STARF
Ártangi með nýjar umhverfisvænar umbúðir
Túlípanar
um jólin
Vöndur með rauðum og hvít-
um túlípönum, grenigreinum og
jólaskrauti eru uppáhald jóla-
sveinanna enda afskaplega falleg
skreyting í vasa yfir jólahátíðina
og fram á nýja árið.
Ráðlegt er fyrir jólasveina og
aðra sem fá sér túlípana fyrir jól
að sem stystur tími líði frá því að
túlípanarnir eru keyptir og þar til
þeim er komið í hreinan vasa með
volgu vatni.
Ef kalt er í veðri eins og oft er í
desember skal láta vefja blómun-
um inn í pappír til að verja þau
fyrir mesta kuldanum á leiðinni á
áfangastað.
Gott er að skáskera aðeins neðan
af blómstilkunum með beittum hnífi
áður en þeir eru settir í vasann og
nota skal blómanæringu fylgi hún
með í kaupunum. Einnig skal skipta
um vatn annað slagið svo að það
fúlni ekki.
Afskorin blóm standa best við
lágt hitastig og því skal varast að láta
þau standa nálægt miðstöðvarofni.
Ekki er heldur ráðlegt að láta þau
standa nálægt ávöxtum þar sem þeir
gefa frá sér gufur sem flýta fyrir
hnignun túlípananna. /VH