Morgunblaðið - 12.05.2022, Blaðsíða 39

39
MORGUNBLAÐIÐ FIMMTUDAGUR 12. MAÍ 2022
Brátt mun ný og
glæsileg leikskólabygg-
ing rísa á Seltjarn-
arnesi, ef áætlanir
Sjálfstæðismanna
ganga eftir. Hún bygg-
ist á vinningstillögu
Andrúms arkitekta en
verður smærri í sniðum
og hagkvæmari í út-
færslu en upphaflegar
áætlanir gerðu ráð fyrir. Leik-
skólabyggingin mun rísa á horni Nes-
vegar og Suðurstrandar á svokölluð-
um Ráðhúsreit. Þar standa nú smá-
hýsi sem kölluð eru Fagrabrekka og
hafa hýst hluta af leikskólastarfsem-
inni síðustu árin ásamt leikskóla-
byggingunum Mánabrekku og Sól-
brekku. Einnig eru á þessum stað
bílastæði sem brátt munu verða hluti
af endurnýjaðri leikskólalóð.
Undirbúningur framkvæmda er
þegar hafinn og hefur Seltjarnarnes-
kirkja samþykkt að lána tímabundið
norðurhluta kirkjulóðar sinnar undir
smáhýsi Fögrubrekku meðan á fram-
kvæmdum við nýju leikskólabygg-
inguna stendur. Þar er einnig fyrir
ein leikskóladeild, í svonefndu Holti
ásamt útileiksvæði fyrir börnin. Þeg-
ar hin nýja leikskólabygging hefur
verið reist verða allar leikskóladeildir
Leikskóla Seltjarnarness á einum reit
og munu þær rúma um 300 börn. Náið
samráð verður haft við fagfólkið á
hönnunarstiginu svo aðbúnaður og að-
staða bæði barna og starfsfólks verði í
takt við nútímakennslu- og starfs-
hætti.
Fólk flyst á Seltjarnarnes því þar er
ekki aðeins falleg náttúra heldur einn-
ig gott mannlíf. Nú, þegar komið er að
því að byggja nýjan leikskóla, stendur
samfélagið á Nesinu saman um að
framkvæmdir við nýjan leikskóla tak-
ist vel. Á næstunni reynir á samstarf
bæjaryfirvalda við leikskólastjórn-
endur og kirkjuna en mikilvægt er að
traust og skilningur ríki milli aðila.
Sjálfstæðisflokkurinn á Seltjarn-
arnesi hefur gert leikskólamál bæj-
arins að forgangsmáli í komandi kosn-
ingum. Fulltrúar hans munu starfa af
heilindum með öllum hlutaðeigandi
aðilum til að framkvæmdin takist vel
og að henni ljúki á tilsettum tíma, eða
á haustmánuðum 2024.
Eftir Ragnhildi
Jónsdóttur og
Svönu Helen
Björnsdóttur
» Þegar hin nýja leik-
skólabygging hefur
verið reist verða allar
leikskóladeildir Leik-
skóla Seltjarnarness á
einum reit og munu þær
rúma um 300 börn.
Svana Helen
Björnsdóttir
Höfundar skipa 2. og 4. sæti á lista
Sjálfstæðisflokksins í komandi sveit-
arstjórnarkosningum.
ragnhildurj@gmail.com,
svanahelen@gmail.com
Ragnhildur
Jónsdóttir
Leikskólamálin eru
forgangsmál á Seltjarnarnesi
Ef fram heldur sem
horfir munu vinstri-
flokkarnir í Reykjavík
enn treysta völd sín í
borginni. Ekki skortir
nýja vonbiðla til að
hlaupa í skarðið og
halda meirihlutanum
gangandi sem fyrr. Það
er því aukin hætta á að
meirihlutinn undir for-
ystu Samfylkingar-
innar færist enn í aukana. Met-
skuldasöfnun muni enn aukast, enn
fleiri verði ráðnir til að vinna að
stefnu Samfylkingarinnar (starfs-
mönnum borgarinnar fjölgað meira
2.000 á einu kjörtímabili) og enn verði
bætt við þá tugi upplýsingafulltrúa
sem fyrir eru til að flytja boðskapinn.
Áfram verði haldið með áform um
að þrengja að umferðinni til að neyða
sem flesta upp í óendanlega dýra
Borgarlínu (sem ríkisstjórnin tók að
sér að fjármagna), enn verði þrengt
að flugvellinum til að hrekja hann á
brott og enn verði byggt fyrir glugga
fólks í grónum hverfum í stað þess að
byggja ný og falleg hverfi fyrir alla
aldurs- og tekjuhópa.
Hvernig gat
þetta gerst?
Vandi Sjálfstæðis-
flokksins (á landsvísu)
hefur verið sá að hann
hefur í allt of miklum
mæli reynt að rétta sinn
hlut með því að hverfa
frá grunngildum sínum
og reyna að vera eins
mikill vinstriflokkur og
vinstriflokkarnir. Reynt
að vera eins Samfylking-
arlegur og Samfylkingin
og eins Viðreisnarlegur
og Viðreisn. Þetta á augljóslega ekki
við um alla sjálfstæðismenn en „gamla
góða íhaldið“ hefur orðið að gefa eftir
gagnvart „nýaldarsinnunum“ í pólitík-
inni.
Þegar flestir flokkar eru meira og
minna orðnir eins og síaukið kerfis-
ræði bætist við fara atkvæði kjósenda
að hafa sífellt minni áhrif. Þeir fá allt-
af sömu niðurstöðuna og kerfið heldur
áfram að fylgja sinni (borgar)línu.
Þetta er því í raun ólýðræðisleg þró-
un.
Andspyrnan verður að lifa
Allt þetta kjörtímabil hefur Vigdís
Hauksdóttir haldið uppi nauðsynlegri
gagnrýni og lagt sig fram við að benda
á skaðlega og oft á tíðum glórulausa
framgöngu meirihlutans. Reykvík-
ingar mega ekki við því að raunveruleg
gagnrýni þagni, gagnrýni byggð á
þeim gildum sem skópu gott samfélag.
Ómar Már Jónsson var mikils met-
inn sveitarstjóri í 12 ár og hefur
stofnað og rekið nokkur nýsköpunar-
fyrirtæki með góðum árangri. Hann
er nú tilbúinn til að taka við keflinu af
Vigdísi, veita nauðsynlegt aðhald,
sýna hvernig megi taka til í rekstri
borgarinnar og vera málsvari heil-
brigðrar skynsemi.
Mér þótti gríðarlegur fengur í því
að Ómar skyldi vera til í að bjóða sig
fram til borgarstjórnar. Ég hvet
Reykvíkinga til að þiggja það góða
boð og tryggja að þau borgaralegu
gildi sem byggðu Reykjavík eigi
áfram sterka rödd.
Rauða Reykjavík
Eftir Sigmund
Davíð
Gunnlaugsson
Sigmundur Davíð
Gunnlaugsson
»Mér þótti gríðar-
legur fengur í því
að Ómar skyldi vera til
í að bjóða sig fram til
borgarstjórnar. Ég hvet
Reykvíkinga til að
þiggja það góða boð.
Höfundur er formaður Miðflokksins.
Reykvíkingar eiga
skýra valkosti í borg-
arstjórnarkosning-
unum nú á laugardag.
Að kjósa Sjálfstæð-
isflokkinn og eiga þess
kost að fá nýjan meiri-
hluta í borginni, eða
kjósa einhvern hinna
flokkanna og hætta á
fjögur ár í viðbót af
bútasaumi undir stjórn núverandi
borgarstjóra.
Sjálfstæðisflokkurinn hefur nú ver-
ið utan meirihluta í 25 af síðustu 28 ár-
um – jafnvel þótt ágætir kosninga-
sigrar hafi unnist inn á milli á þeim
tíma. Sitjandi borgarstjóra, og for-
verum hans, hefur hins vegar ávallt
tekist að fá ný hjól undir vagninn þeg-
ar á hefur þurft að halda.
Auðvitað er það til
marks um pólitísk klók-
indi, en rekstur borg-
arinnar ber þess því
miður merki að allt of
langt er síðan sjónarmið
um ábyrgan rekstur og
áherslu á grunnþjónustu
við borgarbúa fengu að
heyrast í Ráðhúsinu.
Reykvíkingar hafa sögu-
legt tækifæri til að rétta
kúrsinn nú á laugardag-
inn.
Oft er sagt að nýir
vendir sópi best. Ekki er vanþörf á í
borginni. Við verðum að treysta fjár-
haginn: lækka skuldir og sjá til þess
að borgarsjóður verði sjálfbær að
nýju. Við þurfum sömuleiðis að
tryggja börnum raunverulega leik-
skólapláss við tólf mánaða aldur, og að
sjá til þess að hér sé nægjanlegt fram-
boð af húsnæði fyrir alla aldurshópa.
Lífsnauðsynlegt er að lækka skatta í
borginni og búa fólki og fyrirtækjum
betra umhverfi til að elta sína drauma.
Þetta er allt hægt, en til þess þurfa
sjónarmið okkar sjálfstæðismanna að
heyrast í borginni.
Reykjavík má ekki við því að vakna
enn einu sinni upp við vondan draum á
sunnudaginn næstkomandi. Þess
vegna þarf Sjálfstæðisflokkurinn þinn
stuðning. Atkvæði greitt Sjálfstæðis-
flokknum er eini valkostur þeirra sem
ekki vilja meira af því sama í Reykja-
vík.
Skýr valkostur í Reykjavík
Eftir Hildi
Björnsdóttur
Hildur Björnsdóttir
»Reykvíkingar hafa
sögulegt tækifæri
til að rétta kúrsinn
nú á laugardaginn.
Höfundur er oddviti Sjálfstæðis-
flokksins í Reykjavík.
Salan á Íslands-
banka misheppn-
aðist hrapallega.
Fyrir vikið hafa
margir stjórn-
málamenn á hægri
vængnum vart þorað
að nefna einkavæð-
ingu og einkarekst-
ur á nafn í kosninga-
baráttunni. Það er
viðkvæmni sem
kjósendur hafa ekki efni á. Hinn
frjálsi markaður er enn góð hug-
mynd þótt fjármálaráðherra hafi
klúðrað hlutafjárútboði. Í rekstri
borgarinnar er af nógu að taka í
þeim efnum.
Borgin á til dæmis enn malbik-
unarstöð. Það er engin þörf á því að
borgin reki fyrirtæki á samkeppn-
ismarkaði. Við í Viðreisn settum
sölu hennar á dagskrá. Búið er að
finna stöðinni nýjan stað í samræmi
við sáttmála meirihlutans og skoð-
un á mögulegri sölu er hafin. Rétt-
ast væri að fara svipaða leið og gert
var þegar Vélamiðstöðin var seld.
Þá voru sett almenn ákvæði um
réttindi starfsfólks við söluna en
fyrirtækið svo selt hæstbjóðanda
gegn staðgreiðslu.
Akstur strætó mætti bjóða út í
miklu meira mæli. Það er gert víða
um heim og reynist vel. Bílastæða-
húsin mætti sömuleiðis selja eða
bjóða út. Tæknibyltingar í inn-
heimtu bílastæðagjalda eru miklar
og innheimtan víða orðin sjálfvirk
með hjálp myndavéla. Réttast væri
að bjóða út innheimtu bílastæða-
gjalda. Það gæti aukið
skilvirkni og skapað
auknar tekjur.
Loks verður að nefna
sorpmálin. Það stefnir í
að á höfuðborgarsvæð-
inu þurfi sorpbrennslu-
stöð. Það er ekkert lög-
mál að það þurfi að vera
gert af skattgreið-
endum. Hér myndi svo-
kallað PPP-fyrirkomu-
lag henta vel að mati
okkar í Viðreisn. Í því
fyrirkomulagi myndu einkaaðilar
reisa stöðina og reka hana svo í ein-
hverja áratugi með sérstökum
þjónustusamningi. Það eru til al-
þjóðlegir aðilar sem kunna til verka
í þessum efnum. Kosturinn við
þessa leið er að áhættan lendir þá
ekki á íbúum sveitarfélaganna.
Frjáls markaður skilar oft góð-
um, frumlegum og hagkvæmum
lausnum. Full ástæða er til að hafa
einkarekstur áfram á dagskrá í
Reykjavík. Það verður best gert
með því að tryggja sterka kosningu
Viðreisnar í kosningunum 14. maí.
Einkarekstur áfram
góð hugmynd
Eftir Pawel
Bartoszek
Pawel Bartoszek
» Frjáls markaður
skilar oft góðum,
frumlegum og hag-
kvæmum lausnum. Full
ástæða er til að hafa
einkarekstur áfram á
dagskrá í Reykjavík.
Höfundur er í 2. sæti á lista
Viðreisnar í Reykjavík.
Vorverkin Útlit er fyrir að sumarið verði litríkt og líflegt í miðbænum.
Eggert