Morgunblaðið - 12.05.2022, Blaðsíða 53

MINNINGAR 53
MORGUNBLAÐIÐ FIMMTUDAGUR 12. MAÍ 2022
✝
Kristinn Karls-
son fæddist 18.
febrúar 1935 í
Reykjavík. Hann
lést 28. apríl 2022
á Hjúkrunarheim-
ilinu Skógarbæ.
Foreldrar hans
voru hjónin Karl
Guðmundsson raf-
vélavirkjameistari
og sýningarstjóri í
kvikmyndahúsum,
ættaður af Rauðasandi, og
Margrét Tómasdóttir ljós-
móðir, ættuð úr Flóanum.
Kristinn var sjötti í röð níu
systkina, þau voru: Ásta Guð-
rún, f. 1926, Guðmundur, f.
1927, Anna Kristjana, f. 1932,
Margrét Björk, f. 1933, Tómas,
af fyrra hjónabandi), Kristín
Margrét Norðfjörð, f. 1996
(barnsfaðir Elfu: Hermann
Norðfjörð, f. 1951, d. 2015), og
Logi, f. 2002. 2) Karl, f. 1968,
maki: Linda María Ólafsdóttir,
f. 1972, börn þeirra: Katrín
María, f. 1997 (sonur Katrínar:
Styrmir Elí, f. 2020, barnsfaðir:
Stefán Orri Arnarsson, f. 1997),
Kristinn, f. 2002, og Elma Lind,
f. 2005.
Kristinn útskrifaðist frá Iðn-
skólanum í Reykjavík með
sveinspróf í vélvirkjun 1956 og
vann alla sína starfsævi við iðn
sína hjá Vélsmiðju Jóns Sig-
urðssonar, sem lengst af var
við Borgartún.
Kristinn var hagmæltur eins
og hann átti kyn til og orti ófá-
ar tækifærisvísurnar.
Útförin fer fram frá Fella-
og Hólakirkju í dag, 12. maí
2022, klukkan 13.
f. 1937, Einar, f.
1939, og Ragnar, f.
1942. Þau eru öll
látin.
Árið 1968
kvæntist Kristinn
Kristínu Stefáns-
dóttur, f. 1929,
ættaðri úr Ísa-
fjarðardjúpi en
hún lést úr krabba-
meini 2004. Þau
bjuggu allan sinn
búskap í Reykjavík, fyrst á
Grettisgötu 58b, síðan í Gyðu-
felli 14 og í Hamrabergi 12 í
Efra-Breiðholti. Börn þeirra: 1)
Elfa, f. 1962, maki: Viðar
Ófeigsson, f. 1958, börn þeirra:
Ragnar, f. 1982, Jakob, f. 1985,
og Óskar, f. 1987 (synir Viðars
Elsku pabbi, nú ertu búinn
að fá langþráða hvíld. Síðast-
liðin fjögur ár voru þér og okk-
ur fjölskyldunni erfið þegar
alzheimersjúkdómurinn var
farinn að herða verulega á.
„Þegar ég hætti að geta keyrt
bíl, þá er þetta búið!“ sagði
hann við mig fyrir nokkrum ár-
um og það reyndist rétt hjá
honum.
Pabbi varð ekkjumaður 69
ára gamall og voru það örugg-
lega mikil og erfið viðbrigði
fyrir hann. Hann var af þeirri
kynslóð sem kvartaði aldrei.
Hann fylgdist vel með málum
líðandi stundar og hafði mjög
ákveðnar pólitískar skoðanir á
mönnum og málefnum.
Pabbi ólst upp í níu systkina
hópi á Nönnugötu 1 í Reykjavík
og minntist hann æskuáranna
ávallt með gleði þótt þau væru
ár kreppu og hafta. Á sínum
ungdómsárum æfði pabbi fim-
leika og handbolta með Ár-
manni. Hann var valinn úr hópi
45 bestu handknattleiksmanna
Íslands til að keppa fyrir Ís-
lands hönd á heimsmeistara-
móti í handknattleik sem fram
fór í Austur-Þýskalandi 1958 og
var það í fyrsta sinn sem Ís-
lendingar kepptu á slíku móti.
Pabbi var með mikla veiði-
dellu og hafði sérstaka ánægju
af silungsveiði en hann stund-
aði einnig laxveiði og skotveiði.
Í mörg dásamleg sumur dvöld-
um við í veiðihúsi við Krossá á
Skarðsströnd. Honum leið vel
úti í náttúrunni og þegar hann
var að veiða vildi hann helst
vera einn og í friði. Ég sé þig
fyrir mér, elsku pabbi, í sum-
arlandinu, við fagurt vatn með
stöng í hendi og mamma situr í
sólskininu á teppi skammt frá
og bíður eftir að þú gefir þér
tíma til að fá þér kaffisopa.
Takk fyrir allt og allt. Hvíl í
friði.
Þín dóttir,
Elfa.
Elsku afi, þá er komið að
kveðjustund. Þakklæti er það
sem er mér efst í huga þegar
ég hugsa um þig og óteljandi
minningar fullar af kærleika,
hlýju og hlátri streyma fram.
Ég var svo heppin að hafa þig í
lífi mínu í tæp 26 ár og þvílík
forréttindi sem það eru.
Afi var mikill húmoristi og
hafði mikinn húmor fyrir sjálf-
um sér, hann var fljótur að
skjóta gríni inn í samræður og
ég fékk oft verk í kinnarnar
eftir að hafa brosað of mikið
þegar hann var í vissum gír.
Hann var líka með smitandi
prakkaraglott sem glitti alltaf í
þegar maður hitti hann. Þegar
ég hugsa um afa þá tengi ég
hann við gleði, ég var alltaf
glöð að sjá hann og hann var
alltaf glaður að sjá mann. Afi
var líka mjög ákveðinn maður,
hann gat verið þrjóskur og
hafði sterkar skoðanir, sem eru
einfaldlega partar af þeim stóra
karakter sem hann var. Hann
var mikill spjallari og það var
yndislegt að tala við hann og
hlusta á hann segja sögur frá
gömlum tímum. Honum fannst
þó líka gott að sitja í ró og
horfa á sjónvarpið eða hlusta á
fréttir og ég mun ávallt sjá
hann ljóslifandi fyrir mér fyrir
framan sjónvarpið í Hamra-
berginu með kaffibolla sér við
hlið. Afi var líka alltaf á ferð-
inni alveg þangað til hann gat
það ekki lengur, hann var mikið
að skutlast og gera og græja og
var alltaf til í að keyra eða
sækja okkur barnabörnin. Hon-
um fannst gott að vera í kring-
um fólk og lenti iðulega á löngu
spjalli úti í búð. Hann var líka
lúmskur bílakarl og hafði mjög
gaman af því að veiða. Ég á
ótal yndislegar minningar um
afa úr Hamraberginu með hon-
um og ömmu, samverustund-
irnar í Bæjargilinu, Kópalind-
inni og heima í Flóa, bíóferðir,
bakarís- og búðarferðir, bíltúra,
– listinn er ótæmandi og færir
það mér enn meira þakklæti.
Ég nefndi það oft við afa að
hann hefði líklega fæðst á kol-
röngum áratug, þar sem hann
hafði nokkurn áhuga á tækni
og spáði mikið í hversu mikil
gæðin á flatskjánum hans voru
eða hversu góðan síma hann
átti, og var þá jafnvel að bera
símann sinn saman við minn til
að athuga hvort hann væri ekki
örugglega í nýjustu tækninni
og hvort okkar væri að standa
sig betur í þeim málum! Hann
tók líka mikið af myndum og
prentaði mikið af þeim út sjálf-
ur og gaf svo viðfangsefnum
sínum myndirnar, sem voru lík-
lega oftast við barnabörnin –
enda mjög stoltur afi.
Það er sárt að þurfa að
kveðja þig, elsku afi, maður vill
eiga fólkið sitt að eilífu en
þannig virkar lífið víst ekki þó
minningarnar endist manni og
hlýi út ævina. Ég veit að þú ert
hvíldinni feginn eftir veikindin
og áttir þú langa og viðburða-
ríka ævi. Ég fann hvað þú
saknaðir ömmu sem lést fyrir
tæpum 18 árum og eruð þið nú
loks sameinuð á ný. Þú varst
mér svo kær og mikilvægur
partur af mínu lífi, og ég vil
þakka þér fyrir allt sem þú
kenndir mér, takk fyrir að vera
alltaf til staðar, alla ástina,
minningarnar og vil ég einfald-
lega fá að segja takk fyrir að
vera þú. Við sjáumst aftur einn
daginn, elsku afi minn.
Kristín Margrét
Norðfjörð.
Elsku afi og langafi, við vilj-
um þakka þér fyrir allar ómet-
anlegu stundirnar okkar saman
og fyrir þau miklu forréttindi
að hafa átt svona frábæran afa
og langafa. Þú kenndir okkur
svo ótrúlega margt og varst
alltaf til staðar fyrir okkur og
erum við þakklát fyrir að eiga
ótal góðar minningar um þig til
að ylja okkur við. Það er skrýt-
in og óraunveruleg tilfinning
sem fylgir því að missa svona
mikilvægan og stóran karakter
úr lífi sínu sem hefur fylgt
manni alla ævi og eigum við svo
sannarlega eftir að sakna þín
mikið. Minning þín mun lifa í
hjörtum okkar um ókomna tíð,
takk fyrir allt, við elskum þig.
Katrín María, Kristín
Margrét, Logi, Kristinn,
Elma Lind og Styrmir Elí.
Kristinn, kær móðurbróðir
minn, hefur kvatt okkur, síð-
astur níu systkina. Hann var
alla tíð stór hluti af lífi mínu.
Þegar ég fyrst man eftir mér
bjó hann heima hjá ömmu og
afa. Ég var þar mikið fyrsta ár-
ið og svo eftir að ég gat farið
ein í strætó, sem var talsvert
fyrr en gerist í dag. Kristinn
hafði herbergi á efri hæðinni og
bar herbergið áhugamálum
hans glöggt vitni. Á súðinni
voru skíði og snjóþrúgur, á
sumrin voru veiðistangirnar
aldrei langt undan. Kristinn
var mikill útivistarmaður og
góður veiðimaður og naut stór-
fjölskyldan góðs af. Ég man
eftir mörgum máltíðum hjá
ömmu og afa þegar borðstofu-
borðið var lengt eins og hægt
var og stólum og píanóbekkn-
um troðið í kring. Mikið var
talað og hlegið.
Kristinn gat verið mjög
stríðinn. Lengi var talað um
jólin þegar hann fékk möndl-
una. En hann leyndi henni þar
til allur grautur var búinn úr
skálinni og einhverjir farnir að
skammast yfir því að gleymst
hefði að setja möndluna í
grautinn. Þá fyrst kom hún í
ljós. Hann stríddi mér líka á
uppbretta nefinu. Einnig kall-
aði hann mig hrossafluguna
þegar ég tók að vaxa mjög
hratt. Þetta var samt aldrei
neitt sem meiddi.
Kristinn var barngóður. Á
jólum, þegar börn áttu erfitt
með að bíða eftir pökkum, sá
hann til þess að ég og Kalli
heitinn frændi minn fengjum
einn pakka fyrir kvöldmat.
Systir mín minntist þess að
þegar hún var lítil og Kristinn
unglingur – að vinna með skóla
og í fríum – þá keypti hann
alltaf fyrir hana bók á jólum og
afmælum. Þá er mér það minn-
isstætt að hann fór með mig í
búð á 10 ára afmælinu og
keypti handa mér rafmagns-
vekjaraklukku sem var hægt að
slökkva á. En sú hringdi aftur
eftir 10 mínútur. Ég hafði aldr-
ei vitað af öðru eins og þetta
kom sér oft vel. Þegar ég sjálf
var komin með börn heimsótti
hann okkur reglulega og þau
fögnuðu honum innilega. Afar
þeirra voru báðir látnir þegar
börnin fæddust þannig að
Kristinn varð þeirra afaígildi.
Sá yngsti sagði líka einu sinni
þegar hann sat í fangi Kristins:
„Kristinn frændi, þú ert afi
minn.“
Kristinn var hagmæltur og
hafði gaman af að setja saman
tækifærisvísur. Öll eigum við
vísur sem hann gaukaði að okk-
ur við ýmis tækifæri.
Á seinni árum var hann bæði
frændi og vinur. Hann leit oft
inn hjá okkur, borðaði stund-
um, en oftar var hann bara að
kíkja. Þegar Hrefna systir hans
var komin á vistheimili með alz-
heimer vildi hann að ég styddi
hann í að hugsa um hana. Við
fórum saman að kaupa á hana
föt og ég var með honum þegar
fylla þurfti út skýrslur og gera
skattframtöl. Hann annaðist
systur sína einstaklega vel.
Kom til hennar nánast á hverj-
um degi og hjálpaði henni að
matast. Ég komst stundum í
heimsókn og var sem betur fer
ekki í vinnu þegar hún lá bana-
leguna. Við gátum þá bæði ver-
ið hjá henni. Hann sagði nokkr-
um sinnum við mig að hann
vildi ekki fara svona, en við
ráðum víst engu um það. Sem
betur fer þurfti hann ekki að
lifa lengi með þennan hörmu-
lega sjúkdóm.
Ég þakka frænda mínum
samferðina og tryggðina við
okkur systur og fjölskyldur
okkar og við vottum fjölskyldu
hans innilega samúð.
Ástrós Arnardóttir.
Kristinn Karlsson
ERUM FLUTT
Eyrartröð 16, 220 Hafnarfirði
sími: 537-1029, www.bergsteinar.is
Eyrartröð 16
220 Hafnarfirði
Opið kl. 11-16 virka daga
FALLEGIR LEGSTEINAR
Innilegar þakkir fyrir sýnda samúð og hlýju
við andlát ástkærrar móður okkar,
tengdamóður, ömmu og langömmu,
EVU ÞÓRÐARDÓTTUR
sjúkraliða,
hjúkrunar- og dvalarheimilinu Höfða,
Akranesi,
áður til heimilis í Sæviðarsundi 16,
Reykjavík.
Sérstakar þakkir sendum við starfsfólki Höfða, Akranesi, fyrir
einstaka umönnun.
Margrét Magnúsdóttir Marinó Þór Tryggvason
Þórður Magnússon
Olga Magnúsdóttir Helgi Ómar Þorsteinsson
Þórdís Guðný Magnúsdóttir
Elskulegur bróðir minn og frændi okkar,
TÓMAS HÖGNI JÓN SIGURÐSSON,
Reykjavíkurvegi 52a,
Hafnarfirði,
lést 3 maí.
Útförin fer fram frá Hafnarfjarðarkirkju
þriðjudaginn 17. maí klukkan 13.
Hermann Sigurðsson
Ragnhildur Stefánsdóttir
Ingibjörg Sif Stefánsdóttir
Elsku pabbi okkar, tengdapabbi, afi, langafi og langalangafi,
ÁSGEIR J. GUÐMUNDSSON
húsgagnasmiður,
Gullsmára 9, Kópavogi,
lést á Landspítalanum í Fossvogi þriðjudaginn 10. maí.
Sigmundur Ásgeirsson Kristín Ottesen
Guðmundur Ásgeirsson Jónína Magnúsdóttir
Þóra Ásgeirsdóttir Þorvaldur Gíslason
Ásgeir Ásgeirsson Berglind Harðardóttir
barnabörn, barnabarnabörn og barnabarnabarnabarn
Innilegar þakkir fyrir samúð og hlýhug við
andlát og útför okkar ástkæru móður,
tengdamóður, vinkonu, ömmu og
langömmu,
EDDU LAUFEYJAR PÁLSDÓTTUR,
Fróðengi 1, Reykjavík,
áður Hafnarbergi 16,
Þorlákshöfn.
Laufey Elfa Svansdóttir Tor Ulset
Páll Kristján Svansson Kristín Berglind Kristjánsd.
Guðrún I. Svansdóttir Bjarni Jónsson
Árni Vilhjálmsson
barnabörn og barnabarnabörn
Þökkum innilega auðsýnda samúð vegna
andláts og útfarar okkar elskulegu
eiginkonu, móður, tengdamóður, systur og
ömmu,
INDÍÖNU SIGFÚSDÓTTUR,
sem lést fimmtudaginn 31. mars. Sérstakar
þakkir færum við starfsfólki Gullbergs á Hrafnistu við Sléttuveg
fyrir einstaka umönnun og hlýhug.
Gylfi Guðmundsson
Þóra Björg Gylfadóttir Davíð Rúrik Ólafsson
Gylfi Jens Gylfason Berglind Guðmundsdóttir
Sigurður Jón Sigfússon
og barnabörn
Við þökkum innlega öllum þeim sem sýndu
okkur hlýhug og samúð við andlát og útför
elskulegrar móður okkar,
KLÖRU GUÐMUNDSDÓTTUR,
Hraunvangi 7, Hafnarfirði.
Bestu þakkir eru færðar starfsfólki á
Bylgjuhrauni, Hrafnistu í Hafnarfirði, fyrir
góða umönnun.
Sturla Haraldsson Anna Ólafsdóttir
Guðmundur Haraldsson Rannveig Jónsdóttir
Hildur Haraldsdóttir Ingvar Ásgeirsson
Ingimar Haraldsson Bjarnfríður Ósk Sigurðardóttir
og fjölskyldur
Hjartans þakkir sendum við öllum þeim sem
sýndu okkur hlýhug og samúð við andlát og
útför okkar ástkæru móður, tengdamóður,
ömmu og langömmu,
ÁSU GUÐBJÖRNSDÓTTUR,
Hömrum, Mosfellsbæ.
Sérstakar þakkir til starfsfólks Hamra sem
sinnti henni af alúð og hlýju.
Kristín Dagný Þorláksdóttir
Ásgeir Þorláksson Eva Hildur Kristjánsdóttir
Vilhjálmur Þorláksson Sigrún Guðmundsdóttir
Þorgeir Pétursson
barnabörn og barnabarnabörn