Ársritið Húnvetningur - 01.06.1956, Page 20

Dagstofa sjúklinga á 2. hœð.
snyrtiklefi, en þaðan liggur stigi upp í forstofuna á 2. hæð og
þaðan til svefnherbergjanna á 3. hæð. Á þessari hæð eru auk les-
stofunnar dagstofa með stóru, bogadregnu gluggaútskoti, borð-
stofa og eldhús ásamt búri, en svalir eru út af borðstofunni yfir
inngangsdyrum læknisíbúðanna. Mikill munur er á þessari íbúð
og gamla læknishúsinu, sem orðið var elzta læknissetur í opin-
berri eign, en þó er sá munur að sínu leyti ekki eins mikill og
munurinn á gamla sjúkrahúsinu og þessum nýja spítala. Þessi íbúð
má samt kallast glæsileg, og tekur hún fram flestum öðrum læknis-
setrum, þótt hún sé sízt of stór fyrir lækni með fjölmennt skyldu-
lið. Við tilhögun hússins var lögð á það mikil áherzla að sjá öllu
starfsfólki spítalans fyrir sem beztu og vistlegustu húsnæði, því
að rekstur hans í framtíðinni veltur mjög á því, að góðir starfs-
kraftar hænist að honum og haldist þar. Á það ekki sízt við um
væntanlega yfirlækna.
Glerveggur skilur forskálann inn af aðaldyrunum frá stigahús-
18