Ársritið Húnvetningur - 01.06.1956, Side 70

Úr mjólkinni er unnið þurrmjólkurduft að miklum meirihluta, einnig smjör,
skyr og rjómi, og er það sent eftir hendinni til Reykjavíkur, þegar færð leyfir
og framboð er minnst í höfuðstaðnum á mjólkurvörum af Suðurlandsundir-
lendinu. Þurrmjólkurduftið er mest notað til sælgætisgerðar, brauðgerðar og
þess háttar, og er nokkuð stöðugur markaður fyrir það í landinu. I mjólkur-
samlaginu starfa 5—6 menn að jafnaði. í undirbúningi er stækkun hússins og
endumýjun véla, því að mjólkurframleiðslan fer ört vaxandi í héraðinu.
Sláturfélagið lét endurbyggja slátur- og frystihús sín á síðastl. ári, og verður
þvi verki ekki að fullu lokið fyrr en haustið 1956. Verður þá liægt að slátra
1200—1500 fjár daglega. Frystihúsið var stækkað, og verður þá hægt að geyma
í því um 24.000 skrokka, þegar viðbótin verður tekin í notkun. En reiknað
er með að nokkur útflutningur á kjöti verði frá höfnum hér norðan lands á
liaustin, svo að geymsluþörf ætti að verða fullnægt a. m. k. í náinni framtíð.
Hafnleysið háir hér verzluninni talsvert. Þó hefur verið unnið að því að
lengja bryggjuna á undanförnum árum, og er hún orðin ca. 140 metra löng.
Ekki geta nema minnstu skipin lagzt að henni, og það ekki nema í góðu veðri,
t. d. Skjaldbreið, Litlafell og þaðan af minni bátar. Vörum, sem korna með
stærri skipum, verður að skipa upp á Skagaströnd og flytja svo á bifreiðum
til Blönduóss, 25 km veg, og hefur það mikinn kostnað í för með sér. Segja
þó fróðir menn, að ekki þurfi að bæta nema tveimur steinkerjum (ca.
20 metrum) við bryggjulengdina, til þess að millilandaskip okkar Islendinga
geti lagzt að henni og athafnað sig dýpisins vegna, en eins og ég sagði áðan,
er ekki hægt að skipa þar upp vörum eða út, nema í góðu veðri og sjólausu.
Er það von manna hér, að úr þessu rætist á næstu árum, enda talsvert atvinnu-
tap fyrir Blönduósbúa, meðan svona er, því miklar fjárgreiðslur fara til Skaga-
strandar fyrir uppskipunarvinnu á ári hverju, sem annars lentu að miklu leyti
í höndum verkamanna hér.
Afnueli. 25. jan.: Héraðslæknir Páll V. G. Kolka, 60 ára. Honum var haldið
fjölmennt samsæti. — 8. ágúst: Margrét Þorsteinsd<)ttir, Blönduósi, 90 ára. Hún
var gift F.inari Einarssyni, Andréssonar frá Bólu. — 14. sept.: Jón Einarsson,
form. Verkalýðsfélagsins, 60 ára. Honum var haldið fjölmennt samsæti. —
2. des.: Helga Jónsdóttir, Hróbjartssonar, frá Gunnfríðarstöðum, 60 ára.
Kvennaskóli Húnvetninga minntist 75 ára afmælis síns dagana 21. og 22. maí
með ágætri sýningu á handavinnu námsmeyja frá sl. vetri og einnig sýningu á
gömlum handavinnumunum frá Ytri-Eyjarskóla. Seinni daginn var fjölmenn
samkoma á skólasetrinu, og mætti þar fjöldi námsmeyja og kennslukvenna frá
fyrri og síðari árum. Var þar mikið um ræðuhöld, söng, ávörp o. fl. Voru
skólanum og sjóðum í vörzlum hans færðar margar gjafir, bæði í munum og
reiðu fé.
Dánardagur. 7. júní andaðist hér Konráð Díomedesson, kaupmaður, tæpra
45 ára, eftir langa vanheilsu. — í sama mánuði andaðist Guðmundur Hjálmars-
son, 96 ára að aldri. Hann bjó hér á Bliinduósi í 40—50 ár, og var elzti maður
68