Andvari - 01.01.2012, Síða 59

ANDVARI
RÓBERT ABRAHAM OTTÓSSON
57
Róbert með blómvönd eftir tónleika
Söngsveitarinnar Fílharmóníu árið
1973, ári fyrir andlát sitt.
Hann studdi líka með ráðum og dáð fyrrum nemendur sína eftir að
formlegu námi lauk. Þegar Þorgerður sneri aftur úr framhaldsnámi var
það fyrir vinfengi Róberts við Guðmund Arnlaugsson rektor að henni
var falið að stofna kór við Menntaskólann í Hamrahlíð. Annar fyrrum
nemandi Róberts, Þorkell Sigurbjörnsson, sat í sálmabókarnefnd ásamt
söngmálastjóra sem sagðist á einum nefndarfundi harma það að ekki
væri til lag að sínum smekk við sálm Kolbeins Tumasonar, Heyr, himna
smiður. Á heimleið fóru hendingar að sveima í höfði tónskáldsins og
skömmu síðar var lagið fullgert. Róbert skrifaði það upp með sinni
fögru rithönd og frumflutti með Skálholtskórnum á Skálholtshátíð
1973. Verulega athygli vakti það þó ekki fyrr en tveimur árum síðar
þegar Kór Menntaskólans við Hamrahlíð söng það í sjónvarpi allra
landsmanna.133
Róbert var maður augnabliksins. Hann lifði sig sterkt og einarðlega
inn í hvert það verkefni sem fyrir höndum lá, stórt sem smátt: tónlist-