Andvari - 01.01.2012, Side 186

184
ÁRNI BJÖRNSSON
ANDVARI
dúx í hagfræði í Búdapest og ekki kunna neitt í Asíumálum eða eistnesku og
varla nokkuð í finnsku.
Orðalagið að vera ‘sendur’ er mjög villandi því menn sóttu að jafnaði um
námsdvöl í Austur-Evrópu að eigin ósk og frumkvæði þótt Sósíalistaflokkurinn
eða Alþýðusamband Islands og í stöku tilviki sjálf ríkisstjórn íslands veittu
tilskilin meðmæli. Um þetta má lesa nánar í prófritgerð Helga Hannessonar
Sósíalistafélag Islendinga austantjalds og SÍA-skjölin 1956-1963 sem gefin
var út af Félagi sagnfræðinema við HÍ árið 1989.
117-118. Ætla mætti af þessari fabúlu að borgin Potsdam hefði verið í Vestur-
Þýskalandi, en svo var að sjálfsögðu ekki. Hún var í Austur-Þýskalandi en
reyndar utan borgarmarka Berlínar. Arið 1960 voru enn nánast engar hömlur
á ferðum milli Austur- og Vestur-Berlínar. Múrinn var ekki reistur fyrr en í
ágúst 1961.
119. Enginn fyrrverandi námsmanna í DDR kannast við það nema sem þjóð-
sögu að þeim hafi verið falið að skrifa skýrslur hver um annan.
Enginn annar kannast við að SIA-bréf hafi verið geymd á Dómkirkjuloftinu
í Reykjavík. Þeim var stolið frá Skúla Magnússyni úr íbúð í Kópavogi meðan
Skúli var að störfum vestur á Patreksfirði.
119-120. Sagan um samskipti Kristínar og Hjörleifs Guttormssonar við
Sigurð Sigurðsson landlækni sumarið 1963 er skáldskapur að öðru leyti en
því að þau gengu á fund hans eftir heimkomu og hann tók þeim vel. Sigurður
setti Kristínu sem aðstoðarlækni í Neskaupsstað af því þar vantaði lækni en
eftir íslenskum lögum öðlaðist hún ekki fullt lækningaleyfi fyrr en hún fékk
íslenskan ríkisborgararétt þrem árum síðar.
120. Austfirðingar kannast almennt ekki við að Eysteinn Jónsson og
Lúðvík Jósepsson hafi verið þremenningar. Lúðvík gekk ekki ‘ungur í
Sósíalistaflokkinn’ heldur í deild Kommúnistaflokksins á Norðfirði 1932 en
varð síðar einn af stofnfélögum Sósíalistaflokksins 1938.
121. Brynjólfur Bjarnason var hættur á Alþingi áður en Lúðvík Jósepsson
varð ráðherra í ríkisstjórn Hermanns Jónassonar 1956.
122. Hjörleifur Guttormsson sat á Alþingi fyrir Austurlandskjördæmi 1978-
1999. Hann var valinn af kjördæmisráði en ekki ‘útnefndur’ af Lúðvík
Jósepssyni. Hann var ekki ‘settur út’ heldur hélt þingsæti sínu eystra á meðan
hann var þar í framboði. Sjálfur sagði hann sig úr Alþýðubandalaginu 1998
og tók síðan þátt í að stofna Vinstri hreyfinguna - grænt framboð.
128. Sá sem nemendur í Verslunarskólanum óku á öskuhaugana var þýsku-
kennari en ekki íslenskufræðingur.