Andvari - 01.01.2012, Síða 187

ANDVARI
MARGLITUR SKJÖLDUR
185
133. Sagan um Jónas frá Hriflu og Guðmund Hjartarson er í reynd um síra
Gunnar Benediktsson og Jónas frá því um 1930.
134. Fráleitt er að halda því fram að Einar Olgeirsson hafi verið frábitn-
ari tengslum við verkalýðshreyfinguna en Brynjólfur Bjarnason og Lúðvík
Jósefsson. Alrangt er einnig að Alþýðuflokkur og Kommúnistaflokkur hafi
átt samvinnu í Alþýðusambandi íslands árið 1932. Kommúnistaflokknum var
alla sína tíð haldið utan Alþýðusambandsins og lagt algjört bann við því að
menn úr honum gegndu nokkrum trúnaðarstörfum innan þess.
Rangt er að Brynjólfur Bjarnason hafi viljað láta reka Éinar Olgeirsson úr
Kommúnistaflokknum. Litlu munaði hinsvegar að Einar væri rekinn 1934, en
Brynjólfur hélt þá yfir honum hlífiskildi og hlaut skammir fyrir.
134-135. Átökin í Sósíalistaflokknum 1962 voru á flokksþingi en ekki
miðstjórnarfundi.-Síðar fundin skjöl sýna að Einar Olgeirsson og Lúðvík
Jósefsson vildu aldrei slíta öllu sambandi við Sovétríkin, og leituðust jafnvel
við að fá það tekið upp að nýju allar götur til 1978.
Einar gat varla verið móðgaður við Rússa fyrir að gefa ekki út bækur eftir
sig því bók hans Ættarsamfélag og ríkisvald í þjóðveldi Islendinga kom
út í Sovétríkjunum 1959 og tékknesk þýðing hennar 1960. Hinsvegar vildu
Austur-Þjóðverjar ekki gefa bókina út þótt Bruno Kress væri búinn að snúa
henniá þýsku.
135. Bogi Guðmundsson var aldrei kaupfélagsstjóri KRON heldur fulltrúi
kaupfélagsstjórans. Enginn hans nánustu kannast við að Bogi hafi fengið æxli
í höfuðið.
138. Sósíalistar náðu ekki hreinum meirihluta í Neskaupsstað fyrr en 1950.
Sennilega er það mismæli eða misheyrn að Lúðvík Jósefsson hafi orðið ‘mesti
áhrifamaðurinn’ í Sósfalistaflokknum árið 1946. Það varð hann naumast fyrr
en með vinstri stjórninni 1956.
180. Húsnæði Iðnsögu íslendinga var fyrstu mánuðina hjá Landsambandi ís-
lenskra iðnaðarmanna á Hallveigarstíg 2 áður en flutt var í gömlu Mjólkurstöðina.
186. Guðbrandur Hólabiskup var Þorláksson en ekki Vigfússon.
192. Það var Jón Ólafsson Grunnvíkingur (18. öld) en ekki Jón Guðmundsson
lærði (17. öld) sem skrifaði hluta Heiðarvíga sögu eftir minni.
195. Vilborg Harðardóttir var að vísu í 5. bekk þegar hún giftist Árna
Björnssyni formlega en hann á öðru ári í Háskólanum. Mörður sonur þeirra
var þá þegar ársgamall.