Morgunblaðið - 25.11.2022, Page 67

ÍÞRÓTTIR 67
MORGUNBLAÐIÐ FÖSTUDAGUR 25. NÓVEMBER 2022
Kane verður
með í kvöld
Gareth Southgate, landsliðsþjálf-
ari Englands í fótbolta, staðfesti í
gær að landsliðsfyrirliðinn Harry
Kane verði klár í slaginn þegar
enska liðið mætir því bandaríska
á HM í Katar í kvöld. Kane varð
fyrir ökklameiðslum í 6:2-sigri
Englands á Íran í fyrstu umferð
mótsins. Hann hélt áfram í 25
mínútur, en var að lokum tekinn
af velli. Eftir skoðun er komið í
ljós að meiðslin eru ekki alvarleg.
Bandaríkin gerðu jafntefli við
Wales í fyrstu umferðinni.
AFP/Giuseppe Cacace
Tilbúinn Harry Kane er búinn að
hrista af sér ökklameiðslin.
Bayern réð ekki
við Barcelona
Spánarmeistarar Barcelona
reyndust ofjarlar Bayern
München í gærkvöld þegar liðin
mættust á Camp Nou í Meistara-
deild kvenna í fótbolta. Barcelona
vann öruggan sigur, 3:0, með
þremur mörkum í fyrri hluta
síðari hálfleiks. Geyse, Aitana
Bonmati og Claudia Pina skoruðu
mörkin en Glódís Perla Vigg-
ósdóttir lék allan leikinn í vörn
Bayern. Barcelona er með 9 stig
í D-riðlinum og Bayern 6 þegar
riðlakeppnin er hálfnuð.
Ljósmynd/Bayern München
Bayern Glódís Perla Viggósdóttir
leikur í vörn þýska liðsins.
Brött brekka
í Huelva
Ljósmynd/FIBA
ErfittKeflvíkingurinn Sara Rún Hinriksdóttir með tvo spænska varnar-
menn í sér í Huelva í gærkvöldi. Sara átti fínan leik og skoraði 16 stig.
lStórsigur hjá sterkum Spánverjum
EMKVENNA
Jóhann Ingi Hafþórsson
johanningi@mbl.is
Íslenska kvennalandsliðið í körfu-
bolta átti litla möguleika gegn
því spænska er liðin mættust í
undankeppni Evrópumótsins 2023
í Huelva á Spáni í gærkvöldi. Yfir-
burðir spænska liðsins voru miklir
og var ljóst í hvað stefndi frá fyrstu
mínútu. Spánn var með 59:16-for-
skot í hálfleik og hélt áfram að bæta
í forskotið í seinni hálfleik, þrátt
fyrir flotta spretti íslenska liðsins,
þá sérstaklega í þriðja leikhluta.
Urðu lokatölur 120:54.
Spænska liðið er það sterkasta í
Evrópu, samkvæmt styrkleikalista
FIBA, á meðan Ísland er 62. sæti og
á meðal neðstu þjóða Evrópu. Það
varð því ljóst að verkefnið yrði afar
erfitt, sérstaklega þar sem Ísland
tefldi fram ungu og óreyndu liði.
Getumunurinn á liðunum var því
töluverður.
Íslenska liðið réð lítið við hraðan
og góðan sóknarleik spænska
liðsins, sem átti í litlum vandræð-
um með að búa sér til opin færi.
Hinum megin pressuðu spænsku
varnarmennirnir nokkuð á íslensku
sóknarmennina og komu þeim
þannig í vandræði. Þá hitti Ísland
aðeins úr einu þriggja stiga skoti í
öllum fyrri hálfleik, gegn átta hjá
Spáni. Sú tölfræði batnaði þó tölu-
vert í seinni hálfleik.
Möguleiki á sigri á sunnudag
Ísland þarf ekki að skammast sín
fyrir stórt tap á móti Spáni og voru
úrslitin í gær viðbúin. Spánverjarn-
ir virðast ætla að vinna C-riðilinn
örugglega og fara á EM. Spánn er
með fullt hús stiga eftir þrjá leiki,
en Ísland er án stiga.
Íslenska liðið þarf að vera snöggt
að hrista tapið í gær af sér, því liðið
mætir Rúmeníu í Laugardalshöll
á sunnudaginn kemur. Þar eru
möguleikarnir á sigri mun meiri.
Rúmenía vann fyrri leik liðanna á
heimavelli sínum naumlega, 65:59.
Með góðum leik getur Ísland náð í
sinn fyrsta sigur í undankeppninni
og skilið sátt við landsleikjahléið.
Sara Rún Hinriksdóttir var stiga-
hæst í íslenska liðinu með 16 stig og
Hildur Björg Kjartansdóttir bætti
við 13 stigum.
„Sádi-Arabar ætla að reyna að
fá Cristiano Ronaldo til að spila í
landinu eftir að hann var laus allra
mála frá Manchester United. Prinsinn
Abdulaziz bin Turki Al-Faisal, sem er
íþróttamálaráðherra landsins, stað-
festi við Sky News í gær að stefnt væri
að því að fá hann til félagsins Al-Hilal
en með því leikur stór hluti sádiarab-
íska landsliðsins. Manchester United
fékk tilboð í Ronaldo frá Sádi-Arabíu
síðasta sumar en Ronaldo staðfesti
á dögunum að hann hefði hafnað því
tilboði.
„Belgar vonast til þess að geta teflt
fram sóknarmanninum öfluga Romelu
Lukaku á sunnudaginn þegar þeir
mæta Marokkó á heimsmeistara-
mótinu í knattspyrnu á sunnudaginn.
Lukaku missti af sigurleik Belga
gegn Kanada, 1:0, í fyrrakvöld vegna
meiðsla en hann hóf æfingar með
liðinu í gær.
„Knattspyrnumaðurinn Ásgeir
Marteinsson sem hefur leikið lengst
af með HK er genginn til liðs við 1.
deildar lið Aftureldingar og samdi þar
til tveggja ára. Ásgeir, sem er 28 ára
sóknar- eða miðjumaður, skoraði sex
mörk fyrir HK í 21 leik í 1. deildinni í
ár þegar Kópavogsliðið endurheimti
sætið í úrvalsdeildinni. Hann hefur
leikið 95 leiki í efstu deild með HK, ÍA
og Fram og skorað í þeim 14 mörk.
„Völsungur er á toppi úrvalsdeildar
kvenna í blaki eftir sigur á KA, 3:0,
í uppgjöri efstu liðanna á Húsavík í
fyrrakvöld. Völsungur er með 13 stig,
KA 12, Álftanes 10 og Afturelding 10
í efstu sætunum.Nikkia Benitez var
stigahæst hjá Völsungi gegn KAmeð
15 stig en hjá KA var Nera Mateljan
atkvæðamest með 12 stig.
„Slóveninn Luka Doncic skoraði 42
stig fyrir Dallas Mavericks í fyrrinótt
þegar lið hans sótti heim Boston
Celtics, topplið Austurdeildar NBA
í körfubolta. Hann átti auk þess níu
stoðsendingar og tók átta fráköst
en Boston vann þó leikinn 125:112.
Serbinn Nikola
Jokic skoraði 3
stig fyrir Denv
Nuggets
sem vann
Oklahoma
City Thund-
er á útivelli,
131:126.
Chicago Bulls
vann óvænt-
an útisigur á
Milwaukee Buc
118:113, þar se
DeMar DeRoza
skoraði 36 stig
fyrir Chicago
og Giannis
Antetokounm
36 fyrir
Milwaukee.
9
er
ks,
m
n
po
Fór á kostum í örugg-
um sigri Stjörnunnar
Stjarnan lenti ekki í neinum
vandræðum með Grindavík þegar
liðin áttust við í 7. umferð úrvals-
deildar karla í körfuknattleik,
Subway-deildarinnar, í Garðabæn-
um í gærkvöldi.
Stjarnan vann að lokum ör-
uggan 94:65-sigur. Í leiknum juku
Stjörnumenn forskot sitt jafnt og
þétt og sáu Grindvíkingar aldrei
til sólar.
Með sigrinum fór Stjarnan upp
í 5. sæti þar sem liðið er nú með 8
stig. Grindavík er í 7. sæti með 6
stig.
Robert Turner fór á kostum og
skoraði 35 stig fyrir Stjörnuna
ásamt því að taka átta fráköst.
Stigahæstur hjá Grindavík
var Damier Pitts með 18 stig og
skammt á eftir honum komu
Kristófer Breki Gylfason með 16 og
Ólafur Ólafsson með 14.
Stólarnir kjöldrógu Blika
Tindastóll fékk Breiðablik í
heimsókn á Sauðárkrók og vann
sömuleiðis afar öruggan 110:75-sig-
ur.
Hreint magnaður annar leikhluti
Stólanna, þar sem liðið skoraði 34
stig gegn aðeins 8 stigum Breiða-
bliks, varð til þess að staðan var
64:33 í leikhléi.
Reyndist eftirleikurinn í síðari
hálfleik auðveldur enda um forms-
atriði að ræða.
Stigahæstur í liði Tindastóls
var Antonio Woods með 24 stig
og skammt undan var Adomas
Drungilas með 22 stig.
Hjá Breiðabliki var Julio Afonso
stigahæstur með 15 stig.
Tindastóll fór með sigrinum upp í
4. sæti deildarinnar þar sem liðið er
með 8 stig.
Breiðablik er áfram í 2. sæti með
10 stig.
ÍR vann botnslaginn
ÍR fékk þá botnlið Þórs frá Þor-
lákshöfn í heimsókn í Breiðholtið og
vann nauman sigur, 79:73.
Gífurlegt jafnræði var með
liðunum allan leikinn en undir
blálokin reyndust Breiðhyltingar
hlutskarpari og höfðu að lokum sex
stiga sigur.
Taylor Johns fór fyrir ÍR er hann
skoraði 30 stig og tók 13 fráköst að
auki.
Stigahæstur hjá Þór var Styrm-
ir Snær Þrastarson með 23 stig
og tók hann auk þess 14 fráköst.
Næststigahæstur hjá Þórsurum var
Vinnie Shahid með 18 stig.
ÍR er eftir sigurinn í 10. sæti
deildarinnar með 4 stig.
Þór er áfram á botninum, í 12.
sæti, með 2 stig.
Morgunblaðið/Óttar Geirsson
Öflugur Robert Turner skoraði 35 stig fyrir Stjörnuna í sigrinum í gær.
HANDKNATTLEIKUR
Úrvalsdeild karla, Olísdeildin:
Ísafjörður: Hörður – Valur .......................... 19
Úrvalsdeild kvenna, Olísdeildin:
Úlfarsárdalur: Fram – Stjarnan........... 19.30
1. deild karla, Grill 66-deildin:
Úlfarsárdalur: Fram U – Þór ................. 17.30
KÖRFUKNATTLEIKUR
Úrvalsdeild karla, Subway-deildin:
Hlíðarendi: Valur Höttur ........................ 18.15
Keflavík: Keflavík – KR .......................... 20.15
1. deild karla:
Borgarnes: Skallagrímur – Ármann..... 19.15
Selfoss: Selfoss – Selfoss......................... 19.15
Höllin Ak.: Þór Ak. – Álftanes................ 19.15
Höfn: Sindri – ÍA ...................................... 19.15