Morgunblaðið - 22.12.2022, Side 18

FRÉTTIR
Innlent18
MORGUNBLAÐIÐ FIMMTUDAGUR 22. DESEMBER 2022
Tveir prestar
ráðnir til starfa
lTil Hornafjarðar og Snæfellsness
Nýlega var gengið frá ráðningu
tveggja presta til starfa í þjóðkirkj-
unni. Hefur biskup Íslands, Agnes
M. Sigurðardóttir, staðfest ráðningu
þeirra.
Karen Hjartardóttir guðfræðingur
hefur verið ráðin prestur í Bjarnanes-
prestakalli í Suðurprófastsdæmi. Hún
var eini umsækjandinn.
Í Bjarnanesprestakalli eru fimm
sóknir. Hafnarsókn í Hornafirði er
með langflesta íbúa eða rúmlega
1.800. Einnig eru í prestakallinu
Bjarnanessókn, Brunnhólssókn,
Hofssókn og Kálfafellsstaðarsókn.
Samtals eru í prestakallinu um 2.500
íbúar. Sóknarprestur er sr. Gunnar
Stígur Reynisson.
Karen Hjartardóttir fæddist árið
1992 á Akranesi og ólst upp á Snæ-
fellsnesi. Hún lauk stúdentsprófi frá
Fjölbrautaskóla Snæfellinga vorið
2012 og hóf nám við guðfræði- og
trúarbragðafræðideild Háskóla Ís-
lands haustið 2012. Þaðan útskrif-
aðist hún veturinn 2018. Karen hefur
starfað í barna- og æskulýðsstarfi í
Laugarneskirkju og verið með sunnu-
dagaskóla í Háteigskirkju. Sambýl-
ismaður hennar er Mikkel Gammel-
mark og eiga þau saman átta ára
gamlan son.
Þá hefurÆgir Örn Sveinsson guð-
fræðingur verið ráðinn sóknarprestur
í Ólafsvíkur- og Ingjaldshólspresta-
kalli. Hann var eini umsækjandinn. Í
prestakallinu eru þrír þéttbýlisstaðir,
Ólafsvík, Rif og Hellissandur. Íbúar
eru 1.518. Prestakallið er myndað af
tveimur sóknum og þremur kirkjum,
Ólafsvíkursókn með Brimilsvalla-
kirkju og Ólafsvíkurkirkju og Ingj-
aldshólssóknmeð Ingjaldshólskirkju.
Ægir Örn Sveinsson fæddist í Vest-
mannaeyjum árið 1968, en ólst upp á
Seyðisfirði. Hann lauk guðfræðiprófi
2019. Hann hefur starfað á vettvangi
kirkjunnar um árabil.
Eiginkona Ægis er Paula Neren-
berg Sveinsson og á hann fjögur börn
frá fyrra hjónabandi. sisi@mbl.is
Karen
Hjartardóttir
Ægir Örn
Sveinsson
svonamikil eins og varð. Þar var fljótt
að draga í skafla sem stækkuðu hratt.
Svo þegar á leið mynduðust líka skafl-
ar á Strandarheiði, við Vogastapa og á
leiðinni frá Njarðvík upp að flugstöð.
Litlir bílar sem skildir höfðu verið
eftir í vegköntum töfðu fyrir mokstri
eða jafnvel hindruðu. Í þreifandi byl
varð ekki við neitt ráðið,“ segir Arnar
og heldur áfram:
„Umferðin um Reykjanesbraut er
mikil og eykst stöðugt. Þarna fara um
á degi hverjummörg þúsund bílar. Af
því má ráða að ef eitthvað eitt stoppar
umferðina hefur slíkt fljótt víðtæk
áhrif. Í ljósi reynslu síðustu daga
þurfum við því að tryggja að fleiri
moksturstæki fyrir Reykjanesbraut-
ina séu tiltæk, að minnsta kosti ef
veðurspá er tvísýn. Snjókoman núna
var mikil, og miklu meiri en nokkru
sinni var búist við.“
Í vaktstöð Vegagerðar er sól-
ahringsvakt og þar er fólk í góðu sam-
starfi við Neyðarlínu, fjarskiptamið-
stöð lögreglu og fleiri. Úti á mörkinni
eru svo verktakar í vetrarþjónustu
og eftirlitsmenn og úr þeirri átt fær
vaktstöðin upplýsingar um stöðu
mála hverju sinni. Vaktstjórans er
svo í krafti samráðs að taka, ef svo
ber undir, ákvörðun um lokun vega.
Hvaða svo raunverulega gerðist á
Reykjanesbrautinni á mánudaginn
verður rýnt á næstunni og tilkynnt
var í gær að innviðaráðherra hefði
skipað starfshóp til að semja drög að
áætlun til að takast á við aðstæður
eins og þarna sköpuðust.
Lokað ef öryggi er ógnað
„Að loka vegi er alltaf stór ákvörðun,
svo miklu máli skiptir það fólk og
samfélög að leiðir séu greiðar,“ segir
Arnar. „Viðmiðin sem farið er eftir
eru þó þau að sé öryggi ógnað megi
loka vegi; til dæmis ef hætta er á að
bílar fari út af vegi eða festist og tefji
snjómokstur. Einnig ef aðstæður eru
þannig að ekki sjáist til dæmis milli
vegstika eða ef gangandi fólk, sem
til dæmis væri að losa um fasta bíla,
er í hættu vegna annarra ökutækja.
Reynslan af því að loka vegum, eins
og er gert æ oftar í seinni tíð, er góð,
þó vissulega sé til fólk sem er ósátt.
En flestir láta þetta ekki trufla sig
og sýna aðstæðum skilning. Þá velja
sumir líka að fara ekkert af stað ef
veðurútlit er tvísýnt.“
„Aðstæður voru óviðráðanlegar og
engum er um að kenna. Vissulega
sáum við þó í atburðarásinni ýmis
tækifæri til að gera betur í vinnu-
brögðum við snjómokstur. Þann
lærdómmunum við nýta til að endur-
hugsa okkar áherslur,“ segir Arnar
E. Ragnarsson, vaktstjóri hjá Vega-
gerðinni. Í höfuðstöðvum stofnunar-
innar í Garðabæ er vaktstöð þar sem
með myndavélum og eftir fleiri leið-
um er fylgst með umferð og ástandi
vega á SV-horni landsins. Út frá því
eru teknar ákvarðanir um hvernig
snjómokstri og öðrum aðgerðum skuli
háttað.
Komust hvorki lönd né strönd
Mikið mæddi á starfsfólki í vakt-
stöð í því illviðri sem gekk yfir landið
í byrjun vikunnar. Reykjanesbraut
var lokuð frá því á fimmta tímanum
aðfaranótt mánudags og allan þann
dag svo mörg hundruð manns biðu í
og við Leifsstöð. Komust hvorki lönd
né strönd. Undir kvöld á mánudag
var í því skyni að tappa af mannfjölda
í flugstöðinni gripið til þess ráðs að
taka rútur sem biðu á flugvellinum í
fylgdarakstur þar sem snjóruðnings-
bílar fóru fremstir. Þannig var ekið
inn til Reykjavíkur.
„Ástandið í flugstöðinni var orðið
mjög slæmt og fylgdarakstur með
rútum reyndist vel. Þetta hefur verið
áður gert við sambærilegar aðstæður
og því var vitað hvað kæmi best út,“
segir Arnar.
Tryggja að moksturstæki
séu tiltæk
Takmarkaður mokstur á
Reykjanesbraut á mánudag hefur
verið gagnrýndur. Arnar svarar því
til að stórir plógar hafi nýst vel til
að ryðja meginleiðir. Fyrirstöðunar
hafi verið við tæplega tíu mislæg
gatnamót og hringtorg sem eru á
leiðinni, það er frá Hafnarfirði og
suður í Njarðvík.
„Vandinn er sá að í þjónustu á
þessari leið erum við ekki með
samninga við eigendur vinnuvéla, til
dæmis hjólaskófla, að þeir séu til taks
hvenær sem þess er óskað ef til dæm-
is þarf að moka snjó frá fyrirstöð-
um við torgin þegar snjósöfnunin er
lÓveður yfirstaðið og leiðir aftur færar núlRýnt að ósk ráðherra í aðstæður semmynduðust á
ReykjanesbrautinnilEkki voru vinnuvélar til þess að moka snjó frá fyrirstöðumlFljótt dró í skafla
Alltaf stór ákvörðunað loka vegi
Sigurður Bogi Sævarsson
sbs@mbl.is
Morgunblaðið/Sigurður Bogi
Vakstjóri Sé öryggi ógnað má loka vegi, segir Arnar E. Ragnarsson, hér í
stjórnstöð með þjóðvegakerfið í lifandi myndum að baki sér.
Morgunblaðið/Eggert
Fylgdarakstur Vegagerðarmenn fóru fremstir, á eftir komu aðrir en segja má að ökumenn hafi verið leiddir í gegnum kóf og ófærð á Reykjanesbraut.