Víkurfréttir - 31.08.2022, Page 36

„Ég bara hágrét inni
á hótelherbergi,
ein í New York,“
segir Svanhvít Ósk
Snorradóttir.
Svanhvít er 23 ára og kemur frá Keflavík. Hún er að læra lífeinda-
fræði við Háskóla Íslands en hún nýtir frítíma sinn í að fara í
ræktina og læra kóresku. Svanhvít hefur alltaf verið heilluð af
asískri menningu og í byrjun árs ákvað hún að láta draum sinn
rætast og fara til Suður-Kóreu en hún dvaldi þar í þrjá mánuði.
„Vinkona mín kom mér inn í KPOP
tónlist og eftir það varð ég ástfangin
af tónlistinni og tungumálinu. Ég
byrjaði líka að horfa á K-drama og
læra tungumálið og svo það kom
eiginlega ekkert annað til greina en
að fara þangað og upplifa þetta sjálf,“
segir Svanhvít.
Úti í Kóreu bjó Svanhvít með sex
stelpum sem komu víðsvegar að úr
heiminum. Þá segist hún lítið annað
hafa gert í Kóreu en að „lifa og njóta“
með vinum.
„Ég var mikið að fara og skoða
helstu ferðamannastaðina, fór í fjall-
göngur og borðaði góðan mat. Svo
fór ég auðvitað til Norður-Kóreu,“
segir Svanhvít og bætir við: „Það
var geggjað, ég hef alltaf viljað fara
þangað og sjá hvernig þetta er. Við
fórum á safn og ég fékk að horfa út í
gegnum kíki, maður sá svo sem bara
hús og vinnandi fólk en það var samt
geggjað því það gerði þetta allt svo
miklu raunverulegra.“
Í Kóvinu á leið til
Kóreu
36 // vÍkurFrÉttir á suðurNEsJuM