Víkurfréttir - 31.08.2022, Side 40

Brynjar Atli Bragason eyddi miklum tíma í fótboltaæfingar og leiki
með Breiðablik í sumar. Hann útskrifaðist einnig með BS-gráðu í
lyfjafræði í sumar og fannst frábært að geta haldið upp á það án
takmarkana. Honum finnst Ljósanótt vera skemmtileg en hann ætl-
ar að sækja listasýningar og hlakkar til að sjá flugeldasýninguna.
Hvernig varðir þú fyrsta sumar-
fríinu án takmarkana?
„Ég útskrifaðist með BS-gráðu í lyfja-
fræði og það var frábært að geta
haldið upp á það almennilega án
takmarkana. Ég spila fótbolta með
Breiðablik svo sumarið fór mikið í
æfingar og leiki. Síðan reyndi ég að
njóta með með fjölskyldu og vinum
þess á milli.“
Hvað stóð upp úr?
„Það sem stóð upp úr voru Evrópu-
ferðirnar með fótboltanum. Við
fórum til Andorra, Svartfjallalands
og Tyrklands. Þetta eru allt lönd sem
maður myndi vanalega ekki heim-
sækja sjálfur, það var mjög gaman
að taka þátt í þessu og upplifa mis-
munandi menningu.“
Hvað kom skemmtilega á óvart í
sumar?
„Það kom mjög skemmtilega á óvart
sú skyndiákvörðun að taka þátt í að
opna nýtt apótek í Reykjanesbæ.
Sigríður Pálína, lyfsali og eigandi
Reykjanesapóteks, bauð mér, og
hópi lyfjafræðinga og nema, að
stofna nýtt apótek sem mun bera
nafnið Reykjanesapótek Fitjum.
Við stefnum á að opna í september
og með þessu viljum við eftir bestu
getu bæta heilbrigðisþjónustu í
bænum.“
Áttu þér uppáhaldsstað til að sækja
heim innanlands?
„Já, fjölskylda kærustu minnar á jörð
á Flúðum. Þegar maður þarf á afs-
löppun og núllstillingu að halda er
alveg frábært að kíkja þangað.“
Hvað ætlar þú að gera í vetur?
„Ég er byrjaður í mastersnámi í lyfja-
fræði og mun veturinn líklega snúast
mikið um námið.“
Hvernig finnst þér Ljósanótt?
„Ljósanótt er alltaf skemmtileg og
tengir bæjarbúa saman. Hátíðin er
alltaf vel sett upp og fjöldinn allur af
viðburðum sem hægt er að sækja.“
Hvaða viðburði ætlar þú að sækja
á Ljósanótt?
„Ég mun líklega kíkja á einhverjar
listasýningar en hlakka mest til að
sjá flugeldasýninguna.“
Hver er besta minningin þín frá
Ljósanótt?
„Það er orðin hefð hjá mér og minni
fjölskyldu að kíkja til ömmu og
fá okkur rjómapönnukökur með
kaffinu. Það er eitthvað sem sem
stendur alltaf upp úr.“
Fótbolti og
óvænt vinna
í nýju apóteki
Vordís Heimisdóttir, starfsmaður í Njarðvíkurskóla naut sumars án takmarkana, hún fór á tvenna
tónleika, gekk Laugaveginn, fór á Þjóðhátíð og fór í brúðkaup hjá syni sínum. Vordís segir Ljósanótt
vera vinalega og það skemmi ekki fyrir hversu mikið er að gera og skoða.
Hvernig varðir þú fyrsta sumar-
fríinu án takmarkana?
„Ég ferðaðist bæði innanlands og
erlendis.“
Hvað stóð upp úr?
„Í júní var það að fara á tónleika með
Adam Lambert og Queen. Í júlí, að
láta loksins einn draum rætast og
það var að ganga Laugaveginn með
Gunni vinkonu minni. Í ágúst var
það að komast loksins aftur á Þjóð-
hátíð. Það sem stóð upp úr samt sem
áður í sumar er brúðkaupið hjá Haf-
steini syni mínum og Eyrúnu Ósk
tengdadóttur minni.“
Hvað kom skemmtilega á óvart í
sumar?
„Það sem kom skemmtilegast á óvart
í sumar, var þegar að okkar yndis-
legu veðurfræðingar voru búnir að
spá skíta veðri bæði fyrir Laugavegs-
gönguna mína og fyrir Þjóðhátíð, að
sú spá klikkaði allhressilega og í bæði
skiptin var „sumar“.“
Áttu þér uppáhaldsstað til að sækja
heim innanlands?
„Mjóifjörður, falin perla – ekki
spurning.“
Hvað ætlar þú að gera í vetur?
„Taka vel á móti nýju barnabarni.“
Hvernig finnst þér Ljósanótt?
„Ljósanótt er bara svo vinaleg,
maður hittir svo marga og allir ættu
að finna sér eitthvað til að gera og
skoða.“
Hvaða viðburði ætlar þú að sækja
á Ljósanótt?
„Ég ætla að fara á röltið á fimmtu-
dagskvöldinu, Heimatónleikarnir
(auðvitað) á föstudagskvöldinu, kíkja
á flest allt sem er í boði á laugardeg-
inum og svo fer sunnudagurinn í það
að fara á allar sýningarnar.“
Hver er besta minningin þín frá
Ljósanótt?
„Þegar að ég sá ljósin kveikt í fyrsta
skipti á Berginu, algjörlega geggjuð
hugmynd og frábært að þetta skildi
vera framkvæmt.“
SPÁIN KLIKKAÐI
ALLHRESSILEGA
40 // vÍkurFrÉttir á suðurNEsJuM