Bændablaðið - 17.11.2022, Blaðsíða 7
7Bændablaðið | Fimmtudagur 17. nóvember 2022
LÍF&STARF
V ið skulum aðeins dvelja lengur
með orðhögum hagyrðingum
úr Norður-Þingeyjarsýslu sem
áttu vísur í síðasta vísnaþætti. Jón
Guðmundsson, hreppsstjóri í Garði í
Þistilfirði (f.1883) orti þessa víðkunnu
vísu á vormorgni yfir sauðburðartímann:
Vorsins ómar ymja dátt,
árdags geislar skína,
himindjúpið heiði-blátt
heillar sálu mína.
Stundu síðar sér Jón nýborna á gráu
hrútlambi, og breytir þá seinniparti
vísunnar að ofan:
Tittlingslambið tussu grátt
tottar mömmu sína.
Þessi vísa Jóns í Garði er einnig
þjóðkunn:
Fjörðinn kæra fegra bæði
fjöll og skógarnir.
En þar er saur á silkiklæði
satans mennirnir.
Og nokkur broddur er líka í þessari vísu
Jóns:
Það er svo með suma þá
sem að þykjast góðir,
þegar reynir eitthvað á
eru þar tómir sjóðir.
Svofellda vetrarkveðju orti Steingrímur
Baldvinsson í Nesi Aðaldal:
Veturinn fór sem fleiri á
fyllirí um áramót,
sofnaði störfum sínum frá,
síðan gránaði varla í rót.
Vaknaði upp við vondan draum
viku eftir sumarmál,
samviskubitin sál hans aum
og sá þá komna gróðurnál.
Ók hann sér og ennið strauk,
augun néri, vorið hló.
Í norðrið þá hann reiður rauk
og ruddi úr sér krapasnjó.
Kristján frá Djúpalæk orti ögn
niðurdreginn:
Andagift mín er orðin tóm,
ég ýmist græt eða hlæ.
Lífið er eins og lítið blóm,
sem lifnar og deyr í maí.
Eftir Ágúst Sigfússon í Kálfárdal er
þessi lipra hringhenda:
Háðs með glósur gjálífur
græðir ei hrós til muna,
kvæðabósi kjaftyrtur
komdu í ljósbirtuna.
Ágúst kemur sem oft áður að Blöndu
sem var á veikum ísi:
Við það önd mín verður smeyk,
að valda gröndum kynni.
Ísaböndin eru veik
enn á Blöndu minni.
Dýrmundur Ólafsson póstmaður orti
þegar samkomulag lá fyrir í kjaradeilu
BSRB og fjármálaráðherra sem þá mun
hafa verið Magnús frá Mel.(1970–1971):
Dómnefndin hún dugði vel,
deiluna fékk hún leysta,
en það er eins og míga í mel
Magnúsi að treysta.
Jóhannes S. Kjarval orti að mildum
morgni næstu tvær vísur:
Sígur rökkur af syfjustráum,
sendist fákur um veg-
bæirnir sjást með burstum háum,
nú brosir landið og ég.
Hátt við sólar æsku átt
elds hjá ljósastökum,
geislamóðir gengur hátt
gulls á fjallabökum.
Umsjón:
Árni Geirhjörtur Jónsson
kotabyggd1@gmail.com
309MÆLT AF
MUNNI FRAMFrá haga í maga:
Matreiðslunemar fylgdu nauti alla leið
– Nemendur við Menntaskólann í Kópavogi völdu naut og kynntust öllu ferlinu
Íslenskt gæðanaut, verkefni á vegum Bændasamtaka Íslands, bauð
nýverið tilvonandi matreiðslumeisturum í Hótel- og veitingaskóla
MK í heimsókn í sveitina með það fyrir augum að kynna þau
fyrir íslenskri matvælaframleiðslu.
Hluti af því var verkefni þar sem nemendur fóru á Nýjabæ
undir Eyjafjöllum og völdu naut til slátrunar. Skólafólkið heimsótti
Sláturhúsið á Hellu hvert gripurinn fór og kynnti sér starfsemina þar,
enda mikilvægt fyrir matreiðslufólk að þekkja ferli matvælanna í
þaula. Þá komu þau einnig við hjá fyrirtækinu Hreppamjólk og fengu
kynningu á starfseminni þar.
Þessi kjötskrokkur var tekinn í aðstöðu Hótel- og matvælaskólans
í MK þar sem lærisveinarnir fullverkuðu kjötið. Lokapunktur
verkefnisins var verkleg æfing í framreiðslu og matreiðslu þar sem
boðið var í fjölréttaðan kvöldverð. /ÁL
Nemendahópur skoðar nautaeldi á Nýjabæ undir Eyjafjöllum.
Jón Örn Ólafsson bóndi útskýrir hvernig búskapurinn fer fram.
Mynd / Odd Stefán
Ægir Friðriksson, kennari í matreiðslu, fylgdi nemendum sínum
á Nýjabæ.
Mynd / Odd Stefán
Nemendur í skoðunarferð í sláturhúsinu á Hellu þar sem þau
læra um ferli kjötsins þar. Mynd / Odd Stefán
Farvegur mjólkurafurða var einnig skoðaður. Hér eru nemendur
í skoðunarferð í fjósinu á Gunnbjarnarholti þaðan sem
Hreppamjólk kemur. Arnar Bjarni Eiríksson bóndi leiðir veginn.
Mynd / Odd Stefán
Nemendur MK matreiða nautakjöt eftir að hafa verkað og skorið skrokkinn sjálf.
Ægir Friðriksson og Hinrik Carl Ellertsson, kennarar
við Hótel- og matvælaskólann. Mynd / ÁL
Nemendahópur í eldhúsinu í Menntaskólanum í Kópavogi. Mynd / ÁL
Höskuldur Sæmundsson, sem fer fyrir markaðsmálum
nautgripabænda innan BÍ, fær steik. Mynd / ÁL
Ungur nemur, gamall temur. Framreiðslunemar læra að flambera steik.
Mynd / ÁL