Bændablaðið - 17.11.2022, Blaðsíða 12

12 Bændablaðið | Fimmtudagur 17. nóvember 2022
FRÉTTIR
Íbúar Hvalfjarðarsveitar eru
nú orðnir 750 og hefur þeim
fjölgað um 63 íbúa frá áramótum,
eða 9,2%.
Ef litið er aftur til 1. janúar 2021
er fjölgunin 103 íbúar, eða tæp 16%,
sem verður að teljast harla gott.
Linda Björk Pálsdóttir sveitar-
stjóri er að vonum mjög ánægð.
„Við getum ekki annað en
verið hæstánægð með þróunina
og þá uppbyggingu, sem er í
sveitarfélaginu, bæði í dreifbýli og
þéttbýliskjörnum, Melahverfi og Kr
osslandi og við búumst ekki við öðru
en að sú uppbygging muni halda
áfram á næstu misserum enda mikið
í byggingu og fram undan í þeim
efnum,“ segir Linda Björk.
Stutt í hvers kyns þjónustu
Þegar Linda Björk er spurð um
ástæðuna fyrir þessari miklu fjölgun
segir hún:
„Hvalfjarðarsveit er fjölskyldu-
vænt samfélag þar sem hlúð er að
þjónustu við alla aldurshópa auk
þess að vera í mikilli nálægð við
náttúruna. Sveitarfélagið liggur
miðsvæðis þar sem stutt er í hvers
kyns þjónustu og atvinnu, sama í
hvaða átt fólk kýs að leita. Besta
auglýsingin er auðvitað ánægja
íbúanna sem hér búa og þá ekki
síður þeirra sem flutt hafa annars
staðar frá og vilja hvergi búa í dag
nema í Hvalfjarðarsveit.“
Fólk vill komast í sveitasæluna
Fólk á öllum aldri er að flytja í
Hvalfjarðarsveit, fjölskyldur sem
vilja komast í barnvænt samfélag og
minni byggðakjarna eða sveitasælu,
einstaklingar á vinnumarkaði eða
einstaklingar sem hættir eru að vinna
og vilja flytja í rólegra umhverfi þar
sem nægt félagslíf er þó fyrir hendi.
„Það er alveg öll flóran myndi ég
segja og alls ekki eitthvað eitt sem
ræður úrslitum í þeim efnum þegar
um gott samfélag er að ræða. Miðað
við stöðuna í dag og hversu mikið
er í byggingu og fram undan virðist
ekkert lát á þessari íbúafjölgun og er
það vel. Við munum halda áfram að
tryggja lóðaframboð og skipuleggja
ný íbúðasvæði og erum núna að
vinna að 3. áfanga Melahverfis þar
sem skipulagt verður um sex hektara
svæði með íbúðum af mismunandi
stærðum og gerðum þannig að allir
ættu að geta fundið eitthvað við sitt
hæfi,“ segir Linda Björk.
Nóg pláss í grunnskólanum
og leikskólanum
Þegar talið berst að innviðum
sveitarfélagsins og hvort það
sé tilbúið að taka á móti svona
mikilli íbúafjölgun kemur fram
hjá sveitarstjóranum að grunnskóli
sveitarfélagsins, Heiðarskóli, sé
nýlegur skóli, sem geti vel tekið
við fleiri nemendum og leikskólinn,
Skýjaborg, er tveggja deilda leikskóli,
sem ekki er fullsetinn í dag.
„Það er þó ljóst að það þarf að
byggja nýjan leikskóla á næstu
árum og verður gert ráð fyrir því í
framkvæmdaáætlun næstu fjögurra
ára þar sem hönnun hefst strax á
næsta ári og bygging hans um leið
og byggingu nýs íþróttahúss lýkur
en sú framkvæmd er á lokametrum
í hönnun og gera má ráð fyrir útboði
í byrjun næsta árs, að framkvæmdir
hefjist næsta vor eða sumar og að nýtt
íþróttahús verði tilbúið árið 2024,“
segir Linda Björk.
Þá má geta þess að markvisst
hefur verið unnið að því undanfarin
ár að byggja upp göngu- og
reiðhjólastíga í sveitarfélaginu, og
er nýjum stígum bætt við á hverju
ári auk þess sem framkvæmdir
standa nú yfir við útivistarsvæði
í Melahverfi þar sem m.a. verður
körfuboltavöllur, ærslabelgur, ýmis
leiktæki, grillaðstaða og svið þannig
að gott samverusvæði er að verða til
fyrir íbúa sveitarfélagsins.
Nægt framboð af lóðum

Verktakar hafa verið duglegir
að sækja um lóðir og byggja
upp í Hvalfjarðarsveit, bæði
í Melahverfi og Krosslandi, þannig
að framboðið hefur verið til staðar,
bæði hvað varðar húsnæði og lóðir.
„Það er afar ánægjulegt að þeir
verktakar sem hafa áður byggt hjá
okkur sækja aftur um lóðir og vilja
halda áfram að byggja hér en það
þykir okkur vænt um. Það má heldur
ekki gleyma öllum þeim íbúum sem
hafa t.d. byggt upp á jörðum foreldra
sinna eða þeim íbúum sem keypt
hafa landskika til uppbyggingar og
vonandi heldur sú þróun líka áfram,“
segir Linda Björk.
/MHH
Hvalfjarðarsveit:
Mikil fjölgun íbúa

Linda Björk Pálsdóttir, sveitarstjóri
í Hvalfjarðarsveit. Ljósmynd/aðsend
Hér er loftmynd frá nýja Melahverfinu þar, sem mikil uppbygging hefur átt
sér stað. Myndir / Aðsendar
Raforkuframleiðsla:
Sólarorkuver á fjósþaki
– Í Hvalfjarðarsveit er verið að kanna virkni sólarsella við íslenskar aðstæður
Á Eystri-Leirárgörðum var nýlega
sett upp raforkuver á útihús. Þetta
er hluti af tilraunarverkefni sem
unnið er í samstarfi Íslenskrar
gagnavinnslu ehf. og Hannesar
Magnússonar sem er búsettur á
bænum.
Markmiðið er að safna gögnum
um raforkuframleiðslu með
sólarsellum við íslenskar aðstæður.
Hannes segir að hann og faðir
hans, Magnús Hannesson, sem rekur
kúabúið á Eystri-Leirárgörðum,
hafi löngum verið nýjungagjarnir
og óhræddir við að prófa nýja
tækni. Þetta er ekki í fyrsta sem
Íslensk gagnavinnsla ehf. vinnur
að verkefni á Eystri-Leirárgörðum,
en fyrir nokkrum árum var sett upp
lítið gagnaver sem nýtti rafmagn úr
vatnsaflsvirkjuninni á bænum. Á
bak við fyrirtækið sem Hannes er í
samstarfi við eru Krista Hannesdóttir
og Anna Jonna Ármannsdóttir.
10 kw frá Kína
Sellurnar voru gangsettar í ágúst
og eru 10 kw. Þau keyptu þær frá
Kína og stóð upphaflega til að
setja þær upp fyrr á árinu, en vegna
tafa í afhendingu gekk það ekki
eftir. Framleiðandinn seldi þeim
heildarpakka með öllum búnaði
og þurftu þau að breyta litlu, nema
að styrkja festingarnar þar sem
vindasamt er á þessum slóðum.
Hannes segir að enn sem komið
er hafi ekki náðst full afköst þar
sem sólarsellurnar voru gangsettar
í lok sumars og dagsbirtan farin
að þverra. Það kemur ekki að sök,
enda er markmiðið að sjá hvernig
framleiðslan er yfir allt árið til að geta
lagt mat á fýsileika sólarorkuvera
við íslenskar aðstæður. Aðrar
spurningar sem leitað er svara við
er hvaða festingar eru bestar fyrir
þessi orkuver og hvaða áhrif hitastig
hefur á virknina, en Hannes segir að
sólarsellur nái betri afköstum í köldu
umhverfi. Enn sem komið er nýtist
allt rafmagnið á bænum og er hugsað
sem viðbót við aðra orkugjafa.
Ótrygg orka
Enn er of snemmt að gefa upp
nákvæmlega hversu mikla orku
fjósþakið nær að framleiða. Það sést
þó strax að orkan er ótrygg þar sem
að skýjafar og staða sólar hefur mikil
áhrif. Nú þegar farið er að hausta
nást umtalsvert minni afköst en
hægt er að vænta að sumri og um
leið og ský dregur fyrir sólu hrynur
framleiðslan. Hannes segir líklegt að
eftir eitt til tvö ár verði hægt að draga
einhverjar ályktanir, en stefnan er að
bera saman tölur frá raforkuverinu
við gögn frá Veðurstofunni.
Afstaða þaksins nær fullkomin
Samanborið við aðra orkugjafa segir
hann að sólarsellur sem þessar hafi
litla sem enga röskun í för með sér.
Þarna var þakið þegar til staðar og
ekki þurfti að gera mikið meira en að
skrúfa sellurnar fastar. Staðsetning
raforkuversins er mjög heppileg til
að nýta sólargeislana, en Hannes
segir að ákjósanlegast væri ef þakið
snéri fimm gráðum meira til vesturs.
Þau sem standa á bakvið
verkefnið hafa séð að verðið á
sólarsellum hefur lækkað stöðugt
undanfarin misseri. Samfara
hækkandi raforkuverði, sérstaklega
erlendis, þá fer þessi orkuframleiðsla
sífellt að verða eftirsóknarverðari.
Efniskostnaðurinn við þetta orkuver
var rúm milljón króna, en ofan á það
bætast gjöld fyrir vinnu.
Ólíklegt að snjór safnist
Aðspurður um hvernig snjór muni
hafa áhrif á raforkuframleiðsluna,
segist Hannes hafa litlar áhyggjur af
því. Yfirleitt þegar snjóar á þessum
slóðum fylgir því svo mikill vindur
að ekkert safnast á þökum. Ef
fönn skyldi safnast þá er flöturinn
svartur sem verður til þess að mjöllin
bráðnar mjög snöggt.
/ÁL
Orkuver á þaki fjóss. Nú stendur yfir rannsókn á virkni sólarsella á Íslandi
og var sett upp sólarorkuver á Eystri-Leirárgörðum til gagnaöflunar. Mynd / ÁL
Félag íslenskra hjúkrunarfræðinga óskar eftir að leigja vönduð
sumarhús eða orlofsíbúðir fyrir félagsmenn sína.
Leitað er eftir húsnæði víðs vegar um landið. Eignirnar þurfa að vera
snyrtilegar, fullbúnar húsgögnum og öðrum viðeigandi búnaði.
Áhugasamir sendi upplýsingar á hjukrun@hjukrun.is
eða hafi samband við skrifstofu í síma 540 6400.
Átt þú orlofseign sem þú vilt leigja?