Bændablaðið - 17.11.2022, Blaðsíða 24
24 Bændablaðið | Fimmtudagur 17. nóvember 2022
ÁHUGALEIKHÚS Á ÍSLANDI
Curtain Up! The Kids Are Back er eins dags vefráðstefna um
barnaleikhús á vegum Alþjóðaáhugaleikhússambandsins. Ráðstefnan, sem
verður haldin 5. nóvember, er fyrir alla sem vinna með börnum í leiklist.
Þeir sem áhuga hafa á ráðstefnunni geta haft samband við Þjónustumiðstöð
og fengið kóða sem gefur 15% afslátt af þátttökugjaldi. Fjölmargir
spennandi fyrirlesarar eru á ráðstefnunni, sem haldin verður á ensku,
frönsku og spænsku en rauntímatúlkun verður á fyrirlestrunum.
Link á dagskrá ráðstefnunnar má finna á síðu BÍL, www.leiklist.is.
Áhugasamir um þátttöku í ráðstefnunni hafi samband við Þjónustumiðstöð
fyrir frekari upplýsingar.
Ársrit BÍL leikárið 2021-2022 er komið
út. Í því er að finna allar helstu upplýsingar um
starfsemi áhugaleikfélaganna á liðnu leikári auk
svipmynda úr sýningum og annars efnis. Ársritinu
má hlaða niður eða lesa á vefsíðu BÍL, www.
leiklist.is/
Á döfinni ...
Freyvangsleikhús þeirra Eyfirð-
inga hefur sjaldan legið á liði
sínu er kemur að hressilegum
sýningum.
Nú hafa þeir liðsmenn tekið upp
á arma sína ævintýrið sígilda
um þá félaga
Karíus og Baktus
eftir Torbjörn
Egner, sem einnig
er frægur fyrir
verk á borð við
Kardimommubæinn
og Dýrin í Hálsa-
skógi. Var sagan um
tannálfana litlu sú
fyrsta er höfundurinn
gaf út, árið 1949,
þá með hans eigin
myndskreytingum.
Burstaðu í þér tennurnar ...
Segir sagan frá drengnum Jens sem
verður fyrir þeirri ógæfu að fá holur
í tennur sínar. Þar búa nefnilega
litlar verur, þær Karíus og Baktus,
sem una sér þar hið besta, bora í
tennurnar og hamra hátt auk þess
að hafa þar búsetu.
Jens barmar sér og kveinkar
og heyrum við mömmu hans
hvetja hann til þess að bursta í
sér tennurnar. Kannast margir af
eldri kynslóðinni við setninguna
margfrægu; „BURSTAÐU Í ÞÉR
TENNURNAR JENS“ – enda hefur
sagan lifað nú í heil 73 ár.
Í gegnum tíðina hafa komið út
hljómplata, kasetta og geisladiskur
með sögunni enda hafa þessir litlu
prakkarar notið mikilla vinsælda
víða um heiminn.
Í leikhúsi Freyvangs eru
leikararnir alls þrír talsins; Karíus,
Baktus og sögumaðurinn. Karíus
í höndum Orms Guðjónssonar,
Baktus er Eyþór Daði Eyþórsson og
sögumaður Jón Friðrik Benónýsson.
Hjá sögumanninum á sviðinu er
líka píanóleikarinn Reynir Schiöth.
Formaður Leikfélags Freyvangs,
Jóhanna Sigurbjörg Ingólfsdóttir,
stýrir svo verkinu með glæsibrag
en frumsýnt verður föstudaginn 26.
nóvember. /SP
Freyvangsleikhúsið Eyjafirði:
Karíus & Baktus
Þarna eru þeir félagarnir Ormur Guðjónsson og Eyþór Daði Eyþórsson í
hlutverkum þeirra Karíusar og Baktusar.
Nýverið endurvöktu íbúar
Snæfellsbæjar leikfélag staðarins
undir nafninu Leikfélagið Lauga.
Mikil eftirvænting var í
mönnum vegna þessa og hafa nú
félagar leikfélagsins staðið fyrir
uppsetningu á farsanum Sex í sama
rúmi eftir John Chapman og Ray
Cooney, eins og kom fram í tölublaði
Bændablaðsins í byrjun október
síðastliðinn. Er Ray einn þekktasti
farsahöfundur samtímans og gefur
ekkert eftir í þessu verki.
Misskilningur af bestu gerð
Um ræðir óstöðvandi misskilning
þar sem vandræðin virðast
óleysanleg. Sagt er frá tvennum
hjónum en eiginmennirnir reka
saman barnabókaútgáfu. Gengur
útgáfan ekki sem best þar til fræg
skáldkona býður þeim útgáfurétt
vinsælustu barnabóka þessa
stundina. Rekst skáldkonan, sem er
heldur siðavönd, inn í líf hjónanna
– þá einna helst þegar þau eru að
þreifa fyrir sér í því sem fellur
undir fjöllyndi í ástarmálum.
Lítur út fyrir að persónurnar vilji
allar nýta sér sömu íbúð til ástarleikja
utan hjónabandsins og þá einnig á
sama tíma. Verður það laumuspil
til þess að fólk rekst óvart á hvað
annað svona eins og gengur og
gerist í góðum försum,
kemur skáldkonan þar
við sögu og hindrar að
að um verulegt kynsvall
sé að ræða.
Nú fer hver að verða
síðastur ...
Er verkið í leikstjórn
Kára Viðarssonar og
frumsýningin þann
10. nóvember í Rösti á
Hellissandi.
Miðaverð sýninga
eru 3.900 kr. en þær eru
dagana 10., 11., 13. og 18. nóvember.
Alls eru sextíu og þrjú sæti í boði á
hverja sýningu þannig að nú fer hver
að verða síðastur að verða sér úti
um miða! Það er kannski réttast að
taka fram að miðapantanir eru hjá
Sóleyju í síma 848-1505 eða Nönnu í
síma 845-7491, auk þess sem uppselt
er á frumsýninguna). /SP
Leikfélagið Lauga Snæfellsnesi:
Sex í sama rúmi
Á myndinni eru Ari Bjarnason til vinstri og Guðbjartur Þorvarðarson í
hlutverkum sínum.
Frá vinstri: Jóhannes Stefánsson, Viðar Hafsteinsson, Ari Bjarnason, Guðbjartur
Þorvarðarson, Guðmundur Jensson – nóg að gera við að setja upp leikmynd.
Leikstjórinn Kári Viðarsson og Jóhannes Stefánsson líta
yfir handritið.
Hamrahlíð 17
Hús Blindrafélagsins
Sími • 552-2002
ÓDÝR
Margskipt gleraugu
Verð 39.900 kr
Margskipt gler frá Essilor (afgreiðslutími +/- tvær vikur)
Gleraugu með glampa og rispuvörn
Sérsmíðum samdægurs í
styrk +/- 6,0 með cyl. til 2,0
19.900 kr.
Margskipt gleraugu
Margskipt gler frá Essilor
(afgreiðslutími +/- tv r vikur)
39.900 kr.
gleraugu
umgjörð og gler
| S t r ú k t ú r e h f | w w w . s t r u k t u r . i s | s t r u k t u r @ s t r u k t u r . i s |
| B æ j a r f l ö t 9 | 1 1 2 R e y k j a v í k | S í m i : 5 8 8 6 6 4 0 |
Límtré-Timbureiningar
Stálgrind
Yleiningar
PIR
Steinull