Bændablaðið - 17.11.2022, Blaðsíða 51

51Bændablaðið | Fimmtudagur 17. nóvember 2022
Votlendissjóður í
alþjóðlegu samhengi
U m h v e r f i s -
v e r ð l a u n
Norður landa-
ráðs voru veitt
í Helsinki
við hátíðlega
athöfn í byrjun
mánaðar.
Norðurlanda-
ráð veitir fimm
verðlaun ár hvert:
b ó k m e n n t a -
verðlaun, kvik-
myndaverðlaun, tónlistarverðlaun,
umhverfisverðlaun og barna- og
unglingabókmenntaverðlaun.
Votlendissjóðurinn var einn af
fimm aðilum sem hlaut tilnefningu
til umhverfisverðlaunanna í ár.

Allar tilnefningar tengdar
votlendi nema ein
Umhverfisverðlaun Norðurlandaráðs
eru veitt starfsemi eða einstaklingi
á Norðurlöndum sem sett hefur
fordæmi með því að samþætta
virðingu fyrir umhverfinu í starfi
sínu, eða með því að sýna frumkvæði
á annan hátt að sértækum aðgerðum
umhverfinu til góða.
Þema verðlaunanna er mis-
munandi frá ári til árs. Þema
ársins er „Náttúrumiðaðar lausnir
– alhliða svar við hinum stóru
umhverfisáskorunum samfélagsins“.
Votlendissjóðurinn samfagnar
innilega vinningshöfum Umhverfis-
verðlauna Norður landaráðs í ár.
Það var sambærilegt verkefni á
Álandseyjum sem vann en í bænum
Mariehamn á Álandseyjum hefur
endurheimt votlendi nálægt þéttbýli
veirð gert að votlendisgarði sem
gagnast í eflingu vatnsgæða, eykur
líffræðilegan fjölbreytileika og er
notað sem afþreyingarsvæði af
íbúum Mariehamn. Þá má geta þess
að öll tilnefndu verkefnin eru tengd
endurheimt og viðhalda votlendi
nema eitt sem kom frá Grænlandi.

Þakklæti
Við sem komum að rekstri
Votlendissjóðs erum stolt af því
að hafa hlotið þessa tilnefningu
og vera sett í sama flokk og allir
sem hana hlutu í ár og allra þeirra
sem hlotið hafa tilnefningar ráðsins
í gegnum árin. Þessi tilnefning er
mikil viðurkenning fyrir sjóðinn og
ekki síst fyrir frumkvöðulinn Eyþór
Eðvarðsson og þá einstaklinga,
fyrirtæki og félagasamtök sem
tóku þátt í því að gera þessa
hugmynd að veruleika. Þess má
geta að bæði Landgræðslan og
Landbúnaðarháskólinn eru meðal
stofnaðila sjóðsins.
Það er víst aldrei of oft
sagt að Votlendissjóðurinn er
sjálfseignarstofnun sem er rekin
á framlögum frá samfélagslega
ábyrgum fyrirtækjum, félaga-
samtökum og einstaklingum.
Sjóðurinn er ekki á neinn hátt
fjármagnaður af ríkinu. Hjá sjóðnum
starfar einn eintaklingur og stjórn
sjóðsins er skipuð þverfaglegri
og þversamfélagslegri stjórn og
fulltrúar í henni þiggja ekki greiðslur
né hlunnindi fyrir sín störf.

Þátttaka í þverfaglegu
samstarfi hér heima
Votlendissjóðurinn hefur frá því í
byrjun árs tekið þátt í þverfaglegri
vinnu Loftslagsráðs og Staðlaráðs
um ábyrga kolefnisjöfnun.
Tilgangurinn er að stuðla að
sammæli um aðferðir við mælingar
og útgáfu kolefniseininga,
miðlæga skráningu á útgáfu
þeirra og sammæli um ábyrgar
yfirlýsingar um kolefnisjöfnun
á samkeppnismarkaði. Fulltrúar
framleiðenda og kaupenda
kolefniseininga ásamt fulltrúum
frá stjórnvöldum og sérfræðingum
í loftslagsmálum hafa tekið þátt í
vinnunni.
Ábyrg kolefnisjöfnun er
grundvallarþáttur í heildstæðri
loftslagsstefnu og hluti af vegferðinni
að kolefnishlutleysi. Vottun
kolefniseininga er talin ein helsta
forsenda þess að hægt sé að nota þær
á ábyrgan hátt til kolefnisjöfnunar;
vottunarkerfið í heild þarf að vera
óháð bæði seljendum og kaupendum
og viðmiðin sem vottað er eftir
þurfa að samræmast alþjóðlega
viðurkenndri aðferðafræði.
Unnið eftir viðurkenndum
aðferðum
Frá upphafi hefur Votlendis-
sjóðurinn unnið með Land-
græðslunni í sínum framkvæmdum.
Landgræðslan mælir og metur
allar fyrirhugaðar framkvæmdir.
Að framkvæmdum loknum metur
Landgræðslan árangurinn og færir
í landsbókhald um stöðvun losunar.
Sú vinna er unnin í samræmi við
viðurkenndar aðferðir IPCC.
(Milliríkjanefnd Sameinuðu
þjóðanna um loftslagsmál)
Stjórn Votlendissjóðs hefur
frá áramótum unnið að því að
skoða og meta stöðu sjóðsins
gagnvart alþjóðlegri vottun á
kolefniseiningum sem verða til
við endurheimt votlendis á vegum
Votlendissjóðs. Verkfræðistofan
Efla hefur tekið þátt í þessari
vinnu með sjóðnum og niðurstöður
vinnunnar liggja núna fyrir og
vinnan þannig komin á næsta stig
hjá sjóðnum.

Alþjóðleg vottun á næsta ári
Ferlið er bæði dýrt fyrir einkarekinn
sjóð og tekur tíma þrátt fyrir að
undirbúningur sé þegar hafinn.
Markmið vinnunnar er að innan
fárra missera geti Votlendissjóður
boðið íslenskum fyrirtækjum og
fyrirtækjum á alþjóðamarkaði
vottaðar einingar sem nota má til
kolefnisjöfnunar eða til að minnka
kolefnisspor viðkomandi.
Fyrst og fremst vill sjóðurinn
að kolefniseiningar hans séu virtar
í alþjóðlegu umhverfi og fyllilega
samkeppnishæfar á þeim markaði
sem nú þróast hratt í aðgerðum
þjóða heims til að stemma stigu
við hlýnun loftslags. Jafnframt
er sjóðurinn að svara kalli
íslenskra fyrirtækja sem starfa á
alþjóðamarkaði að geta fengið
alþjóðlega vottaðar einingar.
Kynntu þér starfsemi Votlendis-
sjóðsins á www.votlendi.is.
Einar Bárðarson,
framkvæmdastjóri
Votlendissjóðs.
Einar
Bárðarson..
Hrossagaukur í votlendi. Mynd / Sigurjón Einarsson
Vinsamlega hafið samband við Björgvin Guðjónsson, búfræðing
og löggiltan fasteignasala í síma 510-3500 og 615-1020
eða á netfangið bjorgvin@eignatorg.is
Skipholt 50b, 105 Reykjavík
Vegna aukinnar eftirspurnar óskum
við eftir bújörðum á söluskrá
Næsta blað kemur út 1. desember
Auglýst er eftir umsóknum um styrki í Velferðarsjóð BÍ
fyrir árið 2022

Umsóknarfrestur er til og með 31.desember 2022

Umsóknum skal skilað til bondi@bondi.is

Tilgangur og markmið sjóðsins er að styðja fjárhagslega
við félagsmenn Bændasamtaka Íslands er þeir verða fyrir
meiriháttar áföllum í búrekstri sínum, s.s. vegna veikinda
og slysa.

Fyrirhugaðar eru breytingar á sjóðnum og hvetjum við því
öll sem eiga rétt á að sækja í sjóðinn að gera það núna.

Nánari upplýsingar ásamt úthlutunarreglum sjóðsins má
finna á vef samtakanna.

Velferðarsjóður Bændasamtaka Íslands
Auglýst er eftir umsóknum um styrki í Starfsmenntasjóð
BÍ fyrir árið 2022

Umsóknarfrestur er til og með 31. desember 2022

Umsóknum skal skilað rafrænt í gegnum Bændatorgið

Markmið starfsmenntasjóðs er að efla frumkvæði bænda
til að afla sér endur- og starfsmenntunar í þeim tilgangi að
styrkja færni sína í að takast á við flóknari viðföng í
búrekstri.

Fyrirhugaðar eru breytingar á sjóðnum og hvetjum við því
öll sem eiga rétt á að sækja í sjóðinn að gera það núna.

Nánari upplýsingar ásamt úthlutunarreglum sjóðsins má
finna á vef samtakanna.

Starfsmenntasjóður Bændasamtaka Íslands