Þingtíðindi Alþýðusambands Íslands ... - 29.11.1976, Side 69

inntökubeiðninni, þar sem hún stangaðist greinilega á við skipulags-
lög ASÍ og lög SBM.
Þá las Þórir upp samþykkt skipulagsnefndar ASÍ, sem samþykkt
var með 5 atkv. gegn einu, að einum nefndarmanni fjarstöddum.
Þá las Þórir einnig upp samþykkt miðstjórnar ASl um þetta mál.
Þórir lagði til, að inntökubeiðninni yrði vísað frá.
Þá tók til máls Hannes Þ. Sigurðsson fyrir hönd minnihluta
skipulagsnefndar. Hann sagðist hafa talið, að Múrarasamband ís-
lands ætti fullan rétt á að fá inngöngu í ASl.
Alls tóku átta þingfulltrúar til máls um inntökubeiðni Múrarasam-
bandsins. Aður en gengið var til atkvæðagreiðslu um inntökubeiðni
Múrarasambandsins, var borin fram svobljóðandi tillaga: „Við undir-
ritaðir fulltrúar á B3. þingi ASÍ, óskum eftir að viðhöfð verði alls-
herjaratkvæðagreiðsla um inntökubeiðni Múrarasambands íslands
í ASÍ.“ Tillagan var undirrituð af 16 þingfulltrúum.
Úrslit atkvæðagreiðslunnar urðu þau, að inntökubeiðni Múrara-
sambands Islands var vísað frá með 30.625 atkvæðum gegn 10.900
atkvæðum. Auðir seðlar voru 376.
I upphafi þings lágu frammi drög að ályktunum um kjaramál,
atvinnumál, vinnuvernd, fræðslu- og menningarmál og tillögur um
lagabreytingar auk stefnuskrár. Voru drög þessi unnin af nefndum
er miðstjórn hafði skipað (sbr. skýslu forseta 75—76, bls. 140) og
höfðu þau verið send sambandsfélögum til athgunar og umræðu
þremur mánuðum fyrir þing. Sami háttur hafði verið á hafður um
frumvarpsuppkast um nýja vinnulöggjöf.
Þá voru lögð fram þingtíðindi 32. þingsins og skýrslur forseta
árin 73 og 74, sem áður höfðu verið gefnar út og dreift til félag-
anna, svo og nýútkomin skýrsla forseta fyrir árin 1975 og og 1976
fram að þingi.
Björn Jónsson rakti megindrætti hinna framlögðu skýrslna og
síðan flutti Snorri Jónsson reikninga sambandsins á þingskjali 3.
Stefnuskrá ASÍ.
Að flestra dómi var stefnuyfirlýsing ASÍ eitt stærsta mál þingsins.
Björn Jónsson, forseti ASÍ, hafði framsögu um málið. Hann sagðist
telja mörkun langtímastefnu enn nauðsynlegri nú en fyrr, vegna
65
5