Bókasafnið - 01.01.2002, Qupperneq 57

Þórdís T. Þórarinsdóttir
EBLIDA - Samtök evrópskra
bókavarðafélaga
Inngangur
EBLIDA er skammstöfun fyrir European Bureau of
Library, Information and Documentation Associations sem
mætti útleggja á íslensku sem Samtöfe európsfera bófea-
uarða-, upplýsinga- og skjalastjórnunarfélaga.
EBLIDA er eins og nafnið bendir til heildarsamtök
bókasafns- og upplýsingafræði-, bókavarða-, og skjala-
varðafélaga og stofnana í Evrópu. Samtökin eru sjálf-
stæð og óháð hagsmunasamtök. Málefni sem EBLIDA
einbeitir sér að eru höfundarréttur og skyld mál,
menning, fjarskipti, Mið og Austur Evrópa,
málefni tengd upplýsingaþjóðfélaginu
og upplýsingatækni. Helsta slagorð
samtakanna er „Lobbying for
libraries." sem mætti ef til vill
útleggja „hagsmunagæsla í þágu
bókasafna".
Upplýsing - Félag bókasafns-
og upplýsingafrœða gekk formlega
í EBLIDA á síðastliðnu ári (2001)
og er það tilefni þessarar umfjöll-
unar. Bókavarðafélag íslands gerðist
aukaaðili EBLIDA (e. associate member)
árið 1997 fyrir atbeina þáverandi formanns
þess, Hrafns A. Harðarsonar. Upplýsing tók við þeirri
aðild við sameiningu íslenskra bókavarðafélaga þann
1. janúar árið 2000.
Stjórn Upplýsingar ákvað á fundi sínum þann 6.
júní árið 2000 að sækja um fulla aðild að EBLIDA. Sú
ákvörðun endurspeglar þá stefnu stjórnar félagsins
að auka þátttöku þess í norrænu, evrópsku og alþjóð-
legu samstarfi á sviði bókasafns- og upplýsingamála
til að félagið verði betur í stakk búið að fylgjast með
nýjungum á fagsviðinu og geti þar með betur sinnt
faglegum hagsmunum félagsmanna, einstaklinga
jafnt sem stofnana.
Upplýsing sótti um aðild að EBLIDA meðal annars
í samráði við önnur bókavarðasamtök á Norðurlönd-
unum sem töldu íslenska bókasafnasamfélagið hafa
hag af aðild í framtíðinni. í framhaldinu var sótt
formlega um aðild en þá kom í ljós að aðeins lönd
innan Evrópusambandsins (ESB) áttu rétt á aðild.
Umsókn Upplýsingar var eigi að síður tekin fyrir og
framkvæmdanefnd EBLIDA (e. Executive Committee)
mælti með fullri aðild Upplýsingar á fundi í Dublin í
lok september 2000. Formlega var Upplýsing svo tekin
í samtökin á árlegum á fulltrúaráðsfundi (e. Annual
Council Meeting) í Bremen þann 11. maí 2001. Undir-
rituð sótti fundinn fyrir hönd Upplýsingar og kynnti
félagið af því tilefni og dreifði upplýsingum um það.
Stofnun EBLIDA
og aðild að samtökunum
EBLIDA var stofnað árið 1992 og fagnar
því 10 ára afmæli sínu á yfirstandandi
ári sem haldið verður hátíðlegt á
ársþingi samtakanna í maí 2002.
Skrifstofa samtakanna, sem eru
félagasamtök eða svokölluð
regnhlífarsamtök (e. umbrella
organisation), er í Haag í Hol-
landi. Þar starfar framkvæmda-
stjóri en að auki eru tvö önnur
stöðugildi á skrifstofunni.
Á ársþingi IFLA (International
Federation of Library Associations and
Institutions) í Brighton árið 1987 var fyrst rætt um
nauðsyn þess að stofna samtök evrópskra bóka-
varðafélaga. Bresku bókavarðasamtökin boðuðu til
fundar um málið í London árið 1990 og vinnuhópur
var skipaður 1991 til að mynda ný samtök evrópskra
bókavarða-, upplýsinga- og skjalastjórnunarfélaga í
aðildarlöndum ESB. Stofnfundur samtakanna var svo
haldinn í Haag þann 13. júní 1992 þar sem lög og
stjórnskipun þeirra voru samþykkt. Stofnaðilar voru
13 félög frá níu löndum, þar af voru þrjú félög frá
Frakklandi og tvö frá Bretlandi. Nú eru í samtökunum
63 félög frá 30 löndum. Flestir aðilar eru frá Dan-
mörku og Bretlandi, eða sex frá hvoru landi.
Félag hollenskra almenningsbókasafna (e. Net-
herlands Public Library Association) er styrktaraðili
EBLIDA skrifstofunnar og hýsir hana.
Þá er um sérstaka styrktaraðild að ræða sem eink-
um er ætluð fyrirtækjum.
BÓKASAFNIÐ 26. ÁRG. 2002
55