Bókasafnið - 01.01.2002, Qupperneq 55

Mynd 11
21. sp. - afgreiðslutími bókasafns- og
upplýsingamiðstöðvar skólans)
Hæfilegur Of stuttur Of langur Veit ekki Svara ekki
□ FÁ | Kvennask. ■ MS
Síðasta spumingin, sem var opin, gaf nemendum
tækifæri til að tjá sig um hvað betur mætti fara á bóka-
safns- og upplýsingamiðstöð skólans. Ekki margir
nemendur sáu ástæðu til að svara þessari spurningu,
hafa ef til vill talið sig vera búna að koma til skila því sem
þeim þykir betur mega fara. Sumir notuðu að sjálfsögðu
tækifærið og svömðu með aulafyndni þar sem farið var
fram á að bókasafninu yrði breytt í bjórkrá eða súlustað.
Flestir svöruðu þó af samviskusemi og voru svör
þeirra nokkuð einsleit og ef til vill fyrirsjáanleg.
Kvartað var yfir of litlu húsnæði, of fáum sætum mið-
að við nemendafjölda, hvort heldur er til hóp- eða
einstaklingsvinnu og óþægilegum húsgögnum. Þetta
eru allt atriði sem ekki verða leyst nema með stjórn-
valdsákvörðunum og eru ekki á valdi starfsmanna
safnanna, enda öll söfnin í húsnæði þar sem áður
voru kennslustofur og því illa til þess fallið að starf-
rækja í bókasafns- og upplýsingamiðstöðvar.
Nokkrir bentu á að aðgangur nemenda að tölvum
á bókasafni væri lítill sem enginn. Tölvufæðin stafar
bæði af peningaleysi skólanna og þrengslum á bóka-
söfnunum en fækka þarf vinnuborðum nemenda enn
meir ef tölvum verður fjölgað.
Aðrir vildu betri bókakost í ýmsum greinum sem
snerta áhugamál þeirra og nokkrir nefndu að fleiri ein-
tök þyrftu að vera til af hveijum titli svo allir, að minnsta
kosti þeir sjálfir, gætu fengið lánað heim þegar margir
þurfa að nota sömu heimildirnar. Þetta kemur ekki á
óvart en stundum er erfitt að verða við slíkum óskum
þegar jafnvel fleiri tugir nemenda þurfa að nota sömu
heimildirnar á sama tíma, jafnvel aðeins í stuttan tíma í
senn sem skapar óheyrilega mikið álag á söfnin.
Síðast er vert að geta þeirra atriða sem að mestu
eru í höndum nemenda, það er umgengni, vinnufrið-
ur og loftræsting. Tillitssemi er oft ábótavant og er
háð því hvort viðkomandi nemendur eru að vinna af
alvöru eða aðeins að „kíkja“ í bækur og blöð eða jafn-
vel að hitta félagana (sbr. mynd 2).
Loftræstingu og hitastigi er erfitt að halda í jafn-
vægi þegar nemendur loka gluggum jafnharðan og
þeir eru opnaðir og öfugt. Eins eru ofnar stilltir á
hæsta stig þegar kulvísir nemendur setjast við þá
þrátt fyrir að öðrum þyki hitastigið í góðu meðallagi.
Ábendingar nemenda um hvað betur má fara á
söfnunum voru, eins og áður er sagt, að mestu leyti
fyrirsjáanlegar og hafa verið baráttuefni forstöðu-
manna bókasafns- og upplýsingamiðstöðvanna um
árabil. Það styrkir þá í starfinu að komast að raun um
að nemendur eru sama sinnis og verður vonandi
auðveldara að fá baráttumálunum framgengt við
yfirvöld skólanna með niðurstöður þjónustukönnun-
arinnar sem rök fyrir auknum fjármunum til safn-
anna og þar með bættri aðstöðu.
Að mati samstarfsaðila gefa niðurstöður könnun-
arinnar í heildina tekið góða mynd af starfsemi bóka-
safnanna í skólunum og þar með vísbendingar um
hvað megi betur fara og jafnframt gefur könnunin
sterkar vísbendingar um hvar styrkur safnanna liggur.
í stuttu máli er kjarni niðurstaðna sá að fagleg
starfsemi bókasafns- og upplýsingamiðstöðvanna,
svo sem uppbygging safnkosts, afgreiðslutími og
þjónusta, kemur vel út en ytri ramminn sem starf-
seminni er búinn, svo sem húsnæði, vinnuaðstaða og
aðgengi að tölvum, fær mun lakari einkunn.
Mat á verkefninu
Samstarfsaðilarnir eru sammála um að verkefnið hafi
verið mjög gagnlegt. Afar fróðlegt var að bera starfsemi
safnanna saman á tölfræðilegan hátt og athyglisvert hve
mikil samsvörun var milli svaranna í skólunum þremur.
Hópurinn var einhuga um að áhugavert og fróð-
legt væri að gera aðra sambærilega þjónustukönnun
eftir 3-5 ár og bera niðurstöður hennar saman við
þær niðurstöður sem nú liggja fyrir til að sjá hvort og
Afgreiðslu-
°9
öryggiskerfi
fyrir
bókasöfn
ÁRVÍK
Garðatorgi 3 - 210 Garðabær
Sími 568 7222 Fax 568 7295
Netfang: arvik@arvik.is
BÓKASAFNIÐ 26. ÁRG. 2002
53