Læknaneminn - 01.10.1996, Blaðsíða 85

Sérfræðinám ÍSvíþjóð
prófsskírteini, t.d. vegna vinnu í háskóla. Ef maki hygg-
ur á nám í Svíþjóð er skynsamlegt fyrir hann að taka
með sér afrit af einkunnum og prófskírteini á sænsku
eða ensku.
ÞEGAR KOMIÐ ER TIL
FYRIRHEITNA LANDSINS
Eftir að komið er út er mikilvægt að leita strax á
næstu skattaskrifstofu (Skattmyndigheten) til að fá
sænskt nafnnúmer (personnummer), en það verður
maður að hafa til þess að fá síma, barnabætur og fleira
sem tengist félagslega kerfinu. Til þess að geta fengið
nafnnúmerið verður að framvísa samnorrænu flutn-
ingsvottorði (Internordisk flytteattest), auk hjúskapar-
og fæðingarvottorðs fyrir alla fjölskylduna en þessi
vottorð fást á Hagstofunni. Stundum þarf að bíða í 1
til 2 vikur uns nafnnúmerið fæst og því er skynsamlegt
að leita sem allra fyrst á næstu skattaskrifstofu eftir að
komið er út.
Eftir að nafnnúmerið hefur borist er hægt að sækja
um nafnskírteini (legitimation). Það fæst í næsta
bankaútibúi og verður að fylgja með ein passamynd. I
sömu ferð er hægt að stofna bankareikning (launa-
reikning) og sækja um greiðslukort.
Ef menn þiggja bætur frá sjúkrasamlaginu eða eiga
von á bótum er rétt að verða sér úti um flutningstil-
kynningu frá sjúkrasamlagi. Islenskar konur hafa t.d.
fengið greidd mæðralaun í samræmi við fyrri tekjur á
Islandi. Eftir að EES samningurinn tók gildi 1. janúar
1994 hafa ákvæði um ýmsar félagslegar bætur verið í
lausu lofti. Þannig hafa þeir sem flytja á milli Norður-
landa ekki lengur gilda sjúkratryggingu fyrstu 6 mán-
uði dvalarinnar og hafa því þurft að kaupa sér trygg-
ingu í viðkomandi landi fyrir þann tíma. Þetta gildir
einnig um Islendinga sem flytja heim eftir dvöl á Norð-
urlöndunum. Aður en flutt er út er rétt að kynna sér
þessi mál til hlýtar.
Hægt er að fá bónus af bílatryggingum yfirfærðan og
þarf vottorð frá viðkomandi tryggingarfélagi hér
heima. Töluverðu getur munað á iðgjöldum ef bónus
fæst yfirfærður en annars eru bifreiðatryggingar ódýrari
í Svíþjóð en á Islandi. I flestum tilvikum dugar íslenskt
ökuskírteini en þó eru dæmi þess að Islendingar hafi
þurft að verða sér úti um sænskt ökuleyfi. Hægt er að
sækja um sænskt ökuleyfi á grundvelli þess íslenska ef
það er gert innan árs frá því að komið er til landsins,
að öðrum kosti getur viðkomandi þurft að taka próf,
Fáar þjóðir veita meiru fé til rannsókna en Svíar
ef miðað við höfðatölu. Mikil gróska er í rann-
sóknum í læknisfræði og Svíar eru framarlega
bæði innan klínískra rannsókna og grunnrann-
sókna. I sérfræðináminu er mikil áhersla lögð á
þátttöku lækna í rannsóknum enda miklir
möguleikar fyrir hendi og frekar auðvelt að
tvinna saman rannsóknastörf og klínískt nám.
(mynd: Kabi-Pharmacia)
bæði skriflegt og verklegt.
I sumum tilvikum er krafist vottorðs frá sjúkrahúsi
um framhaldsnám. Slík vottorð fást á skrifstofum spít-
alanna en þar kemur fram hversu lengi viðkomandi
hefur unnið á stofnuninni og frá hvaða deild laun voru
greidd. A sömu skrifstofum er hægt að fá vottorð sem
sýnir tekjur síðastliðins árs en slíkt vottorð getur kom-
ið að góðum notum ef sótt er um bætur úr félagslega
kerfinu, t.d. fæðingarorlof.
Ekki er lengur krafist sænskuvottorðs nema í algjör-
um undantekningartilvikum. Þá er staðfest af viður-
kenndum sænskukennara að viðkomandi skilji bæði
ritað og mælt mál og geti gert sig skiljanlegan á sænsku.
Þó má benda á að tali fólk reiprennandi sænsku getur
verið ávinningur í því að fá það staðfest, t.d. af sænsku-
kennara. Einnig er sjálfsagt að geta þess þegar sótt er
um stöðu að umsækjandi tali góða sænsku.
HÚSNÆÐI
Yfirleitt er talið ráðlegt að byrja í leiguhúsnæði.
Húsaleiga á almennum markaði er mismunandi eftir
stöðum og oft dýrari í stórborg en á minni stöðum á
landsbyggðinni. I borgum er húsaleiga fyrir 3ja - 4 her-
bergja íbúð oftast á bilinu 30-50 þús. ísl. kr. á mánuði
og er þá innifalið bæði hiti og vatn. Kallast það „varm
hyra“ þegar hiti er innifalinn en ef það er ekki er talað
LÆKNANEMINN
75
2. tbl. 1996, 49. árg.