Goðasteinn - 01.03.1969, Qupperneq 36

Þórður Tómasson:
Guðrún á Fossi
Guðrúnu Runólfsdóttur á Fossi á Rangárvöllum sá ég aðeins
tvisvar; fyrst við messu hjá sr. Arngrími Jónssyni í Odda, þeim
merkispresti, sem nú berst góðri baráttu til að blása lífi í mókandi
kirkju. Mér er hún minnisstæð, hin tígulega, svipmikla kona, þá nær
hálfníræð en þó enn bein eins og rétt björk í skógi. Sama tign mætti
mér haustið 1962, er hin úrræðagóða höfðingskona Jónína á Keld-
um brauzt m.eð mig á jeppanum sínum um torfæran 12 km veg upp
að Fossi til að hitta Guðrúnu aðeins að máli, áður en það væri
um seinan. Þá var hún 98 ára. Veizluborð beið okkar hjá Guðrúnu
yngri (Nunnu). Enginn afdalasvipur var þarna á neinu. Svo til
austan við bæjarvegginn rann Rangá og hafði þar raulað undir við
svefn og vöku kynslóðanna, sem þarna höfðu lifað víst allt frá
landnámsöld. Þarna var friður og ró og auðvelt að hlusta á „undra-
raddir náttúrunnar."
Guðrún á Fossi var fædd n. marz 1864, dóttir Runólfs bónda í
Snotru í Þykkvabæ, Jónssonar bónda í Háarima, Guðnasonar, Daða-
sonar prests í Reynisþingum, Guðmundssonar. Kona Runólfs og
móði.r Guðrúnar var Katrín Stefánsdóttir frá Skinnum, komin út
af sr. Filippusi Gunnarssyni í Kálfholti.
Guðrún giftist 1896 Hafliða Sæmundssyni bónda á Fossi (f. 1867,
d. 1937). Er ætt hans rakin í beinan karllegg til Torfa sýslumanns í
Stóra-Klofa og Lofts ríka. Guðrún dó. 3. jan. 1963.
34
Goðasteinn