Goðasteinn - 01.03.1969, Blaðsíða 90

En meðan hann var að þcssu, hafði hann ekki tekið eftir gesti,
sem í því bar að brúnni í grænni jeppabifreið. Út snaraðist vörpu-
legur og rauðskeggjaður maður, einbeittur á svip. Þar var kominn
sjálfur Pétur Hallgrímsson í embættiserindum. Hann hafði heyrt
óljósar veiðisögur af þessum nýja mjólkurbílstjóra og þóttist vita,
að þarna væri hann nú að veiðum. Því var bezt að hafa hraðann
á og láta ekki refinn sleppa. Hann snaraðist niður að ánni og undir
brúnni sá hann veiðimann vera að draga stærðar lax á land. Það
var ekki um að villast. Þarna var veiðiþjófur, sem varð að kæra
og fá dæmdan hið bráðasta. Hann nálgaðist nú manninn með lax-
inn, sem leit upp í því og komst ekki hjá að sjá sigurvissuna skína
út úr andliti veiðivarðarins.
En Sigurður btlstjóri hafði orð á sér fyrir að vera ráðagóður og
var ekki á því að gefast upp fyrr en hann mætti til. En góð ráð
voru dýr í þessari aðstöðu og eiginlega var ekki nema um eitt að
ræða. Hann lagði frá sér laxinn, snaraðist fram og greip fagnandi
um hendur varðmannsins og sagði brosandi. Ja, komdu ævinlega
sæll og blessaður Pétur minn. Það er kannski ekki von að þú þekk-
ir mig strax aftur. En ég er nefnilega Eiríkur Hansen, yngsti bróð-
irinn, nýkominn heim frá Ameríku, þar sem ég sel fiskflökin frá
íslandi. Það eru víst ein sex ár síðan við sáumst síðast. Ég kom
með strandferðaskipinu í dag og fékk hann Sigurð mjólkurbílstjóra
til að fara með mig strax hingað uppeftir, því að alltaf uni ég mér
bezt við veiðar. Hann situr í bílnum þarna niður með ánni. En
nú verð ég að fara að hraða mér, því að konan bíður mín á gisti-
húsinu.
Samtalið varð ckki öllu lengra. Bragðið heppnaðist, þótt teflt
væri á tæpasta vaðið. Veiðivörðurinn settist brátt upp í jeppann
og ók burt. Hann var álútur og þungur á svip, næstum því miður
sín eftir það, sem við hafði borið. Hann þráspurði sjálfan sig, hvað
væri hið sanna í málinu, en fékk ckkert svar. Og hvort sem þessi
saga er sönn eða ekki, þá komst hún þó í hámæli í sveitinni og vakti
m.ikla kátínu hjá fólkinu, sem ckki mátti lengur fiska í ánni sinni.
8P
Goðaste'mn