Goðasteinn - 01.03.1969, Qupperneq 59

ftionsson og Magnús Guðmundsson lcita utn suðvesturhluta Njarð-
víkurheiðar, allt upp að hrauni, síðan vestur með því um Þórðar-
fell til Lágafells en við Magnús Jónsson leita um Stapafell og Súlut
en halda síðan niður heiðina sem hér segir: Ég innstur (austast),
sem næst minni fyrri göngu, Magnús Jónsson næstur mér (vestar), þá
Guðmundur og Magnús Guðmundsson vestastur.
Þeim, sem ókunnir eru staðháttum og kennileitum í Hafnaheiði
og einhvern tíma kynnu að lesa þetta, vil ég ennfremur segja þetta
til skýringar á því, sem eftir kemur: Eftir endilangri Hafnaheiði,
svo til réttvísandi frá austri til vesturs, liggja þrjár gjár. Efst þeirra
er Klifgjá. Nær hún frá suðvesturhorni Þórðarfells og alla leið
vestur undir Stórusandvík á Reykjanesi. Heitir hún Haugsvörðugjá,
er kemur vestur á móts við Sandfell. Nokkru neðar er Hrafnagjá.
Myndar hún samfelldan og nokkuð reglulegan hamravegg móti
norðri um 3-4 m háan, alla leið innan fyrir Stapafell, vestur til
Suður-Nauthóla. Neðst er Grákolluhólsgjá. Nær hún aðeins inn-
ar (austar) en Hrafnagjá og alit til Norður-Nauthóla. Þaðan vestur
um hólana; heitir hún Arnarbælisgjá. Aðalveggur Grákolluhólsgjár
veit mót suðri. Hefur þarna endur fyrir löngu myndazt mjög stór-
kostlegt landsig milli Hrafnagjár og Grákolluhólsgjár., 1V2-2 hm
breitt.
Eftir að við höfðum leitað um Fellin og með hraununum, héld-
um við heim á leið í sömu röð og ákveðið var um morguninn.
Sóttist ferðin greitt, því bæði var það, að fátt var féð og gangfæri
hið bezta. Var þó komið nær sólsetri, er við komum niður í Hrafna-
gjá. Veður var hið sama og um morguninn, stafalogn og heiðríkja.
Minnist ég ekki í annan tíma að hafa séð jafn dýrlegt skyggni eins
og af Stapafelli þennan dag. Faxaflói spegilsléttur og glampandi
mcð fjallahringinn á nær þrjá vegu í tindrandi heiðfögrum vetrar-
skrúða og hvergi ský á lofti.
Þannig var þá um að litast þennan umgetna dag, er við félagarnir
vorum komnir nokkru neðar en miðja vegu millum Hrafnagjár og
Grákolluhólsgjár. Var ég kominn spölkorn neðar en hinir. Mun
þá hafa verið allt að þriggja km leið milli mín og Magnúsar Guð-
mundssonar, þess er vestast gekk, er ég heyri allt í einu hljóðfæra-
slátt rjúfa þessa heilögu heiðakyrrð. Kom hann nokkuð hvellt fyrst,
Goðasteimi
57